John 16:1 - Kije Manido Odikido8in: Ocki Mazinaigan

¹ “Kigi 8idamonom adi ke iji8ebag ega kidji poni teb8etameg apitc iji8ebag.

John 16:1 Iomraidhean Croise

Matio 11:6

Ca8endagozi aa a8iag ega ke ana8enimijidj.”

Matio 13:21

Ka8in dac macka8izimagasini oteb8etamo8ini8a acitc ka8in kin8ej okana8endasina8a. Apitc dac madjise8adj, kek8an nanekadjiagani8i8adj Kije Manidon omin8adjimo8ini odji, teci8ag o8ebinana8a oteb8etamo8ini8a.

Matio 13:57

Onagabinigona8aban dac ii kidji teb8eta8a8adjin Jesosan. Jesos dac ogi inan: “Kitci manadjiagani8i ako niganadjimo8inni. Kagi iji obigidj dac odenani acitc omigi8amikag eta ka8in iji manadjiagani8isi,” ki ikido.

Matio 24:10

Ii dac apitc, kitci mane ka teb8etamo8adj oga 8ebinana8a oteb8etamo8ini8a. Kada mamijimidi8ag, acitc kada madjenimidi8ag.

John 15:11

“Kigi 8idamonom oo8e, kidji iji kitci modjigendameg, tabickotc nin ka iji kitci modjigendaman. Kinada8eniminom mizi8e kidji modjigendameg.

John 16:4

Nogom dac ki8idamonom ii. Midac apitc odjitcisenig ii kidji todamo8adj, kiga mika8im egi 8idamonagok ii.” “Ka8in oo kidodji 8idamaosinonom apitc nitam ka madjitaieg kidji nosoneojieg, kipaba 8idjiona8aban mega.

Ojibiama8agani8i8ag ka teb8etamo8adj Rom odenakag 14:21

Kimino ijitcige dac kicpin ega midjian 8ias, acitc ega minik8ean cominabo, acitc ega odji pejig kodag kegon ijitcigean kegi odji pakebinadiban kidjiki8e.

Pilip 1:10

Midac kidji kackito8eg kidji onabadameg kidji todameg adi eji min8acig. Apitc dac Jesos Christ koki tag8icig, kiga paiekideem acitc ka8in odji pejig kegon kigagi odji inactaonigosim.

1 Pien 2:8

Mazinadeni oo8e acitc: “Mi aa asini ka pizogecimadjin a8iagon, acitc ka toda8adjin kidji pagicinindjin.” Ésaïe 8.14 Mi mezinadenig. Pizogecinog, ka8in mega o8i teb8etasina8a Kije Manidon odikido8ini. Aja 8eckadj Kije Manido ogi onendanagoban kidji iji8ebizindjin ini8e ega ka teb8etagodjin.