Jod odojibiigan 1:3 - Kije Manido Odikido8in: Ocki Mazinaigan

³ Ni8idji8aganag ka kitci sagiinagok! Kikitci 8i ojibiamona8aban kidji mikodamonagok adi kagi iji ag8aciminak Kije Manido kina8it kakina. Nogom dac, nigi onendan panima kodag kegon kidji mikodamonagok. Kikitci 8i pagoseniminom kidji kitci nak8ieg 8e8enda kidji kana8endamegon ini kikinoamage8inan Kije Manido kagi minadjin odanicinabeman, ega kidji adjibidjigadenigin. Abidinaj ki migi8e Kije Manido ini kikinoamage8inan, kagige kidji tag8anigin.

Jod odojibiigan 1:3 Iomraidhean Croise

Jesos Odanodaganan Odijitcige8ini8an 17:3

Ogi 8a8idama8an adi eji 8abadai8emaganig Kije Manidon Omazinaigani aja egi nigani inatenigobanen panima kidji kodagitondjin acitc kidji abidjibandjin ini8e Kije Manido kagi ikidogobanen kidji pidjinija8agobanen. Ogi inan: “Mi 8aa Jesos ka mikomag. Mi 8aa8e Kije Manidon kagi pidjinijaogodjin kidji ag8aciminak,” ki ikido.

Jesos Odanodaganan Odijitcige8ini8an 18:28

Ogi kitci aiamiagoban mega Coda8innin ka iji manenani8anig, acitc ogi 8abadaan ega k8aiak e inakamigizindjin. Kije Manidon dac Omazinaigani odabadjitonagoban 8e8enda kidji kikendamoni8edj mi ini8e Jesosan Kije Manido kagi ikidogobanen kidji pidjinija8agobanen.

Jesos Odanodaganan Odijitcige8ini8an 20:27

Aja mega kigi 8idamonom kakina kegoni Kije Manido kagi iji nda8endag kidji kikendameg.

Jesos Odanodaganan Odijitcige8ini8an 28:28

Pon dac ki ikido kiabadj: “Ninada8endan kidji kikendameg ega ka Coda8inni8i8adj aja ki tibadjimota8agani8i8ag adi eji ag8acimadjin Kije Manido ini8e ka teb8etagodjin. 8ina8a dac oga teb8etana8a.” Mi ka ikidodj Pon. [

Jesos Odanodaganan Odijitcige8ini8an 4:12

Jesos eta okackiton kidji ag8acimadjin a8ian. Ka8in tesi kodag a8iag ooma akig kagi minigodjin Kije Manidon kidji ag8aciminak,” ki ikido Pien.

Jesos Odanodaganan Odijitcige8ini8an 6:7

Eckam dac a8iagog ogi ani teb8etana8a Kije Manidon odikido8ini. Eckam dac ki ani kitci mane8ag ka teb8etamo8adj Jerusalem odenakag. Kitci mane Coda8inni aiamie ogimag ke8ina8a ogi ani teb8eta8a8agoban Jesosan.

Jesos Odanodaganan Odijitcige8ini8an 9:13

Ananias dac ogi nak8e8ajian: “Ka Tibendjigean! Mane a8iagog nigi mikodamagog ini naben. Ki 8idamage8ag dac egi madji toda8adjin kidanicinabeman 8edi Jerusalem.

Jesos Odanodaganan Odijitcige8ini8an 9:22

Midac Saul eckam ki ani macka8endag8ani okagik8e8in. 8edjidagotc ki 8abadai8e mi ini Jesosan Kije Manidon kagi ikidonipanin kidji pidjinija8andjin. Ok8ina8i iji nak8e8ajiigobanin dac kakina Coda8innin iima Damas ka tajikenipanin.

1 Konit 15:3

Aja kigi kikinoamaonom ma8adji ka kitci apitendag8ag kakina kegonan kagi kikinoamago8an. Jesos Christ ki odji nibo kidji gi kasiamago8ak kipatado8ininanan, tabickotc ka mazinadenigibanin Kije Manido Omazinaiganikag.

Kalecia 2:5

Ka8in dac odji pejig nidodji nakomosimin kidji todamag adi ka iji nda8endamo8adj. Ninada8endananaban mega kidji odisigo8eg eta ii8eni Kije Manido omin8adjimo8in ka teb8emaganig.

