Jak odojibiigan 3:17 - Kije Manido Odikido8in: Ocki Mazinaigan

¹⁷ Kagita8endamo8in dac Kije Manidokag ka odjimagag kitci pakan ijinag8an. A8iag ka aiag Kije Manidon okagita8endamo8ini kitci paiekidee, o8idoka8an kodagian kidji mino 8idji8idindjin pekadendamo8inikag, nokadizi, onadota8an adi ekidondjin kodagian a8iagon, okitci kidimageniman o8idjipimadiziman, kabe mino ijitcige, ka8in opepakanenimasin a8iagon, acitc ka8in kimodizisi.

Jak odojibiigan 3:17 Iomraidhean Croise

Matio 23:28

Midac pejig8an kina8a, ‘kitci mino a8iago8i8ag’ kidinenimigom, ejideeieg dac kikitci kimodizim acitc kikitci 8i madji todana8a.”

Matio 5:8

Ca8endagozi8ag igi8e ka paiekidee8adj, oga 8abama8an mega Kije Manidon!

Matio 5:9

Ca8endagozi8ag igi8e ka 8idjia8adjin kodagian kidji mino 8idji8idindjin, Kije Manidon mega ‘nidabinodjijimag’ oga ijinikanigo8an!

Min8adjimo8ini kagi ojibiag kitcit8a Lok 21:15

Ninigotc mega kiga mininom ke ikido8eg, acitc kiga mininom kagita8endamo8in ega kidji kackito8adj kidji nak8itago8eg igi8e ka madjenimigo8eg, acitc ega kegoni kidji tag8anig ke ikido8adj.

Min8adjimo8ini kagi ojibiag kitcit8a Lok 6:36

Kije8adiziok dac, tabickotc Kije Manido Kidadami8a ka apitci kije8adizidj.”

John 1:14

Aa Jesos, “Kije Manido Odanim8e8in” ka ijinikanagani8igobanen, ki pi nta8igi ooma akig acitc 8enibik nigi 8idji tajikemigonan. Kabe kitci kije8adizi acitc kabe teb8e. Nigi 8abadananan odicpendagozi8in, Kije Manido kagi minadjin Og8izisan ka motci pejigondjin.

John 1:47

Apitc Jesos ka 8abamadjin Natanienan e pizagosendjin, ki ikido: “Teb8e k8aiakozi aa Israeli8inni. Ka8in odji pejig 8agackizisi aa.”

Jesos Odanodaganan Odijitcige8ini8an 11:24

Banabas kitci mino a8iago8iban, e kigickagodjin Mino Manidon, acitc e kitci teb8etag. Kitci mane dac a8iagog ogi ani teb8eta8a8an ka Tibendjigendjin.

Jesos Odanodaganan Odijitcige8ini8an 9:36

8edi dac Joppa odenag, tajikegoban pejig ik8e e teb8etag, Tabita ijinikazogoban. Kanek ka ijigij8enani8ag, Dokas (Dorcas) ijinikazogoban aa ik8e, mi oo8e e ikidomagag “8a8ackeci.” Kabe ogi mino toda8an a8iagon, acitc ogi nta 8idjian ka kidimagizindjin.

Ojibiama8agani8i8ag ka teb8etamo8adj Rom odenakag 12:18

Kicpin iji minoseg, adi eji apitci kackito8eg, k8ag8e mino 8idjiokog kakina a8iagog.

Ojibiama8agani8i8ag ka teb8etamo8adj Rom odenakag 12:9

Teb8e 8edjida sagiikog kodagiag, ka8in eta ikidokegon e sagieg8a. Madjendamok madji kegon, kitci 8e8enda kana8endamok ka min8acig.

Ojibiama8agani8i8ag ka teb8etamo8adj Rom odenakag 15:14

Nidjiki8eg! Kiketcinameniminom e kitci minodeeieg, acitc egi cabo kikendameg adi enendagozieg kidji ijitcigeieg, acitc e kackito8eg kidji 8a8idjiidieg kidji kikendameg adi ke ijitcigeieg.

1 Konit 12:8

Mino Manido oca8eniman pejig a8ian kidji kagita8endamitagozindjin, kodagian oca8eniman kidji iji kackitondjin kidji tibadjimondjin ini kegonan kagi iji 8idama8adjin.

