John 18:37 - Kije Manido Odikido8in: Ocki Mazinaigan

³⁷ Pilat dac ogi inan: “Kidogima8inan na dac?” Jesos ogi nak8e8ajian: “Kin ka ikido8an e ogima8ian nin. Oo8e dac eta 8edji ki pijaian ooma akikag acitc 8edji ki nta8igian, teb8e8in kidji mikodaman. Igi8e ka nanada kikendamo8adj teb8e8ini, onadotana8a adi e ikido8an.”

John 18:37 Iomraidhean Croise

Matio 26:64

Jesos ogi nak8e8ajian: “Mi ekido8an kin. Ki8idamonom dac, aja pecodj kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”

Matio 27:11

Jesos dac ki iji8inagani8i nigan Pilatikag, midac ka iji k8ag8edjimigodjin: “Kin na Coda8innig odogimami8an?” Jesos dac ogi nak8e8ajian: “Kin ka in8ean.”

Min8adjimo8ini kagi ojibiag kitcit8a Mak 14:62

Jesos ogi inan: “Ee, acitc kakina kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”

Min8adjimo8ini kagi ojibiag kitcit8a Mak 15:2

Pilat dac ogi k8ag8edjiman Jesosan: “Kin na Coda8innig odogimami8an?” Jesos dac ogi nak8e8ajian: “Kin ka in8ean.”

Min8adjimo8ini kagi ojibiag kitcit8a Lok 22:70

Kakina dac ki ikido8ag: “Kin na dac Kije Manido Og8izisan?” Ogi inan: “Mi ekido8eg, kiteb8em ii.”

Min8adjimo8ini kagi ojibiag kitcit8a Lok 23:3

Pilat dac ogi k8ag8edjiman Jesosan: “Kin na Coda8innig odogimami8an?” Jesos ogi nak8e8ajian: “Kin ka in8ean.”

John 1:14

Aa Jesos, “Kije Manido Odanim8e8in” ka ijinikanagani8igobanen, ki pi nta8igi ooma akig acitc 8enibik nigi 8idji tajikemigonan. Kabe kitci kije8adizi acitc kabe teb8e. Nigi 8abadananan odicpendagozi8in, Kije Manido kagi minadjin Og8izisan ka motci pejigondjin.

John 1:17

Mois kigi minigonan Kije Manidon odinakonige8inan, anic dac Jesos Christ kigi minigonan okitci ca8endjige8in acitc teb8e8ini.

John 14:6

Jesos ogi nak8e8ajian: “Misa nin mikana, nin teb8e8in, nin pimadizi8in. Ninikag eta a8iag oga odji kackiton kidji ijadj Nidadamikag.

John 3:32

8idamage dac adi ka iji 8abadag acitc adi ka iji nodag. Misa8adj dac ka8in a8iag oteb8etasin ekidondjin.

John 7:17

A8enenigotc ka 8i ijitadj adi Kije Manidon ka iji nda8endamindjin, oga kikendan kicpin Kije Manidokag odjimaganig nikikinoamage8ini kek8an ninikag eta odjimaganig.

John 8:14

Jesos dac ogi nak8e8ajian: “Misa8adj ninigotc e mikomidizo8an, niteb8e. Nikikendan mega adi 8edjian acitc adi ejaian. Kina8a dac ka8in kikikendasina8a adi 8edjian kek8an adi ejaian.

John 8:45

Nin dac 8in e teb8eian, mi ii 8edji ega teb8etaojieg!

John 8:46

A8enen kina8akag kegi 8abadai8edj egi patadian? E teb8eian dac, adi 8edji ega teb8etaojieg?

John 8:47

Aa Kije Manidokag ka iji tibendagozidj, onadotan ka ikidondjin. Kina8a dac, ka8in Kije Manidokag kidiji tibendagozisim. Mi ii 8edji ega ndotaojieg.” Mi ka ikidodj Jesos.

1 Timote 6:13

8e8enda kida ndotaojinan ke iji 8idamonan. Ki8abamigonan mega Kije Manido, mi aa8e kakina kegoni ka nodjimotodj. Jesos Christ acitc ki8abamigonan, mi aa8e 8e8enda kagi tibadjimodj oteb8etamo8in apitc ka inasamigaba8ita8agobanen ini Pons Pilatan (Ponce-Pilate).

1 Pien 1:22

E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 John 2:21

Mi ii 8edji ojibiamonagok, ka8in kidji 8idamonagok ega e kikendameg teb8e8in, tiegodj kidji 8idamonagok maia e nisida8inameg teb8e8in. Ka8in dac 8ikad teb8e8inikag odjimagasinon kagina8icki8in.

1 John 3:14

Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.

1 John 3:19

Kicpin dac sagiidiak pepejig e taciak, kiga kikendananan e tibenimigo8ak Kije Manido ka teb8edj, acitc ka8in kiga cag8enimosimin apitc aiamita8aiak Kije Manido.

1 John 4:6

Kina8it dac, Kije Manidokag kidiji tibendagozimin. Aa dac a8iag Kije Manidon ka kikenimadjin kinadotagonan. A8iag dac ega Kije Manidokag iji tibendagozidj, ka8in kinadotagosinan. Midac iidi ka odji kikendamak kicpin a8iag Mino Manidon ka teb8endjin tibenimigodjin kek8an madji manidon ka 8aiejimi8endjin tibenimigodjin.

1 John 5:20

Kikikendananan Kije Manido Og8izisan egi pijandjin ooma akikag. Kigi minigonan kidji nisidotamak, kidji gi odji kikenimaiak Kije Manido, 8in e teb8edj. Kitibenimigonan dac Kije Manido e teb8edj, e mino 8idji8aiak Og8izisan Jesos Christan. Mi sa 8aa ka Kije Manido8idj e teb8edj, e minigo8ak kagige pimadizi8ini.

Kagi iji 8abadaagani8idj John 1:4

Nin, John, kidojibiamonom, kina8a ka teb8etameg, ka nij8atcigin odenan 8edi Eja (Asie) aki ka taji tajikeieg, ka ma8adjiidieg kidji aiamieieg. Nipagosenima Kije Manido kidji ca8enimigo8eg, acitc kidji minigo8eg pekadendamo8ini, 8in nogom ka pimadizidj, kagige kagi pi pimadizidj, acitc ke pi tag8icig. Nipagosenimag igi8eni8ag nij8atcin manidog ka te8adj nigan Kije Manidon okitci ogima8i tesabi8aganikag ke8ina8a kidji ca8enimigo8eg acitc kidji minigo8eg pekadendamo8ini.

Kagi iji 8abadaagani8idj John 3:14

Kiabadj nigi inig: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Leadisia odenag. Ojibian dac oo8edi: Mi ekidodj aa8e ‘Amen’ ka ijinikazodj. 8e8enda omikoman Kije Manidon acitc ka8in 8ikad kagina8ickisi. Mi 8aa Kije Manidon kagi abadjiigodjin kakina kegoni kidji kijendamindjin.