John 18:8 - Kije Manido Odikido8in: Ocki Mazinaigan

⁸ Jesos dac ogi nak8e8ajian: “Aja kigi 8idamonom nin mada Jesos. Kicpin dac nin ka nanada 8abamijieg, pagidinikog ogo ka 8idji8ag8a kidji madja8adj.”

John 18:8 Iomraidhean Croise

Matio 26:56

Midac 8edji iji8ebag ii, kidji gi ijiseg adi kagi iji ojibiamo8adj niganadjimo8innig.” Kakina dac okikinoamaganan ogi naganigon acitc ki ojimobanin.

John 10:28

Niminag kagige pimadizi8ini. Ka8in dac 8ikad kada 8anicisi8ag acitc ka8in a8iag niga pi nda makamigosi ini8e.

John 13:1

Aja kegat Coda8inni Kitci Magocani8anoban. Jesos okikendanaban aja e ani odjitcisenig kidji nagadag oo8e akini kidji koki nda 8abamadjin Odadaman. Kabena ogi sagian ini8e ooma akig 8inikag ka iji tibendagozindjin, pinici kidji nibodj.

John 13:36

Simo Pien ogi k8ag8edjiman Jesosan: “Tebendjigean! Adi ejaian?” Jesos dac ogi nak8e8ajian: “Ka8in kigagi nosoneojisim nogom adi ejaian. Pekic sa nage kiga nosoneojim.”

John 16:32

Aja pecodj kada ijise kakina pepejig e tacieg kidji ojimo8eg. Kiga ki8em kimigi8ami8akag. Kiga naganijim nin eta. Ka8in dac pekic teb8e nin eta niga tesi, kabena mega Nidadam ni8idji8a.

John 18:7

Mina8adj dac Jesos ogi k8ag8edjiman: “A8enen ka nanada 8abameg?” Ki ikido8ag dac: “Jesos, Nazaret ka odjidj.”

John 18:9

Midac kidji iji8ebanig Jesos oo kagi ikidogobanen: “Nidadam! Igi8e ka minijian ka8in iaga pejig e taci8adj nidodji 8aniasi.”

1 Konit 10:13

Kakinagotc ka iji 8ik8adjiigo8eg kidji patadieg, mi iidi ako eji 8ik8adjiagani8i8adj kidji patadi8adj kakina a8iagog ooma akikag. Kije Manido dac 8in, kiga 8idjiigo8a kagi ikidopan. Ka8in a8acamej kiga pagidinamagosi8a kidji 8ik8adjiigo8eg kidji patadieg apitc8in inigik ke iji kackito8eg kidji sogigaba8ieg. Apitc dac ako odji 8ik8adjiigo8eg kidji patadieg, omacka8izi8in kiga minigo8a kidji gi sogigaba8ieg, ega dac kidji pagicinieg.

2 Konit 12:9

Tasin dac ka Tibendjigedj nigi nak8e8ajiig: “Nica8endjige8in mininan, mi kidji tibiseaban. Apitc mega ako cagozian kin, mi apitc ketci paietenag8ag nimacka8izi8in,” mi ka ijidj. Aja dac nogom nikitci min8endan e mikodaman adi epitci cagozian, mi mega iima 8edinaman kidji aiam8ag Jesos Christ omacka8izi8in.

Epes 5:25

Ni8idama8ag dac oo8e nabeg. Sagiik kikokomimi8a, tabickotc Jesos Christ ka kitci sagiadjin ini8e ka teb8etagodjin acitc kagi pagidenimidizodj kidji nibodj 8ina8a odji.

1 Pien 5:7

Kakinagotc kegonan ka kitci migockadendamiigo8egon, Kije Manidokag iji 8ebinamokon 8in kidji mikidagin. 8in mega pijicig kinagadjiigo8a.