John 16:21 - Kije Manido Odikido8in: Ocki Mazinaigan

²¹ 8adan ik8e e 8i akozidj kidji otcidjicimidj. Kitci sanagendam, okikendan mega aja e odjitcisenig kidji kodagitodj. Apitc dac nta8igindjin otcidjiciman, kakina 8anike ka iji kodagitodj. Kitci modjigendam mega egi nta8igindjin otcidjiciman.

John 16:21 Iomraidhean Croise

Kalecia 4:27

Mazinadeni mega oo8e Kije Manido Omazinaiganikag: “Mi iji modjigendan, kin ega ka odabinodjijimiaban! Kiji8en e mina8azian, kin ega 8ikad ka kodagito8an e odabinodjijimian! Aa mega ik8e ka 8ebinigodjin o8idigemaganan na8adj kada mane8an odabinodjijiman apitc8in ik8e ka 8idji tajikemadjin o8idigemaganan.” Ésaïe 54.1

1 Tesalonika 5:3

Apitc dac a8iagog ikido8adj: “Kitci pekadan acitc ka8in kegon nigodisinon!” mi ii apitc kitci kaiezigotc ke odji nici8anadjiagani8i8adj. Mi maia tabickotc ka madapinedj ik8e kidji nta8igindjin odabinodjijiman ke iji8ebag. Ka8in oga kackitosina8a kidji ojimo8adj.