Jak odojibiigan 5:7 - Kije Manido Odikido8in: Ocki Mazinaigan

⁷ Nidjiki8eg! Piok e cibendameg, acitc sogideeok, pinici ka Tibendjigedj kidji koki tag8icig. Mamidonenimik kitige8inni. Cibendam e pitodj kidji madjiginig okitiganan. Opiton e cibendag kidji kimi8anig e sig8anig acitc e nibinig, kidji gi odji madjiginigin okitiganan.

Jak odojibiigan 5:7 Iomraidhean Croise

Matio 16:27

Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.

Matio 16:28

Teb8e ki8idamonom, nandam a8iagog ooma ka te8adj ka8in kada nibosi8ag ab8amaci 8abama8adjin Ka pi Anicinabe8iidizondjin e pi nda ogima8indjin.”

Matio 24:27

Apitc mega tag8icig Aa8e Ka pi Anicinabe8iidizodj, kakina a8iagon oga 8abamigon. Mi maia tabickotc ka kitci 8asakoneseg 8abanog pinici nigabianog, mi ke ijinag8anig apitc pi tag8icig Ka pi Anicinabe8iidizodj.”

Matio 24:44

Midac ke odji eco8ieg kekina8a. Aa mega Ka pi Anicinabe8iidizodj kitci kaiezigotc kada odji tag8icin maia apitc ega odji pejig e pieg.”

Min8adjimo8ini kagi ojibiag kitcit8a Lok 18:8

Ki8idamonom, teci8ag oga 8idjian, adi e iji nda8endamindjin. Misa8adj dac ii, apitc koki pijaian, nin, Ka pi Anicinabe8iidizodj, niga mika8ag na a8iagog ka teb8etamo8adj ooma akikag?”

Min8adjimo8ini kagi ojibiag kitcit8a Lok 21:27

Ii dac apitc, nin, Ka pi Anicinabe8iidizodj, niga 8abamigo, kidji pi najiseian nena8idj 8ak8ikag, e kitci macka8izian acitc e kitci icpendagozian.

Min8adjimo8ini kagi ojibiag kitcit8a Lok 8:15

Kodagiag dac a8iagog e nodamo8adj Kije Manidon omin8adjimo8ini, mi maia tabickotc anominag ka iji min8acinig akini kagi inagodjino8agobanen ejinagozi8adj. Mi igi8e e nodamo8adj min8adjimo8ini, omino kana8endana8a odei8akag acitc o8i naitana8a. Okitci abadjitona8a dac opimadizi8ini8akag, ega 8ikad e poni teb8etamo8adj.”

John 21:22

Jesos ogi nak8e8ajian: “Kicpin iji nda8enimag kidji pimadizidj pinici kidji koki tag8icinian, adi dac kin kegi todaman? Kin dac, nosoneocin.”

John 21:23

Anodj dac ki ikidonani8anogoban ii Jesos kagi ikidogobanen, e ikidonani8ag ega kidji nibondjin ini kikinoamaganan. Kitci mane ka teb8eta8a8agobanen Jesosan ki nodage8ag ii. Ka8in dac Jesos ododji inasi8abanin Pienan: “Ka8in kada nibosi.” Tiegodj ki ikidogoban: “Kicpin iji nda8enimag kidji pimadizidj pinici kidji koki tag8icinian, adi dac kin kegi todaman?”

Ojibiama8agani8i8ag ka teb8etamo8adj Rom odenakag 15:4

Kakina mega kegon 8eckadj kagi ojibiigadegin Kije Manido Omazinaiganikag, kidji gi kikinoamago8ak 8edji ki ojibiigadegin, kidji gi odji aiamak apenimo8in. Kije Manido mega Omazinaigan ki8idjiigonan kidji cibendamak acitc kidji sogideeiak.

Ojibiama8agani8i8ag ka teb8etamo8adj Rom odenakag 2:7

Nandam a8iagog apan kitci nak8i8ag 8e8enda kidji inadizi8adj. Onada8enima8an Kije Manidon kidji minigo8adjin icpendagozi8ini, kidji min8adjimigo8adjin, acitc kidji minigo8adjin pimadizi8ini ega 8ikad ke ick8asenig. Kije Manidon dac oga minigo8an kagige pimadizi8ini.