Kalecia 3:28

Ka8in dac nogom pepakan kidapitendagozisim. Kicpin Coda8inni8ieg kek8an ega Coda8inni8ieg, kicpin a8iag tibenimigo8eg kidji anokita8eg kek8an ega a8iag tibenimigo8eg, kicpin nabe8ieg kek8an ik8e8ieg, kakina tabickotc kipejig8eiendagozim ka iji mama8iseieg Jesos Christikag.

Kalecia 6:11

Nogom dac aja nin Pon tibina8e kidojibiamonom. Ki8abadana8adok adi epitci magibiigeian.

Epes 1:1

Nin Pon. Kije Manido nigi onabamig Jesos Christ Odanodaganan kidji inagimigo8an. Kidojibiamonom kina8a Kije Manido odanicinabeman ka apitendagozieg, Epes (Ephèse) odenag ka tajikeieg, enigokodeeieg ka teb8eta8eg Jesos Christ.

Pilip 1:1

Nin Pon, Jesos Christ ka anokita8ag. Timote (Timothée) dac ni8idjiig, mi ke8in Jesos Christan ka anokita8adjin. Kidojibiamonom, kina8a Kije Manido odanicinabeman Pilip (Philippes) odenag ka tajikeieg, ka teb8eta8eg Jesos Christ. Kidojibiamonom acitc kina8a ka niganizieg aiamiemigi8amikag acitc kina8a kakina ka anokita8eg8a ka teb8etamo8adj.

Pilip 1:27

Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.

Kolosi 1:2

Kidojibiamagom kina8a Kolosi (Colosses) odenag ka tajikeieg, Kije Manido odanicinabeman ka apitendagozieg, acitc nidjiki8enanag ka apitenimigo8eg, enigokodeeieg ka teb8eta8eg Jesos Christ. Nipagosenimanan Kije Manido Kidadaminan kidji ca8enimigo8eg acitc kidji minigo8eg pekadendamo8ini!

1 Tesalonika 2:2

Ab8amaci tag8iciniag kina8akag, nigi kitci kodagiigomin acitc nigi kitci manenimigomin 8edi Pilip (Philippes) odenag. Aja kigi nodagena8adok ii. Anic dac Kikije Manidominan nigi minigonan kidji kitci sogideeiag kidji gi tibadjimotago8eg omin8adjimo8in, misa8adj e kitci mane8apan a8iagog e 8i k8ag8e nagabinigo8agiban.

1 Timote 1:18

Timote, mi maia nig8izis eneniminan! Kidojibiamon adi ke todaman, tabickotc kin odji ka iji nigani tibadjimonani8agiban 8eckadj. Mik8endan dac adi kagi inadjimigo8an ii apitc, kidji gi macka8izian kidji gi kackito8an ega kidji cagodjiigo8an.

1 Timote 6:12

Kana8endan kiteb8etamo8in, e kitci k8ag8edjito8an adi epitcian kidji nosone8adj Jesos, tabickotc pimibato8aban ka iji k8ag8edjikandinani8ag. Midac kiga aian kagige pimadizi8in. Kigi inig mega Kije Manido kidji minikiban ii pimadizi8ini apitc kagi nd8e8emikiban. Kigi 8idamage dac e teb8eta8adiban Jesos ka iji kitci manenani8ag.

2 Timote 1:13

Kikinoamagen ii pejig8an tibadjimo8in ka teb8emagag kagi iji kikinoamaonan, acitc teb8etan kiabadj, acitc sagii8en, tabickotc Jesos Christ ka iji minadjin kidji todamindjin ini8e 8inikag ka iji tibendagozindjin.

Tite 1:4

Tite kidojibiamon, mi maia nig8izis eneniminan, mi pejig8an eji teb8etamak. Nipagosenimag Kije Manido Kidadaminan acitc Jesos Christ ka Ag8aciminak kidji ca8enimik8a acitc kidji minik8a pekadendamo8ini.

Ebaro 13:22

Nidjiki8eg! Kipagoseniminom kidji cacibendameg e ndotaojieg kagi ojibiamonagok e 8i sogideeckaonagok. Ka8in dac kitci kin8asinon oo ojibiigan kagi ojibiamonagok.

