John 20:17 - Kije Manido Odikido8in: Ocki Mazinaigan

¹⁷ Jesos dac ogi inan: “Ka8in midjiminijiken, ka8in mega maci nidodji ijasi Nidadamikag. A8i ijik nidjiki8eg Nidadamikag e ijaian, ka iji Odadamieg kekina8a. Mi aa Nikije Manidom, ka iji Okije Manidomieg kekina8a.”

John 20:17 Iomraidhean Croise

Matio 12:50

A8enenigotc mega ke ijitcigedj adi eji nda8endamindjin Nidadaman 8ak8ig ka tendjin, mi aa nidjiki8e kek8an nidjodjom.”

Matio 25:40

“Aa dac ogima oga nak8e8ajian: ‘Teb8e ki8idamonom, tasinigotc kagi mino toda8eg pejig oo ka taci8adj, nidjiki8eg ka inenimag8a, ega a8iagon ka apitenimigo8adjin, kenin kigi mino todaojim.’ ”

Matio 28:7

8ibadj a8i 8idamaokog okikinoamaganan: ‘Jesos ki abidjiba nibo8inikag, acitc kiga piigo8a Galilee akikag. 8edi dac kiga odji 8abama8a.’ Mi oo8e ka pi ininagok,” ki ikido ajeni.

Min8adjimo8ini kagi ojibiag kitcit8a Mak 12:26

Kicpin dac 8i kikendameg ke apitci abidjiba8ag8en kagi nibo8adj, kana panima kida nabo8adasina8a adi eji mazinadenig Mois omazinaiganikag e mikomadjin mitigon ka taji piskanenigobanen? Mazinadeni iima adi Kije Manido ka iji 8idama8agobanen Moisan: ‘Nin Abanaam (Abraham), Aisik (Isaac) acitc Tcekap (Jacob) Okije Manidomi8an,’ Exode 3.6 mi mezinadenig.

Min8adjimo8ini kagi ojibiag kitcit8a Mak 16:19

Apitc ka ick8a aiamiadjin Jesos ka Tibendjigedj okikinoamaganan, ki icpika 8ak8ig acitc ki nda abi Kije Manidon okitcinikinikag.

Min8adjimo8ini kagi ojibiag kitcit8a Lok 10:4

Ka8in madji8idokegon conia8aj, ka8in kek8an mackimod, ka8in kek8an makizinan. Ka8in kibisikakegon kidji anamika8eg a8iag meg8adj e pimodeieg.”

John 13:1

Aja kegat Coda8inni Kitci Magocani8anoban. Jesos okikendanaban aja e ani odjitcisenig kidji nagadag oo8e akini kidji koki nda 8abamadjin Odadaman. Kabena ogi sagian ini8e ooma akig 8inikag ka iji tibendagozindjin, pinici kidji nibodj.

John 13:3

Jesos dac 8in okikendanaban Kije Manidon egi minigodjin macka8izi8ini kakina kegoni kidji gi todag. Okikendanaban Kije Manidokag e odjigobanen acitc kidji koki nda 8abamadjin.

John 14:2

Nidija adi e tedj Nidadam. Iima dac ka tedj, kitci magi ta8ate mane a8iagog kidji iji tajike8adj. Kicpin ega teb8emagagiban, kida 8idamonom. Kiga ojitamonom taji ke iji tajikeieg.

John 14:28

Kigi nodaojim e ikido8an: ‘Nimadja, anic dac niga koki pija.’ Kicpin teb8e sagiijieg, kiga min8endana8a e ijaian Nidadamikag. Nidadam mega na8adj kitci apitendagozi apitc8in nin.

John 14:6

Jesos ogi nak8e8ajian: “Misa nin mikana, nin teb8e8in, nin pimadizi8in. Ninikag eta a8iag oga odji kackiton kidji ijadj Nidadamikag.

John 16:28

Teb8e Nidadamikag nigi pi odji, ooma akikag egi pijaian. Nogom dac nimadja kidji koki nda 8abamag Nidadam,” ki ikido Jesos.

