John 19:28 - Kije Manido Odikido8in: Ocki Mazinaigan

²⁸ Jesos ogi kikendan aja kakina kegoni egi iji8ebanig. Ki ikido dac: “Nipag8anamonan.” Mi ka ikidodj maiagotc kidji ick8a iji8ebanig ka ojibiigadenig Kije Manidon Omazinaigani.

John 19:28 Iomraidhean Croise

Min8adjimo8ini kagi ojibiag kitcit8a Lok 12:50

Niga sigaadazonan, e nanekadjiigo8an dac, mi ke odji sigaadazo8an. Nikitci kodagito pinici kidji ick8a cabockaman.

Min8adjimo8ini kagi ojibiag kitcit8a Lok 18:31

Jesos ogi madji8inan okikinoamaganan acitc ogi inan: “Ndotamok! Jerusalem kiga ijamin, teb8e kakina kidji ijiseg kagi ijibiige8adj niganadjimo8innig e mikomiji8adj, nin, Ka pi Anicinabe8iidizodj, kidji iji8ebizian.

Min8adjimo8ini kagi ojibiag kitcit8a Lok 22:37

Ikidomagani mega Kije Manido Omazinaigan: ‘Madji a8iagokag ki iji acidagimagani8i.’ Ésaïe 53.12 Ki8idamonom dac, panima ki iji8ebizian ii. Teb8e kada iji8eban ii kagi ojibiigadegobanen nin odji.”

Min8adjimo8ini kagi ojibiag kitcit8a Lok 9:31

Kitci 8asea8inikag ki odji nagozi8ag. Omikodana8aban dac kidji ick8aikag Jesos ka odji pidjinija8agani8igobanen e ani nibodj 8edi Jerusalem odenakag.

John 13:1

Aja kegat Coda8inni Kitci Magocani8anoban. Jesos okikendanaban aja e ani odjitcisenig kidji nagadag oo8e akini kidji koki nda 8abamadjin Odadaman. Kabena ogi sagian ini8e ooma akig 8inikag ka iji tibendagozindjin, pinici kidji nibodj.

John 17:4

Ooma akig nigi 8abadai8e epitci kitci icpendagozian kin. Kakina nigi todan adi kagi inanonijian.

John 18:4

Jesos ogi nda nagicka8an, e kikendamogobanen adi ke iji8ebizidj. Midac ogi k8ag8edjiman: “A8enen ka nanada 8abameg?”

John 19:24

Ki ikido8ag dac igi cimaganicag: “Ka8in kiga pigobidosinanan oo okonas. K8ag8e mikosedan a8enen ke tibendag.” Midac kidji gi iji8ebag Kije Manido Omazinaiganikag ka ikidomaganig: “Ki madinamadi8ag nidaiman, acitc ki k8ag8e mikose8ag nikonasini.” Psaume 22.19(18) Mi ka todamo8adj cimaganicag.

John 19:30

Apitc dac kagi minik8edj, Jesos ki ikido: “Mi kakina egi iji8ebag.” Ki onijik8ese, midac ka iji ick8anamodj.

John 19:36

Midac iidi ka iji8ebag ii kagi iji mazinadenigobanen Kije Manido Omazinaiganikag: “Ka8in 8a8adj pejig okan odji pig8aigadesinon,” Exode 12.46; Nombres 9.12; Psaume 34.21(20)

John 4:34

Jesos dac ogi inan: “Kidji ijitaian adi eji nda8enimijidj aa ka pidjinijaojidj, acitc kidji ick8aikaman nimikimo8in kagi pidjinijaamago8an odji, mi ii 8edji pimadizian, mi maia kagi 8isinian ako enenimo8an.”

Jesos Odanodaganan Odijitcige8ini8an 13:29

Apitc ka ick8a iji8ebanig kakina kegoni kagi ikidomaganigobanen Kije Manidon Omazinaigani 8in odji, ogi nisakona8an tcibaiatigokag acitc ogi asa8an 8ibabikiniganikag.