John 13:33 - Kije Manido Odikido8in: Ocki Mazinaigan

³³ Kina8a nidabinodjijimag ka kitci ineniminagok! Ka8in aja kin8ej kiga 8idjiosinonom. Kiga nanada 8abamijim. Ka 8idama8ag8a Coda8innig ka niganizi8adj, nogom kekina8a ki8idamonom, ka8in kiga kackitosina8a kidji pijaieg adi ke ijaian.

John 13:33 Iomraidhean Croise

John 13:36

Simo Pien ogi k8ag8edjiman Jesosan: “Tebendjigean! Adi ejaian?” Jesos dac ogi nak8e8ajian: “Ka8in kigagi nosoneojisim nogom adi ejaian. Pekic sa nage kiga nosoneojim.”

John 14:19

Aja peconag8an igi8e ega ka teb8etamo8adj ega mina8adj kidji 8abamiji8adj. Kina8a dac, kiga 8abamijim. E pimadizian, kekina8a kiga odji pimadizim.

John 14:2

Nidija adi e tedj Nidadam. Iima dac ka tedj, kitci magi ta8ate mane a8iagog kidji iji tajike8adj. Kicpin ega teb8emagagiban, kida 8idamonom. Kiga ojitamonom taji ke iji tajikeieg.

John 7:36

Ikido aa nabe: ‘Kiga nanada 8abamijim, ka8in dac kiga mikaojisim,’ acitc: ‘Ka8in kigagi ijasim adi ke teian.’ Adi 8a ikidodj?” ki inidi8ag.

Kalecia 4:19

Kina8a nidabinodjijimag ka apiteniminagok! Aja mina8adj nikitci kodagito e mamidoneniminagok, tabickotc ka kodagitodj ik8e e nta8igindjin otcidjiciman. Mi ke iji 8isagendaman, pinici kidji ketcinamendaman Jesos Christikag eta e iji apacenimo8eg.

1 John 2:1

Kina8a nidabinodjijimag ka kitci ineniminagok! Kidojibiamonom oo ega kidji patadieg. Kicpin dac a8iag patadidj, kidaia8anan pejig a8iag kidji 8idjiigo8ak kidji mikomigo8ak Kije Manidokag. Mi aa Jesos Christ 8in ka k8aiakozidj.

1 John 4:4

Nidabinodjijimag ka kitci ineniminagok! Kije Manidokag kidiji tibendagozim. Ka8in dac kidodji teb8eta8asi8a8ag igi8e ka kagina8icki8adj a8iagog. Kije Manido mega ka kigickago8eg na8adj macka8izi apitc8in madji manido ka kigickago8adjin igi8e ega e teb8eta8a8adjin Kije Manidon.

1 John 5:21

Nidabinodjijimag ka kitci ineniminagok! Iag8amig ega kidji icpenimeg8a manidokanag.