John 17:8 - Kije Manido Odikido8in: Ocki Mazinaigan

⁸ Nigi 8idama8ag mega kagi inanonijian kidji tibadjimo8an, midac ogi teb8etana8a. Nikikenimigog ketcinadj teb8e kinikag egi pi odjian, acitc teb8etamog egi pidjinijaojian.”

John 17:8 Iomraidhean Croise

Matio 13:11

Ogi nak8e8ajian dac: “Kina8a kigi odisigona8a kidji kikendameg Kije Manido Odogima8i8in, ega 8ikad a8iag kagi kikendag. Igi8e dac 8ina8a, ka8in ododji odisigosina8a.

John 12:49

Nidadam ka pidjinijaojidj nigi 8idamag 8in tibina8e adi ke ikido8an acitc 8egonen ke kikinoamageian. Ka8in dac nin tibina8e ka odji anim8eian.

John 14:10

Kana kiteb8etasin e kigickaojidj Nidadam, acitc e kigicka8ag Nidadam? Kakina kegon kagi pi 8idamonagogiban ka8in nin eta enendaman ii 8edji ikido8aban. Nidadam nikigickaog, acitc kakina ejitaian, 8in sa ka ijitadj ii.

John 15:15

Ka8in mina8adj anokitage8innig kiga ijinikanisinonom. Anokitage8inni mega ka8in teb8e okikendasin adi enendamindjin okackaman. Ni8idji8aganag dac kidijinikaninom, egi kikinoamaonagok kakina ka 8idamaojidj Nidadam.

John 16:27

8in mega Nidadam kisagiigo8a. Kikikenimigo8a e sagiijieg acitc e teb8etameg Kije Manidokag e odjian.

John 16:30

Nikikendananan nogom kakina kin kegon e kikendaman. Kicpin a8iag 8i kikendag kegoni, ka8in mamakadj kada k8ag8ed8esi. Aja mega kikikendan adi kagi iji onendag kidji k8ag8edjimik. Mi 8edji iji teb8etamag Kije Manidokag e odjian,” ogi igon.

John 17:14

Nigi 8idama8ag kagi iji inanonijian kidji tibadjimo8an. Ogi odji madjenimigo8an dac ini8e ka ana8enimik8a, ka8in mega iji acidagimagani8isi8ag 8ina8akag, tabickotc nin ega ka iji acidagimigo8an.

John 17:18

Kigi pidjinijaojinan kidji tibadjimo8an min8adjimo8in a8iagokag ooma akig. Midac pejig8an nigi ijinija8ag ke8ina8a kidji tibadjimo8adj min8adjimo8ini a8iagokag ooma akig.

John 17:21

Nidaiamietama8ag dac kakina ka teb8etamo8adj, kidji gi pejig8eiendagozi8adj. Nidadam! Nidaiamietama8ag kidji gi kigicka8agid8a, tabickotc kin ka iji kigickaojian acitc nin ka iji kigickaonan, kakina a8iagog ooma akig kidji gi teb8etamo8adj teb8e egi pidjinijaojian.

John 17:23

Nin ni8idji8ag, acitc kin ki8idjiojinan. Nidaiamietama8ag dac maiagotc kidji pejig8eiendagozi8adj. Midac a8iagog ooma akig kidji kikendamo8adj egi pidjinijaojian, acitc kidji kikendamo8adj e sagiad8a maia pejig8an ka iji sagiijian.”

John 17:3

Kicpin kikenimik8a, kin eta 8edjida maia Kije Manido, acitc kicpin kikenimiji8adj, nin Jesos Christ kagi pidjinijaojian, kagige kada odji pimadizi8ag.

John 3:17

Kije Manido mega ka8in ododji pidjinija8asi8an Og8izisan ooma akikag kidji tibakonandjin a8iagon, tiegodj kidji ag8acimandjin.

John 3:33

A8enenigotc dac ka teb8etag adi ekidondjin, 8abadai8e maia e ketcinamendag e teb8emaganig ekidondjin Kije Manidon.

John 6:68

Simo Pien ogi nak8e8ajian: “Tebendjigean! Adi dac ke ijaiagiban? Kin kikikinoamaojinam adi ke iji aiamag kagige pimadizi8in.

John 8:42

Jesos dac ogi inan: “Kicpin ii maia teb8e Odadamiegoban Kije Manido, kida sagiijim. Kije Manidokag mega nigi pi odji, acitc 8in odji 8edji teian ooma. Ka8in ninigotc ka pidjinijaodizo8an, 8in sa ka pidjinijaojidj.

1 Konit 11:23

8adan oo8e ka kikinoamaojidj ka Tibendjigedj, acitc ka iji 8idamonagok. Ii apitc e tibikanig Jesos ka Tibendjigedj kidji ada8ecimagani8idj, ogi odapinan pak8ejiganan,

1 Konit 15:1

Nidjiki8eg! Ki8i koki 8idamonom min8adjimo8in kagi 8idamonagogiban, kagi odapinameg acitc ka sogi teb8etameg.

1 Tesalonika 2:13

Apitc ka pi 8idamago8eg Kije Manido odikido8in, kigi odapinana8a. Ii dac acitc odji, apanigotc mig8etc nidinanan Kije Manido. Kikikendana8aban mi ii 8edjida teb8e Kije Manido odikido8in, ka8in 8in a8iag. Teb8e sa Kije Manidokag odjimagan oo min8adjimo8in, acitc kitci macka8izimagan kipimadizi8ini8akag, kina8a ka teb8etameg.

1 Tesalonika 4:1

Nidjiki8enanag! Mina8adj kodagian kegonan kiga mikodamagom. Kigi kikinoamagom adi ke inadizieg kidji min8endamieg Kije Manido, acitc mi iidi enadizieg. Nogom dac, e aiamiigo8eg e abadjito8ag ii macka8izi8in kagi minigo8ag Jesos ka Tibeniminak, kikitci pagosenimigom kidji kitci k8ag8edjito8eg eckam eckam iidi kidji ani inadizieg.

1 John 4:14

Nina8it sa nigi 8abamanan Kije Manido Og8izisan egi pidjinija8adjin kidji ag8acimadjin kakina a8iagon, acitc nipaba tibadjimomin.

Kagi iji 8abadaagani8idj John 1:1

8adan ono8e Jesos Christ kagi 8abadaadjin ini8e ka anokita8andjin Kije Manidon. Kije Manido ogi minan Jesosan kidji 8abadaandjin kakina a8iagon ka anokitagodjin, kidji gi kikendamindjin adi aja pecodj ke iji8ebanig. Midac Jesos nigi pidjinijaamag ajenin kidji pi nda 8abadaijindjin ini kegonan, nin John ka anokita8ag.