John 17:11

Nogom niga nagadan aki, kinikag nipija. 8ina8a dac kiabadj akikag kada te8ag. Nidadam! Ma8adji kikitcit8a8izinan! Nagadjiik, ki8izon e abadjito8an, kidji gi pejig8eiendagozi8adj, tabickotc kin acitc nin ka iji pejig8eiendagoziak. Kitci macka8izimagan ki8izon kidji gi nagadjiad8a, mi ii 8izon kagi minijian kidji iji macka8izian.

John 17:25

Nidadam! Kikitci k8aiakozinan! Igi8e ega ka teb8etamo8adj ka8in kikikenimigosig. Nin dac kikikenimin. Ogo8eni8ag dac ka teb8etamo8adj, kikikenimigog egi pidjinijaojian.

John 17:5

Nidadam! Ab8amaci tag8agiban aki, nigi kitci icpendagozinan e 8idjiojian. Minicin dac nogom mina8adj kidji iji kitci icpendagozian e 8idjiojian.”

John 20:27

Ogi inan dac Tomasan: “Aton kinidji ooma acitc kana8abadan ninidjin. Pidon kinidji acitc saminicin nipig8adakag. Midac poni ana8etan, teb8etaocin.”

John 7:33

Jesos dac ki ikido: “Ka8in aja kin8ej niga tesi kina8akag. Aja mega kegat niga nda 8abama aa8e kagi pidjinijaojidj.

Ojibiama8agani8i8ag ka teb8etamo8adj Rom odenakag 8:29

Ono8e mega Kije Manido kagi onabamadjin, nigan ogi ineniman kidji ani ijinagozindjin Og8izisan ka ijinagozindjin. Midac Og8izisan tabickotc kitci oseezima ijinagozi8an, acitc dac kitci mane8an ocimejan.

2 Konit 6:18

Ninikag kiga iji odadamim, acitc nin igi nig8izisag acitc nidanisag kiga ijinikaninom.” 2 Samuel 7.14; Ésaïe 43.6 Mi ka ikidodj ka Tibendjigedj ma8adji ka kitci macka8izidj.

Kalecia 3:26

Kakina ka tacieg, Kije Manido odabinodjijiman kidijinagozim, adi eji teb8eta8eg Jesos Christ.

Ebaro 11:16

Ka8in dac 8in iidi ka iji nda8endamo8apan. Onada8endana8aban na8adj e min8acinig akini apitc8in ii8eni kagi nagadamo8adj, onada8endana8aban ii akini ke aiamo8adj 8ak8ig. Ka8in dac odagadjimasi8a8an igi a8iagog Kije Manidon apitc ka ijinikana8adjin “Nikije Manidominan!” Ogi ojitamago8an mega odenani ke iji tajike8adj.

Ebaro 8:10

8adan oo ke ijinag8anig ocki nakomo8ini ke ojitama8ag8a kakina Israel a8iagog. Omidonendjigani8akag niga iji ata8anan nidinakonige8inan, acitc odei8akag niga iji ojibiam8anan. Ninikag kada iji Okije Manidomi8ag acitc nin niga odanicinabemi8age.

1 Pien 1:3

Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,

1 John 3:2

Ni8idji8aganag ka kitci sagiinagok! Aja Kije Manido odabinodjijiman kidijinagozimin. Anic dac ka8in maci kigagi kikendasinanan 8egonen ke iji8ebag nigan, adi maia ke ijinagoziak. Misa8adj dac kikikendananan apitc Jesos ke koki tag8icig ooma akikag, tabickotc 8in kiga ijinagozimin. Teb8e mega maia ejinagozidj kiga 8abamanan.

Kagi iji 8abadaagani8idj John 21:3

Nigi noda8a a8iag kitci ogima8i tesabi8aganikag e odji anim8edj. Ki kitci kiji8e ekidodj: “Ndotamok! Nogom Kije Manido o8idji tajikeman a8iagon. 8inikag kada iji tibendagozi8an. 8in Kije Manido oga 8idji8an acitc kada iji Okije Manidomi8ag.

Kagi iji 8abadaagani8idj John 21:7

Aa8e ke sogigaba8idj, mi ke minag oo8eni. Nin, Kije Manido, niga nagadjia acitc niga odabinodjijimi8age.