Ebaro 6:9

Ni8idji8agananag ka kitci sagiigo8eg! Misa8adj e kitci sogi aiamiigo8eg, kiketcinamenimigom 8e8enda e pimadizieg, adi enendagozi8adj kidji iji pimadizi8adj igi8e kagi ag8acimigo8adjin Kije Manidon.

1 Pien 5:12

Silas nigi 8idjiig kidji ojito8an oo ojibiiganijic. Pijicig nidinenima maiagotc e teb8eta8adjin Jesosan acitc kitci 8e8enda e mikimodj. Kigi ojibiamonom kidji 8idjiinagok na8adj kidji sogideeieg, acitc kidji 8idamonagok teb8e Kije Manido e kije8adizidj. Apanigotc dac kitci sogi teb8etaok Kije Manido.

2 Pien 1:1

Nin Simo Pien, Jesos Christ odanokitage8inniman acitc Odanodaganan ka inagimigo8an. Kidojibiamonom kina8a kagi iji ca8endagozieg kidji teb8eta8eg Jesos Christ. Kitci apitendag8an ii kiteb8etamo8ini8a, tabickotc kenina8it niteb8etamo8ininan ka iji kitci apitendag8ag. Jesos Christ, 8in Kikije Manidominan acitc 8in ka Ag8aciminak, 8in kagi todag kidji gi odisigo8ak ii teb8etamo8in. K8aiakozi mega acitc kakina a8ian pejig8an otoda8an.

2 Pien 2:21

Na8adj kadagi minosebanig ega 8ikad ki cabo kikendamo8apan Kije Manidon omikanani, ka 8abadai8emaganig adi e iji nda8enimandjin a8iagon kidji inadizinipanin, apitc8in kidji cabo kikendamo8adj, midac kegapitc kidji odji nagadamo8adj ii inakonige8ini Kije Manidokag kagi odjimaganig, acitc kagi odisigo8adj.

Jod odojibiigan 1:1

Nin Jod (Jude) ka ojibiamonagok. Jesos Christ nidanokita8a acitc mi aa nidjiki8e Jak (Jacques). Kidojibiamonom, kina8a kagi nd8e8emigo8eg Kije Manido, 8inikag kidji iji tibendagozieg. Kipimadizim e ketcinamendameg e kitci sagiigo8eg Kije Manido Kidadaminan, acitc Jesos Christ e kana8enimigo8eg.

Jod odojibiigan 1:17

Ni8idji8aganag ka kitci sagiinagok! Mik8enimikog ka Tibendjigedj Jesos Christ Odanodaganan adi kagi iji nigani tibadjimo8apan.

Jod odojibiigan 1:20

Kina8a dac, ni8idji8aganag ka kitci sagiinagok, kitci nak8iok kidji 8idjiidieg kakina pepejig e tacieg, eckam eckam kidji ani sogigaba8ieg kiteb8etamo8ini8akag, 8edjidagotc ka kitcit8a8endag8ag. Iji aiamieok ka iji kikinoamago8eg Mino Manido.

Kagi iji 8abadaagani8idj John 12:11

Kije Manido dac odanicinabeman ogi cagodjia8an ini8e. Mantcenicesan egi pagidenimidizondjin kidji nibondjin, acitc 8ina8a egi tibadjimo8adj Kije Manidon omin8adjimo8ini, mi 8edji ki kackito8adj kidji cagodjia8adjin. 8a8adj ki eco8ibanig kidji pagidenimidizo8adj kidji nibo8adj.

Kagi iji 8abadaagani8idj John 2:10

Aja pecodj kiga kodagitom, anic dac ka8in segizikegon. Madji manido oga kiba8an kibaodimigi8amikag nandam ka tacieg, kidji nda kikenimigo8eg epitci teb8eta8eg8en kek8an ka8in. Midasogon inigik kiga nanekadjiigom. Misa8adj odji nisigo8eg, ka8in poni teb8etaojikegon. Mi panima iidi ke odji ca8eniminagok kagige pimadizi8in. Mi tabickotc sizok8epizon kagi kackitamadizo8eg ke ijinagozieg.