Jak odojibiigan 4:7 - Kije Manido Odikido8in: Ocki Mazinaigan

⁷ Kije Manidokag dac iji asidizok. Nak8itaok madji manido, midac kiga ojimigo8a.

Jak odojibiigan 4:7 Iomraidhean Croise

Matio 11:29

Pagidenimidizok kidji anokitaojieg, acitc kagikina8abamicik. Nikitci kije8adizinan mega, acitc nikitci nokidee. Midac iidi ke odji mikameg an8ebi8in kina8a tibina8e odji.

Jesos Odanodaganan Odijitcige8ini8an 26:19

Midac Pon kiabadj ki anim8e e ikidodj: “Kitci ogima Akanipa! Apitc ka ick8a nodaman oo, nigi naita8a aa8e 8ak8ikag kagi odji aiamiijidj.

Jesos Odanodaganan Odijitcige8ini8an 9:6

Pazig8in dac, acitc a8i ijan 8edi odenag. Kiga 8idamago dac adi panima ke todaman,” ogi igon.

Ojibiama8agani8i8ag ka teb8etamo8adj Rom odenakag 10:3

Ka8in mega ododji nisidotasina8a adi ka todamindjin Kije Manidon kidji k8aiak8abamandjin a8iagon, acitc ogi nanada8i todana8a kidji odji k8aiak8abamigo8adjin. Ka8in dac ododji odapinasina8a adi ka todamindjin Kije Manidon kidji k8aiak8abamandjin a8iagon.

Ojibiama8agani8i8ag ka teb8etamo8adj Rom odenakag 14:11

Ojibiigadeni mega Kije Manido Omazinaiganikag: “Ka Tibendjigedj ikido: Ketcinadj nipimadizinan, acitc ketcinadj mi ke ijiseg: kakina niga pi nibak8itagog, kakina pepejig kada 8idamage8ag e Kije Manido8ian.” Ésaïe 45.23

Epes 4:27

Ka8in odji pejig minakegon madji manido kidji gi odji cagodjiigo8eg.

Epes 5:21

Kina8a ka manadjieg Jesos Christ, pagidendizok kidji ndotadieg kakina pepejig e tacieg.

Epes 6:13

Midac abadjitaokon kakina ini kegonan Kije Manido kagi minigo8eg, ega kidji cagodjiigo8eg ka madjenimigo8eg apitc ako pi miganigo8eg. Apitc dac ick8a miganigo8eg, kiabadj kiga taji sogigaba8im.

Ebaro 12:9

Kigi maminobinigonanag kidadaminanag ooma 8akidakamig, acitc kigi manadjiananag ii odji. Ketcinadj dac kidinendagozimin kitci enigok kidji ndota8aiak Kidadaminan 8ak8ig ka tedj, kidji gi pimadiziak!

1 Pien 2:13

Kidji odji icpenimagani8idj ka Tibendjigedj, ndotaokog kakina ka ogima8i8adj ooma akig. Ndotaok aa ma8adji ka kitci ogima8idj, 8in kakina kegoni ka nagadjitodj.

1 Pien 5:6

Tabasenimidizok dac acitc ndotaok Kije Manido, 8in ka kitci macka8izidj, kidji gi minigo8eg kidji kitci apitendagozieg apitc inendag kidji minigo8eg.