John 14:9 - Kije Manido Odikido8in: Ocki Mazinaigan

⁹ Jesos ogi nak8e8ajian: “Pilip! Kana maci kikikenimijisi? Aja 8eckadj ki8idji tajikeminom. Aa ka 8abamijidj, aja ogi 8abaman Nidadaman. Adi dac 8edji ikido8an: ‘8abadaicinam Kidadam’?

John 14:9 Iomraidhean Croise

Min8adjimo8ini kagi ojibiag kitcit8a Mak 9:19

Jesos dac ogi inan: “8esada ako kina8a nogom ka pimadizieg, ega ka teb8etameg! Anigik kiabadj ke 8idji tajikeminagok? Anigik panima ke tanendamiijieg? Pidji8idamaocik aa ockina8es ooma.”

Min8adjimo8ini kagi ojibiag kitcit8a Lok 12:56

Kikitci kimodizim! E kana8abadameg aki, acitc 8ak8ig e kijigabadameg, maiagotc kikackitona8a kidji odji kikendameg adi ke ijigijigag. Adi dac 8edji ega kackito8eg kidji nisidotameg adi 8a ikidomagag oo8e eji8ebag nogom?”

John 1:14

Aa Jesos, “Kije Manido Odanim8e8in” ka ijinikanagani8igobanen, ki pi nta8igi ooma akig acitc 8enibik nigi 8idji tajikemigonan. Kabe kitci kije8adizi acitc kabe teb8e. Nigi 8abadananan odicpendagozi8in, Kije Manido kagi minadjin Og8izisan ka motci pejigondjin.

John 10:30

Nidadam acitc nin nipejig8eiendagozimin mega,” ki ikido.

John 12:45

Aa8e ka 8abamijidj, o8abaman acitc ini8e kagi pidjinijaojindjin.

John 14:20

Apitc ii ijiseg, kiga nisidotana8a e kigickaojidj Nidadam, acitc e kigickaonagok, tabickotc kenin eji kigickaojieg.”

John 14:7

Kicpin kikenimijieg, mi ke odji kikenimeg Nidadam. Aja dac kikikenima8a, acitc kigi 8abama8a.”

John 8:19

Ogi k8ag8edjima8an dac Jesosan: “Adi dac e tadj kidadam?” Jesos dac ogi nak8e8ajian: “Ka8in maia kikikenimijisim, ka8in kek8an kikikenimasi8a8a Nidadam. Kicpin kikenimijiegoban, kida kikenima8a Nidadam acitc.”

1 Konit 15:12

Tibadjimonani8an Jesos Christ egi abidjibaigodjin Kije Manidon. Adi dac nandam ii e tacieg 8edji ikido8eg ega kidji abidjibaagani8i8adj igi8e ka nibo8adj?

Pilip 2:6

8edjidagotc tabickotc ka ijinagozindjin Kije Manidon ijinagozi. Anic dac ka8in ododji apitendasin panima tabickotc ka ijinagozindjin Kije Manidon kidji iji apitenimagani8idj.

Kolosi 1:15

Tabickotc ka ijinagozidj Kije Manido ega ka nagozidj, mi maia ejinagozidj Jesos ka nagozidj. Mi ini nitam Kije Manido Og8izisan, na8adj ka kitci apitendagozindjin apitc8in kakina kegonan kagi kijendjigadenigin.

Ebaro 1:3

Mi maia tabickotc epitci icpendagozindjin Og8izisan tabickotc 8in, acitc mi maia 8in tabickotc ejinagozindjin. Onagadjitoni Og8izisan kakina kegoni, e abadjitondjin ini ka kitci macka8izimaganigin odikido8inan. Ogi todan kidji kasiama8agani8indjin a8iagon opatado8ini, mina8adj dac Kije Manidon ka kitci macka8izindjin okitcinikinikag ki iji abi 8ak8ig.

1 John 5:20

Kikikendananan Kije Manido Og8izisan egi pijandjin ooma akikag. Kigi minigonan kidji nisidotamak, kidji gi odji kikenimaiak Kije Manido, 8in e teb8edj. Kitibenimigonan dac Kije Manido e teb8edj, e mino 8idji8aiak Og8izisan Jesos Christan. Mi sa 8aa ka Kije Manido8idj e teb8edj, e minigo8ak kagige pimadizi8ini.