2 Konit 10:1

Nogom dac nin Pon, kinada8eniminom kidji ndotaojieg 8e8enda. Tabickotc Jesos Christ ka apitci nokadizidj acitc ka apitci kije8adizidj, mi iidi 8a iji aiamiinagok. Nandam a8iagog nimikomigog e ikido8adj: “Kitci kocimo Pon apitc kina8itinakag e tedj. Apitc dac anodj paba tedj, mi apitc ketci kanonigo8ak.” Mi iidi ejigij8e8adj.

2 Konit 6:6

Pekic dac misa8adj, ni8abadai8emin teb8e e anokita8agidj Kije Manido, e paiekideeiag, e 8abadai8eiag 8e8enda e nisidotamag teb8e8in, e cacibendamag, acitc e kije8adenimagid8a kodagiag. Ni8idjiogonan Mino Manido acitc teb8egotc nisagiananag a8iagog.

2 Konit 7:11

Kina8a dac, ki8abadana8a aja adi kagi apitci mino todago8eg Kije Manido, egi kackendameg acitc egi odji ijigaba8ita8eg Kije Manido. Aja nogom 8e8enda kinisidotana8a acitc ki8i 8abadai8em 8e8enda e 8i todameg. Kikiji8azim acitc kikotadjim ka inakamigiziegoban odji. Ki8i koki 8abamijim. Kikitci 8i ijitam adi eji nda8endag Kije Manido, acitc kikitci 8i pajacte8a8a aa8e maia kagi panaagedj. Kigi 8abadai8em sa dac 8e8enda egi mikidameg ii.

2 Konit 9:10

8in Kije Manido ka minadjin anominan ini8e ka kitigendjin, acitc ka minadjin pak8ejiganan a8iagon kidji acamidizondjin. Inigikigotc dac neda8enimeg8a anominag kiga minigo8a, acitc oga madjigian, na8adj mane kidji aia8eg8a kidji gi mineg8a igi8e ka kidimagizi8adj, kina8a ka kitci minodeeieg.

Epes 5:9

Igi8e mega ka iji 8aseanig ka te8adj kada odji minodee8ag, kada k8aiak8adizi8ag acitc kada teb8eiendagozi8ag.

Pilip 1:11

Midac Jesos Christ kiga 8idjiigo8a apanigotc kidji mino inakamigizieg, kidji gi odji icpenimagani8indjin Kije Manidon acitc kidji gi odji manadjiagani8indjin.

Pilip 4:8

Nidjiki8eg! Ab8amaci ick8a ojibiamonagok, kiabadj kodag kegon ki8i 8idamonom. Mamidonendamokon ako kegonan ka min8acigin acitc ka icpendjigadegin, mi ini kegonan ka teb8emagagin, ka manadjitcigadegin, ka k8aiak8agin, ka paiekendag8agin, ka min8endjigadegin, acitc ka min8adodjigadegin.

Kolosi 1:10

Midac iidi kigagi inadizim ka iji nda8endag ka Tibendjigedj acitc kakinagotc kigagi todana8a adi eji min8endag. Kakinagotc mino kegonan kiga todana8a acitc eckam eckam kiga ani kikenima8a Kije Manido.

1 Tesalonika 2:7

Nina8it Jesos Christ Odanodaganan nidinagimigomin. Kidagi kitci kackakanigom dac acitc kidagi kadjinijaogom kidji ndotaojiag. Ka8in dac iidi nigi inakamigizisinanaban meg8adj kina8akag ka teiagiban. Tiegodj, nigi kitci nokadizinanaban, tabickotc ik8e ka mikimadjin odabinodjijiman.

1 Timote 5:21

Kikitci pagosenimin 8e8enda kidji ndotaojian. Kikana8abamigog mega Kije Manido acitc Jesos Christ acitc kitcit8a ajenig. Kabena dac kida todan ii ka iji 8idamonan. Ka8in a8iagog kiga pepakanenimasig acitc ka8in pejig a8iag a8acamej kiga mino toda8asi.

2 Timote 2:24

Aa8e dac ka anokita8adjin Kije Manidon, ka8in inendagozisi kidji kaganozodj. Tiegodj, inendagozi kakina a8ian kidji mino toda8adjin. Oga kikinoama8an 8e8enda kakina a8iagon acitc kada cacibendam.

