Jak odojibiigan 3:2 - Kije Manido Odikido8in: Ocki Mazinaigan

² Mane8inaj kipanaagemin kina8it kakina. Kicpin a8iag ega 8ikad patadidj e anim8edj, maia kitci paiekidee aa, acitc okackitonadok kakina o8ia8 kidji tibendag.

Jak odojibiigan 3:2 Iomraidhean Croise

Matio 12:34

Kina8a madji a8iagog, tabickotc ka pitcibo8inezi8adj kinebigog kidijinagozim! Adi dac kegi odji mikodamegon mino kegonan, e kitci madjideeieg? Ejigij8edj mega a8iag, odji nag8ani adi ejideedj.

Matio 12:37

Kije Manido oga abadjitonan kidikido8ini8an apitc tibakonigo8eg kakina pepejig e tacieg. E abadjitodjin dac kidikido8ini8an, kiga odji 8idamagom kicpin ka apitci k8aiak8adizi8eg8en kek8an ka apitci panaage8eg8en.”

Ojibiama8agani8i8ag ka teb8etamo8adj Rom odenakag 3:10

Mi gotc maia kagi ojibiigadenig Kije Manido Omazinaiganikag: “Ka8in a8iag tesi e k8aiakozidj, ka8in 8a8adj iaga pejig.

Ojibiama8agani8i8ag ka teb8etamo8adj Rom odenakag 7:21

Ni8abadan dac pijicig oo8e e iji8ebizian. Apitc 8i mino todaman, mi eta kidji madji todaman eji kackito8an.

1 Konit 9:27

Nikitci sogi mikidan dac nia8, 8e8enda kidji gi tibendaman. Kicpin mega ega iidi inakamigizian, ka8in niga pagidinigosi kidji pimibato8an. Ka8in dac niga kackitosin kidji odisigo8an nikackitason, misa8adj egi nd8e8emag8a kodagiag a8iagog ke8ina8a kidji nda k8ag8edjikandi8adj.

Kalecia 3:22

Ka8in dac tag8asinon inakonige8in ii e ijinag8ag. Mazinadeni dac Kije Manido Omazinaiganikag kakina a8iagog ooma akikag e tibenimigo8adj patado8ini. Midac ag8acige8ini kagi ikidopan Kije Manido kidji minadjin ka teb8etamindjin, mi eta ka teb8eta8andjin Jesos Christan ka minadjin.

Kalecia 5:17

Ka8in mega tabickotc ijinag8asini Mino Manido adi eji nda8enimigo8ak kidji inakamigizi8aiak acitc dac kina8it ka iji madji mosa8endamak kidji inakamigiziak. Kitci pakan ijinag8an kina8it adi eji madji mosa8endamak adi 8in eji nda8enimigo8ak Mino Manido kidji todam8aiak. Mi maia ka migadimagagin ejinag8agin. Ka8in dac kigagi todasina8a adigotc 8a inakamigizieg.

Kolosi 1:28

Jesos Christ sa dac ka paba mikomagidj. E abadjito8ag kakina kagita8endamo8in ka aiamag, ni8idama8ananag kakina a8iagog adi enendagozi8adj kidji inakamigizi8adj acitc nikikinoama8ananag. Ninada8enimanan mega kakina pepejig a8iag kidji madjigidj teb8etamo8inikag, tabickotc kitci anicinabe kidji ijinagozidj, Jesos Christikag e iji mama8isedj.

Kolosi 4:12

Epapanas (Épaphras) ke8in kidanamikago8a, 8in ka anokita8adjin Jesos Christan acitc kina8akag ka odjidj. Apanigotc kitci nak8i e aiamietamago8eg, e pagosenimadjin Kije Manidon kidji sogigaba8ieg, ega kegon kidji nodeseieg kiteb8etamo8ini8akag, acitc enigokodeeieg kidji teb8eta8eg Jesos, pijicig kidji todameg adi eji min8endag Kije Manido.

Ebaro 13:21

Nidaiamita8a dac Kije Manido kidji minigo8eg macka8izi8ini, kidji gi mino ijitcigeieg kakinagotc ejinag8ag mino ijitcige8in, kidji gi inadizieg adi eji nda8enimigo8eg. Nidaiamita8a acitc kidji 8idjiigo8ak kidji ijitcigeiak adi eji min8endag, e kigicka8aiak Jesos Christ. Apanigotc mojag icpendagozi Jesos Christ! Amen!

Jak odojibiigan 1:26

Kicpin dac a8iag “nikitci aiamie” inendag, pekic dac ega nagadjiidizodj adi ekidodj, 8agackibinidizo. Misa dac ka8in odji pejig abadasini adi eji aiamiedj.

Jak odojibiigan 1:4

Panima eckam ki ani sogigaba8ieg, ega 8ikad e ana8endjigeieg, kidji gi odji ani paiekideeieg acitc maia kidji madjigieg kiteb8etamo8ini8akag, ega kegon kidji nodeseieg.

Jak odojibiigan 2:10

Aa8e mega kitci 8e8enda ka 8i nosoneagin Kije Manidon odinakonige8inan, pejig dac eta ii e tasinigin inakonige8inan ega nosoneag, mi pejig8an kakina ini inakonige8inan ana8etagibanin ejinagozidj.

1 Pien 3:10

Mazinadeni mega oo8eni Kije Manido Omazinaiganikag: “A8iag nda8endag kidji mino pimadjiodj acitc 8i mino iji8ebizidj, panima ega ki pag8anomi8edj acitc ega ki kagina8ickidj.

1 Pien 5:10

Teb8e 8enibik kikodagitom nogom. Midac Kije Manido, 8in apanigotc ka kije8adizidj, ka8in aja kin8ej kidji todag kakina kegoni kidji minosenig kina8a odji. Kiga minigo8a omacka8izi8in. Kiga sogigaba8iigo8a. E teb8eta8eg mega Jesos Christ, kigi nd8e8emigo8a kagige kidji 8idji tajikemeg, 8in ka apitci icpendagozidj.