John 4:24 - Kije Manido Odikido8in: Ocki Mazinaigan

²⁴ Ketcinadj mega manido8endagozi Kije Manido, acitc a8iagog mi eta k8aiak oga kackitona8a kidji icpenima8adjin kicpin Mino Manidon 8idjiigo8adjin ii kidji todamo8adj. Mi iidi ke odji kikenima8adjin a8eneni8an ini maia Kije Manidon.”

John 4:24 Iomraidhean Croise

John 4:23

“Nogom pi peconag8an, acitc aja iji8eban, Mino Manido kidji 8idjiadjin a8iagon kidji icpenimandjin Kidadaminanan. Oga 8idjian kidji kikenimandjin a8eneni8an ini maia Kije Manidon. Mi mega iidi Kidadaminan eji nda8enimadjin a8iagon kidji icpenimigodjin.

2 Konit 1:12

8adan oo8e 8egonen 8edji kitci inendamag. Nikikendananan 8e8enda egi paba ijitcigeiag, adigotc ka paba ijaiag. A8acamej kitci 8e8enda kigi todagom. Ka8in kegon nidodji kadosinanan, ka8in a8iag nidodji 8agackibinasi8anan. Mi mega iidi kagi iji minigo8ag Kije Manido kidji iji pimadiziag. Ka8in kagita8endamo8in a8iagokag ka odjimagag nidodji k8ag8e abadjitosinanan, Kije Manido dac okitci ca8endjige8in kagi minigo8ak nigi abadjitonanan.

2 Konit 3:17

Apitc mikomag ooma ka Tibendjigedj, nimikoma Mino Manido. Apitc dac a8iag kigickagodjin Mino Manidon, ka8in kodag kegoni ogagi tibenimigosin.

Pilip 3:3

Kina8it sa 8edjidagotc Kije Manido odanicinabeman kidijinagozimin, ka8in dac 8ina8a. Mino Manido mega ki8idjiigonan kidji icpenimaiak Kije Manido, acitc kimodjigendananan Jesos Christikag e iji mama8iseiak, acitc ka8in odji pejig kidapacenimosimin ijitcige8inikag ka kitci apitendamo8adjin a8iagog kidji gi odji ag8acimigo8ak.

1 Timote 1:17

8egona kagige manadjiagani8idj acitc icpenimagani8idj aa Kitci Ogima, kagige ke ogima8idj, kagige ke pimadizidj, ega ka 8abamagani8idj, mi eta aa8e ka Kije Manido8idj! Amen.