Tite 1:15

Kicpin a8iag paiekideedj, kakinagotc adi enendag kada k8aiakonag8ani. Igi8e dac a8iagog ega ka paiekidee8adj acitc ega ka teb8eta8a8adjin Kije Manidon, ka8in kegoni ke inendamo8adj kada minonag8asini. Omadji midonendana8a. 8a8adj meg8adj madjakamigizi8adj, ka8in agadjisi8ag.

Tite 3:2

Ka8in a8ian oga madji mikomasi8a8an. Tiegodj, kada pekadendagozi8ag, kada minodee8ag, acitc kabe oga manadjia8an kakina a8ian.

Ebaro 12:11

Apitc ako maminobinagani8idj a8iag, kackendam, acitc ka8in omin8endasin. Nanage dac, igi8e kagi kikinoama8agani8i8adj egi maminobinagani8i8adj, ani k8aiak8adizi8ag acitc ani pekadendamog.

Ebaro 12:14

Kitci nak8iok 8e8enda kidji mino 8idji pimadizimeg8a kakina a8iagog, acitc kidji ani paiekideeieg. Kicpin mega ega paiekideedj a8iag, ka8in oga 8abamasin ka Tibendjigendjin.

Jak odojibiigan 1:17

Kakina mega ka kitci min8acigin ca8endjige8inan acitc kakina mino kegonan ka iji8ebiziak, icpimig odjimaganon. Kije Manidokag odjimaganon, 8in kagi kijenimadjin 8anagocan acitc kizison. Kagige pejig8an ijinagozi. Ka8in 8ikad k8ekigaba8isi kidji nagadjibaigo8ak ka iji kacki tibikanig.

Jak odojibiigan 1:5

Kicpin dac pejig e tacieg ega tibise kagita8endag, oda pagoseniman Kije Manidon, oga minigon dac kidji kagita8endag. Kije Manido mega kitci kije8adizi acitc okitci min8endan kidji ca8enimadjin kakinagotc a8iagon.

Jak odojibiigan 2:13

Apitc mega tibakonigedj Kije Manido, ka8in oga kidimagenimasi8an ini8e ega kagi kidimagenimandjin kodagian. Aa8e dac kagi kidimagenimadjin kodagian, kada kidimagenimagani8i ke8in apitc tibakonagani8idj.

Jak odojibiigan 2:4

Iidi e inakamigizieg, kipepakanenima8ag a8iagog, e inendameg nandam ii e tacieg na8adj e apitendagozi8adj apitc8in kodagiag. Kimadjideem, anodj e iji onenimeg8a a8iagog.

Jak odojibiigan 3:15

Ii mega ka ijinag8ag kagita8endamo8in ka8in Kije Manidokag odjimagasinon, tiegodj ooma akig iji tibendag8an, a8iagokag ega ka kigickago8adjin Mino Manidon iji tag8an ii, acitc madji manidokag odjimagan.

Jak odojibiigan 4:8

Nazikaok Kije Manido, midac ke8in kiga pi nazikago8a. An8endizok, kina8a ka patadieg, acitc paiekideeidizok, kina8a ega ka sagieg Kije Manido enigokodeeieg.

1 Pien 1:22

E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 Pien 2:1

Kije Manido kigi minigo8a ocki pimadizi8ini. 8ebinamokon dac kakina madjakamigizi8inan. Ka8in mina8adj kagina8ickikegon, acitc ka8in kimodizikegon. Ka8in mosa8endakegonin kodag a8iag odaiman acitc ka8in 8ikad madji mikomakegon a8iag.

1 Pien 2:18

Kidaiamiinom kina8a ka tibenimigo8eg kidji anokitageieg. Pagidendizok kidji ndota8eg8a kikackami8ag acitc manadjiikog, ka8in eta igi8e ka kije8adizidj acitc ka mino todago8eg, mi misa8adj ke8ina8a kagi madji todago8eg.

1 John 3:18

Nidabinodjijimag ka kitci ineniminagok! Kicpin eta ikido8ak e sagiidiak pepejig e taciak, ka8in tibisesinon. Panima kada nag8an teb8e e sagiidiak e 8idjiidiak pepejig e taciak.

1 John 3:3

Aa dac a8iag ka iji apacenimodj tabickotc Jesos kidji ijinagozidj, mi aa kabe e nagadjiidizodj adi enakamigizidj kidji gi paiekideedj, tabickotc Jesos eji paiekideedj.