John 21:12 - Kije Manido Odikido8in: Ocki Mazinaigan

¹² Jesos dac ogi inan: “Pi nda 8isiniok.” Kakina pepejig ka taci8adj cag8enimobanig kidji k8ag8edjima8adjin “A8enen kin?” e kikenima8adjin ka Tibendjigendjin ini.

John 21:12 Iomraidhean Croise

Matio 22:46

Ka8in odji pejig a8ian iima ka tenipan ododji kackiigosin kidji nak8e8ajiigodjin. Ick8a dac ii, ka8in mina8adj a8ian kegoni ododji k8ag8edjimigosin. Kakina mega cag8enimobanin.

Min8adjimo8ini kagi ojibiag kitcit8a Mak 9:32

Ka8in dac onisidotasina8aban kikinoamaganag adi 8a ikidonipanin, acitc kocimobanig kidji k8ag8edjima8adjin 8egonen 8edji ikidonipanin ii.

Min8adjimo8ini kagi ojibiag kitcit8a Lok 9:45

Ka8in dac onisidotasina8aban kikinoamaganag adi 8a ikidonipanin. Ki kadama8agani8i8ag mega adi maia 8a ikidomaganig ega kidji gi nisidotamo8adj, acitc kocimobanig kidji k8ag8edjima8adjin 8egonen 8edji ikidonipanin ii.

John 16:19

Jesos ogi kikendan kegoni e 8i k8ag8edjimagani8idj, midac ogi inan: “Kigi 8idamonom: ‘Peconag8an aja ega kidji 8abamijieg, midac ka8in kin8ej mina8adj kiga koki 8abamijim.’ Mi na ii ka iji k8ag8edjimidieg?

John 21:11

Simo Pien dac ki pozi tcimanikag acitc ogi 8ikobinan ka kitci kicponenigobanen odasabin mane kitci kigozan. Midasomidana acitc nanomidana acitc nisin (153) tacibanig kigozag. Misa8adj e kitci manendjin kigozan asabikag, ka8in odji pigosesi8an.

John 21:15

Ka ick8a 8isini8adj, Jesos ogi inan Simo Pienan: “Simo, John og8izisan! Na8adj na kisagiijinan apitc8in ogo8e ka iji sagiiji8adj?” Simo dac ogi nak8e8ajian: “Ee, Tebendjigean! Kikikendan e sagiinan.” Jesos dac ogi inan: “8e8enda kana8enimik dac nimantcenicesimag.”

John 4:27

Ii dac apitc, Jesos okikinoamaganan ki pi tag8icino8an, acitc ki kitci mamakadendamon e 8abamigodjin Jesos e taji aiamiadjin ini ik8e8an. Misa8adj dac ka8in a8iag ododji k8ag8edjimasi8an: “8egonen neda8endaman?” konigotc “8egonen 8edji taji aiamiadj aa ik8e?”

Jesos Odanodaganan Odijitcige8ini8an 10:41

Ka8in dac kakina a8iagon ododji 8abamigosin, nina8it eta, nigan kagi onabamigo8ag Kije Manido, kidji gi tibadjimo8ag adi kagi iji 8abadamag. Nigi 8idji 8isinimanan acitc nigi 8idji minik8emanan apitc ka ick8a abidjibadj.