1 Konit 1:7

Midac kitibendana8an nogom kakina ini Kije Manido oca8endjige8inan, kina8a ka taji pito8eg ii kijik apitc Jesos Christ ka Tibeniminak ke pi koki tag8icig.

Kalecia 5:5

Nina8it dac, niketcinamendananan kidji odji k8aiak8abamigo8ag Kije Manido egi teb8eta8agidj Jesos. Mino Manido dac ni8idjiigonan e taji kitci pito8ag kidji iji8ebiziag ii.

Kalecia 6:9

Ka8in dac kida ana8endjigesimin apanigotc kidji mino ijitcigeiak. Kicpin mega ega ponito8ak kidji mino ijitcigeiak, kegapitc kada odjitcise kidji minigo8ak kagi iji kackitamadizo8ak.

Kolosi 1:11

Kije Manido mizi8e kiga macka8izickago8a, e minigo8eg omacka8izi8in ka kitci icpendag8anig, kidji gi kitci sogigaba8ieg apitc sanagendjigeieg, acitc kidji gi cacibendameg, e kitci modjigendameg.

1 Tesalonika 1:3

Apitc ako aiamita8agidj Kije Manido Kidadaminan, kimik8enimigom, adi epitci mino ijitcigeieg osa e teb8etameg, acitc adi epitci kitci macka8i mikimo8eg osa e sagii8eieg, acitc adi epitci sogigaba8ieg kiteb8etamo8ini8akag e apacenimo8ageieg Jesos Christ ka Tibeniminak.

1 Tesalonika 2:19

Kina8a mega 8edji aiamag apenimo8in acitc 8edji kitci modjigendamag. Kina8a ka 8abadai8eieg 8e8enda egi mikimo8ag, acitc niga kitci min8adjimomin e mikomigo8eg nigan Jesos Christikag ka Tibeniminak apitc koki tag8icig.

1 Tesalonika 3:13

Midac iidi ke iji minigo8eg kidji sogideeieg. Apitc dac koki tag8icig Jesos ka Tibeniminak kigi kakina odanicinabeman, kiga k8aiakozim acitc kiga paiekideem nigan Kije Manidokag Kidadaminan.

Ebaro 6:15

Ki kitci cacibendam dac Abanaam meg8adj ka taji piodj kidji ani minagani8idj adi kagi ikidondjin Kije Manidon kidji minigodjin. Ka ick8a kitci maneopibonaganig dac egi taji piodj, ogi minigon.

Jak odojibiigan 4:11

Nidjiki8eg! Ka8in paba pag8anomidikegon kakina pepejig ii e tacieg. A8iag madji mikomadjin kodag a8ian ka teb8etamindjin, konima onenimadjin, mi aja Kije Manidon odinakonige8ini omadji mikodan acitc odonendan. Kicpin onendaman Kije Manido odinakonige8in, ka8in aja kinosoneasin, mi eta aja kidonendan epitci min8acinog8en konigotc ka8in.

Jak odojibiigan 5:10

Nidjiki8eg! Mamik8enimikog niganadjimo8innig kagi minigo8apanin ka Tibendjigendjin kidji mikoma8adjin. Mi kekina8a k8ag8e kagikina8abamikog adi egi iji cibendamo8adj meg8adj e kodagito8agobanen.

Jak odojibiigan 5:3

Kidoza8iconiami8a acitc ki8abiconiami8a aja ki ag8ag8abikizi8ag. Egi ag8ag8abikizidj dac kiconiami8a, kada 8abadai8e adi ka apitci panaageieg, midac oga 8anadjiton kia8i8a, tabickotc ickode ka ick8azigemagag. Misa8adj peconag8ag kidji ponaki8ag, kigi ma8adjitamadizom kidji kitci oconiamieg.

2 Pien 3:4

e ikido8adj: “Adi 8edji ega maci koki tag8icig Jesos tabickotc kagi ikidopan? Ini8e nitam kagi teb8etagodjin aja ki nibo8an, ka8in dac maci koki tag8icisi. Ka8in kegon odji adjisesinon ooma akig, ka ako kijendag Kije Manido akini,” kada ikido8ag.