John 13:31 - Kije Manido Odikido8in: Ocki Mazinaigan

³¹ Apitc Judas ka ick8a sagaag, Jesos ki ikido: “Nogom aja kada nag8ani Aa Ka pi Anicinabe8iidizodj odicpendagozi8in. Aja dac 8inikag kada odji nag8ani epitci icpendagozidj Kije Manido.

John 13:31 Iomraidhean Croise

Matio 8:20

Jesos dac ogi inan: “8agocag o8aji8ag acitc pinecijag o8asasoni8ag, pekic dac nin, Ka pi Anicinabe8iidizodj, ka8in nidaiasin migi8am ke iji an8ecimono8an.”

Min8adjimo8ini kagi ojibiag kitcit8a Lok 12:50

Niga sigaadazonan, e nanekadjiigo8an dac, mi ke odji sigaadazo8an. Nikitci kodagito pinici kidji ick8a cabockaman.

John 11:4

Apitc Jesos ka nodagedj ii, ki ikido: “Misa8adj kitci mamida8apinedj, kiabadj kada pimadizi. Kidji odji icpenimagani8idj Kije Manido, mi 8edji akozidj Lazare, acitc kidji odji icpenimagani8indjin Kije Manido Og8izisan.”

John 12:23

Jesos dac ogi nak8e8ajian: “Aja nogom odjitcise kidji icpenimigo8an, nin Ka pi Anicinabe8iidizodj.”

John 12:28

Nidadam! 8abadai8en epitci icpendag8ag ki8izon!” ki ikido Jesos. Midac ki noda8agani8i a8iag 8ak8ig e odji anim8edj, e ikidodj: “Aja nigi 8abadai8e adi epitci kitci icpendag8ag, acitc kiabadj mina8adj niga iji 8abadai8e.”

John 14:13

Midac kakina kegon ke iji pagosendameg ni8izonikag, mi ke todaman, kidji gi odji icpenimagani8idj Nidadam kagi pi ijitaian, nin Og8izisan.

John 16:14

Niga ndotaog ekido8an, 8in dac kiga kikendamonigo8a. Kiga 8abadaigo8a dac epitci icpendagozian.

John 7:39

Jesos omikomabanin Mino Manidon, ini8e ke teb8etagopanin kidji odisigondjin. Ka8in mega maci ododji odisigosi8an Mino Manidon ka teb8etamo8adj. Jesos mega ka8in maci odji koki ijasi Odadamikag kidji gi icpendagozidj.

Jesos Odanodaganan Odijitcige8ini8an 2:36

“Midac kakina kina8a Israel a8iagog, kida ketcinamendana8a oo8e kegon. Aa8e Jesos, tcibaiatigokag kagi iji acidak8a8eg, mi aa8e Kije Manidon kagi Tibendjigeigodjin acitc mi aa8e kagi ikidondjin kidji pidjinijaogodjin.” Mi ka ikidogobanen Pien e kagik8edj.

Jesos Odanodaganan Odijitcige8ini8an 3:13

8eckadj okitci icpenimigobanin Abanaaman (Abraham), Aisikan (Isaac) acitc Tcekapan (Jacob), acitc mama8 kakina 8eckadj kikitci anicinabeminabanig. Nogom dac ogi minan icpendagozi8ini Jesosan, ka anokitagodjin. Kina8a dac, kigi pagidina8a Jesos kidji nisagani8idj. Pilat dac ka8in o8i nisasi8abanin, o8i pagidinabanin. Ka8in dac kidodji nda8enimasi8a8a.

2 Konit 3:18

Kina8it dac ka teb8etamak, ka8in kegon kigagi nigeig8eogosinan kidji iji nagabinigo8ak kidji nisidotamak. Aja tebinag8ani ka Tibendjigedj odicpendagozi8in kina8itinakag, tabickotc 8abamon ka tcakabikizodj e ijinagoziak. Aja nogom kitaji adjisemin, tabickotc ka Tibendjigedj kidji ijinagoziak, eckam kidji ani kitci paietenag8anig odicpendagozi8in kina8itinakag. Mino Manido ka todaonak, 8in ka Tibeniminak.

Epes 1:12

Nina8it Coda8innig nitam kagi madji teb8eta8agidj Jesos Christ. Nigi onabamigonan dac Kije Manido, kidji gi odji icpenimagani8idj, 8in e kitci icpendagozidj.

Epes 2:7

Mi ka todag Kije Manido kagige kidji 8abadaadjin kakina a8ian adi epitci kitci kije8adizidj. Ki8abadaigonan adi epitci kitci sagiigo8ak, egi pidjinija8adjin Jesos Christan.

Epes 3:10

Nogom dac ogi kikendamonan oniganendamo8in a8iagon ka teb8etagodjin. Midac manidog ka ogima8i8adj acitc ka macka8izi8adj, oga 8abama8an ini a8iagon ka teb8etamindjin acitc oga kikendana8a adi Kije Manidon kabe epitci kagita8endamindjin.

Pilip 2:11

acitc kakinagotc a8iag kidji 8idamagedj: “Teb8e Tebendjigedj Jesos Christ.” Midac ke odji icpenimagani8idj Kije Manido, Jesos Odadaman.

1 Pien 1:21

Jesos odji 8edji teb8eta8eg Kije Manido. Kije Manido ogi abidjibaan Jesosan nibo8inikag acitc ogi minan kidji kitci icpendagozindjin. Midac 8edji teb8eta8eg Kije Manido acitc 8inikag 8edji iji apacenimo8eg.

1 Pien 2:12

Ooma akig ki8idji tajikema8ag igi8e ega ka teb8eta8a8adjin Kije Manidon. K8aiak8adiziok dac, misa8adj inactaonigo8eg egi madji inakamigizieg. Kiga 8abamigo8a dac 8e8enda mojag e todameg, acitc oga odji icpenima8an Kije Manidon apitc pi tag8icinindjin.

1 Pien 4:11

Kicpin dac a8iag ca8enimagani8idj kidji kagik8edj, panima ki 8idamagedj Kije Manidon odikido8inan. A8iag ka ca8enimagani8idj kidji 8idokagedj, panima Kije Manidon omacka8izi8ini oda abadjiton kidji 8idjiadjin kodagian a8iagon. Mi panima iidi ki ijitcigeieg, Kije Manido kidji gi odji icpenimagani8idj, adi eji nosone8eg Jesos Christ. Mi aa Jesos ka kitci icpendagozidj acitc kagige ka macka8izidj. Amen.