Jak odojibiigan 3:9 - Kije Manido Odikido8in: Ocki Mazinaigan

⁹ Kina8it dac, nanigodin kidabadjitonanan kidenananan kidji icpenimaiak ka Tibeniminak Kidadaminan, acitc nanigodin kidabadjitonanan kidji manazomaiakonig a8iagog, ke8ina8a kagi kijenimigo8adjin Kije Manidon tabickotc 8in ka ijinagozindjin kidji ijinagozi8adj.

Jak odojibiigan 3:9 Iomraidhean Croise

Matio 26:74

Pien dac ki ikido: “Manodj pajacteojidj Kije Manido kicpin kagina8ickian! Teb8e ki8idamonom, ka8in nikikenimasi aa nabe!” Maiagotc dac ii apitc, ki nodagozi nabe pakaak8an.

Matio 5:44

Nin dac 8in ki8idamonom oo8e. Sagiikog ka madjenimigo8eg acitc aiamietamaokog igi8e ka nanekadjiigo8eg.

Jesos Odanodaganan Odijitcige8ini8an 2:26

Midac 8edji mina8azian, acitc 8edji 8idamageian adi epitci modjigendaman. Nidan8ecimonan, 8inikag e iji apacenimo8an.

Ojibiama8agani8i8ag ka teb8etamo8adj Rom odenakag 3:14

Pijicig madjigij8e8ag acitc kiji8atagozi8ag. Psaume 10.7

1 Konit 11:7

Apitc ako aiamiedj nabe, ka8in kegoni oda kigickasin octig8anikag. Ogi ijiigon mega Kije Manidon tabickotc 8in kidji ijinagozidj ka ijinagozindjin. 8abadai8e adi epitci apitendagozindjin Kije Manidon. Ik8e dac 8in, 8abadai8e adi epitci apitendagozindjin naben.

Epes 1:3

Icpenimadan Kije Manido, 8in Jesos Christ ka Tibeniminak Odadaman. Kigi ca8enimigonan mega, e minigo8ak kakinagotc kegoni 8ak8ig ka odjimaganigin ka iji nda8endamakonin kidji gi anokita8aiak, egi iji mama8iseiak Jesos Christikag.

Jak odojibiigan 1:27

8adan dac oo aiamie8in ka teb8emagag acitc ka min8endamiigodj Kije Manido Kidadaminan, kidji mikimaiakonig ki8acijanag acitc ka pejigo8adj ik8e8ag adi eji kodagito8adj, acitc kidji iag8amendamakonin kakina kegonan ka manadagin ooma akikag ega kidji pitci patadiak.

Jak odojibiigan 3:10

Nidjiki8eg! Ka8in ii kada ijisesinon, kidji abadjito8ak kidenananan nanigodin kidji icpenimaiak Kije Manido acitc nanigodin kidji manazomaiakonig a8iagog!

1 Pien 1:3

Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,