John 4:15 - Kije Manido Odikido8in: Ocki Mazinaigan

¹⁵ Aa dac ik8e ogi inan: “Minicin ii nibi, ega mina8adj kidji 8i minik8eian acitc ega mina8adj mamakadj kidji pijaian ooma kidji pi nadobian.”

John 4:15 Iomraidhean Croise

John 4:16

Jesos dac ogi inan ini ik8e8an: “Nadji8ij ki8idigemagan. Pidji8ij dac ooma.”

John 6:26

Jesos dac ogi nak8e8ajian: “Teb8e ki8idamonom, ka8in egi nisidotameg adi 8a ikidomagag kagi iji mamada8izian 8edji nanada 8abamijieg. Tiegodj, kinanada 8abamijim egi am8eg8a pak8ejiganag acitc egi odji tebickono8eg.

John 6:34

Ogi ina8an dac Jesosan: “Jesos! Kabena mijicinam aa pak8ejigan.”

John 6:35

Jesos dac ogi inan: “Nin aa pak8ejigan ka migi8edj pimadizi8ini. Aa8e ke pi nazikaojidj acitc ke teb8etaojidj, ka8in 8ikad kada 8i 8isinisi acitc ka8in 8ikad kada 8i minik8esi.

Ojibiama8agani8i8ag ka teb8etamo8adj Rom odenakag 6:23

Kicpin mega patadiak, kikackitamadizomin kidji nibo8ak. Kije Manido dac 8in kica8enimigonan kagige kidji pimadiziak, e abadjiadjin Jesos Christan ka Tibeniminak.

Ojibiama8agani8i8ag ka teb8etamo8adj Rom odenakag 8:5

Igi8e ka inakamigizi8adj adi 8ina8a tibina8e eji mosa8endamo8adj kidji todamo8adj, mi eta mojag ka iji min8endamo8adj eji mamidonendamo8adj. Igi8e dac ka inakamigizi8adj adi eji nda8endamindjin Mino Manidon, apanigotc omamidonendana8a adi ke iji min8endamia8adjin Mino Manidon.

1 Konit 2:14

Aa8e ega ka kigickagodjin Mino Manidon, ka8in ogagi aiasinan teb8e8inan Mino Manidokag ka odjimaganigin. Ka8in mega okackitosin kidji nisidotagin. “Ki8ack8etag8anon ini” inendam. Mi eta igi8e ka kigickago8adjin Mino Manidon ke kackito8adj kidji nisidotamo8adjin.

Jak odojibiigan 4:3

Pagosenimeg dac Kije Manido, ka8in kidodisigosina8a ka iji k8ag8edjimeg, osa mega anodj 8edji k8ag8edjimeg, mi eta kidji min8endamiidizo8eg eji pagosendameg.

1 John 5:20

Kikikendananan Kije Manido Og8izisan egi pijandjin ooma akikag. Kigi minigonan kidji nisidotamak, kidji gi odji kikenimaiak Kije Manido, 8in e teb8edj. Kitibenimigonan dac Kije Manido e teb8edj, e mino 8idji8aiak Og8izisan Jesos Christan. Mi sa 8aa ka Kije Manido8idj e teb8edj, e minigo8ak kagige pimadizi8ini.