John 20:15 - Kije Manido Odikido8in: Ocki Mazinaigan

¹⁵ Jesosan dac ogi k8ag8edjimigon: “Ik8e! 8egonen 8edji ma8ian? A8enen ka nanada 8abamadj?” “Kitige8inni aa,” inendamogoban Mani. Ogi inan dac: “Kicpin kin ka madjina8ad8en, 8idamaocin adi ka iji asadj, midac niga koki odapina.”

John 20:15 Iomraidhean Croise

Matio 12:34

Kina8a madji a8iagog, tabickotc ka pitcibo8inezi8adj kinebigog kidijinagozim! Adi dac kegi odji mikodamegon mino kegonan, e kitci madjideeieg? Ejigij8edj mega a8iag, odji nag8ani adi ejideedj.

Matio 28:5

Aa dac ajeni ogi inan ik8e8an: “Ka8in segizikegon! Nikikendan e nanada 8abameg Jesos, 8in kagi acidak8a8agani8idj tcibaiatigokag.

Min8adjimo8ini kagi ojibiag kitcit8a Mak 16:6

Aa dac ockina8e ogi inan ik8e8an: “Ka8in segizikegon! Kinanada 8abama8a Jesos, Nazaret ka odjidj, 8in kagi acidak8a8agani8idj tcibaiatigokag. Ki abidjiba nibo8inikag! Ka8in aja ooma tesi. Inabiok! 8adan ooma ka iji asagani8ipan.

Min8adjimo8ini kagi ojibiag kitcit8a Lok 2:44

Inendamo8agoban mi ke8in pemidedj meg8adj e pimodani8anig acitc kabe kijik ki pimose8agoban. Midac ogi nanada 8abama8an o8idji8agani8akag acitc ka iji otcina8emagani8adj.

Min8adjimo8ini kagi ojibiag kitcit8a Lok 24:5

Ki onijik8ebanio8ag, ka apitci segizi8adj. Ogi igo8an dac ini naben: “8egonen 8edji iji nanada 8abameg ka nibo8adj ka iji te8adj aa8e ka pimadizidj?

John 1:38

Jesos dac ki k8ekigaba8i, ogi 8abaman e nosoneogodjin acitc ogi k8ag8edjiman: “8egonen nenada8abadameg?” Ogi ina8an dac: “Adi e iji tajikean, Rabbi?” Ii anim8e8in Rabbi, “Kikinoamage8inni” 8i ikidomagan.

John 18:4

Jesos ogi nda nagicka8an, e kikendamogobanen adi ke iji8ebizidj. Midac ogi k8ag8edjiman: “A8enen ka nanada 8abameg?”

John 18:7

Mina8adj dac Jesos ogi k8ag8edjiman: “A8enen ka nanada 8abameg?” Ki ikido8ag dac: “Jesos, Nazaret ka odjidj.”

John 20:13

Ini ajenin ogi k8ag8edjimigon: “Ik8e! 8egonen 8edji ma8ian?” Ogi nak8e8ajian: “Ki madji8idjigadeni ka Tibenimijidj o8ia8, acitc ka8in nikikendasin adi ka iji atcigadenig.”