John 15:14 - Kije Manido Odikido8in: Ocki Mazinaigan

¹⁴ Kina8a sa ni8idji8aganag kidapiteniminom, kicpin todameg adi e ikido8an.

John 15:14 Iomraidhean Croise

Matio 12:50

A8enenigotc mega ke ijitcigedj adi eji nda8endamindjin Nidadaman 8ak8ig ka tendjin, mi aa nidjiki8e kek8an nidjodjom.”

Min8adjimo8ini kagi ojibiag kitcit8a Lok 12:4

“Ni8idji8aganag! Ki8idamonom, ka8in kosakegonig a8iagog ka kackito8adj kidji nisigo8eg. Okackitona8a kidji nici8anadjito8adj 8ia8ini, ka8in dac iaga pagi kegoni okackitosina8a kidji todamo8adj a8acamej.

John 13:17

Aja dac egi kikendameg oo8e, kiga ca8endagozim kicpin teb8e todameg oo.”

John 14:15

“Kicpin sagiijieg, kiga nosoneana8a nikikinoamage8in.

John 14:21

“Aa8e ka odapinag nidikido8ini acitc ka nosoneag, mi aa8e maia ka sagiijidj. Acitc aa8e e sagiijidj, oga sagiigon Nidadaman. Midac kenin, niga sagia acitc niga kikendamona e 8idji8ag,” ki ikido Jesos.

John 14:28

Kigi nodaojim e ikido8an: ‘Nimadja, anic dac niga koki pija.’ Kicpin teb8e sagiijieg, kiga min8endana8a e ijaian Nidadamikag. Nidadam mega na8adj kitci apitendagozi apitc8in nin.

John 2:5

Odjodjoman dac ogi inan ini a8iagon ka anokitagendjin e niba8inani8anig: “Mi iji todamok kakina ke ikidodj.”

Jak odojibiigan 2:23

Midac iidi kakina ka pi iji8ebag adi ka ikidomaganig Kije Manido Omazinaiganikag: “Abanaam ogi teb8eta8an Kije Manidon, midac 8edji ki odji k8aiak8abamigodjin,” Genèse 15.6 acitc dac Kije Manidon “ni8idji8agan aa” ogi inenimigon.

1 John 5:3

Kicpin ijitcigeiak Kije Manido ekidodj, mi ii 8abadai8emagan teb8e e sagiaiak Kije Manido. Ka igo8ak dac, ka8in teb8e kisanagendasinanan kidji todamak.