Jak odojibiigan 3:13 - Kije Manido Odikido8in: Ocki Mazinaigan

¹³ Te na pejig a8iag ii e tacieg maia e kagita8endag acitc e kitci omidonendjiganidj? Kada 8abadai8e teb8e e kagita8endag e mino inakamigizidj. Kada mino ijitcige e tabasenimidizodj, acitc e kagita8endag adigotc enakamigizidj.

Jak odojibiigan 3:13 Iomraidhean Croise

Matio 11:29

Pagidenimidizok kidji anokitaojieg, acitc kagikina8abamicik. Nikitci kije8adizinan mega, acitc nikitci nokidee. Midac iidi ke odji mikameg an8ebi8in kina8a tibina8e odji.

Matio 21:5

“8idamaokog oo8eni a8iagog Sion odenakag ka tajike8adj: Kijigabamik! Kipi nazikago8a kidogimami8a, ka kitci nokadizidj. Misabozokag dac iji 8agida8aganebi. Misabozocikag pi iji 8agida8aganebi.” Zacharie 9.9

Matio 5:5

Ca8endagozi8ag igi8e ka nokidee8adj, kada minagani8i8ag mega ii akini Kije Manidon kagi ikidonipanin kidji migi8endjin!

Matio 7:24

“A8enenigotc ke ndotamog8enin nidikido8inan nogom kagi ikido8an, acitc ke nosoneagin, mi maia tabickotc ka kagita8endag nabe, asinikag kagi iji migi8amikedj, ke ijinagozidj.

1 Konit 6:5

Kida agadjim ii odji! Kana iaga pejig tesi a8iag e tacieg e kagita8endag, kidji gi 8a8ejibidodj e kaganondindjin kodagian ka teb8etamindjin?

2 Konit 10:1

Nogom dac nin Pon, kinada8eniminom kidji ndotaojieg 8e8enda. Tabickotc Jesos Christ ka apitci nokadizidj acitc ka apitci kije8adizidj, mi iidi 8a iji aiamiinagok. Nandam a8iagog nimikomigog e ikido8adj: “Kitci kocimo Pon apitc kina8itinakag e tedj. Apitc dac anodj paba tedj, mi apitc ketci kanonigo8ak.” Mi iidi ejigij8e8adj.

2 Konit 8:24

Kida 8abadai8em dac teb8e e sagieg8a igi nabeg. Apitc dac nodage8adj ka teb8etamo8adj kagi pidjinija8a8adjin, oga nisidotana8a 8egonen 8edji paba 8idamageiag e kitci inenimigo8eg.

Kalecia 5:23

nokidee8ag, acitc okackitona8a kidji nagadjiidizo8adj enakamigizi8adj. Ketcinadj ka8in tag8asinon inakonige8in kidji ikidomagag ega iidi kidji iji pimadizinani8anig.

Kalecia 6:1

Nidjiki8eg! Kicpin pejig e tacieg patadidj, kina8a ka kigickago8eg Mino Manido, kida 8idjia8a aa a8iag mina8adj k8aiak kidji inadizidj, anic dac pekadj mino todaok. Kakina dac pepejig e tacieg, kida iag8amim kina8a tibina8e, ega kidji odji 8ik8adjiigo8eg kidji patadieg kekina8a.

Kalecia 6:4

Kakina pepejig a8iag oga kana8abadan adi enadizidj, kidji kikenimidizodj epitci k8aiak inadizig8en kek8an ka8in. Kicpin dac ki mino inadizidj, ogagi odji kitci inendan, ega mamakadj kidji kana8abamadjin kodagian a8iagon adi enadizindjin, kidji odji inendag na8adj 8in e k8aiak8adizidj apitc8in kodagian a8iagon.

Epes 4:2

Pijicig tabasenimidizok, acitc nokadiziok. Ka8in 8ake8ina8ezikegon, tiegodj sagiidiok acitc cacibenimidiok kakina pepejig e tacieg.

Pilip 1:27

Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.

Kolosi 3:12

Kije Manido kigi onabamigo8a, eta 8inikag kidji iji tibendagozieg, acitc kikitci sagiigo8a. Midac pijicig ke odji kije8adizieg, minodeeieg, tabasendizo8eg, nokideeieg, acitc ke odji cacibendameg.

1 Timote 4:12

Ka8in a8iag kida pagidinasi kidji manenimik, misa8adj e ocki pimadizian. Tiegodj, kida 8abadaag ka teb8etamo8adj adi maia ke inadizi8apan, tabickotc kin tibina8e ka inadizian. Kagita8en, mino inadizin, sagiik a8iagog, Kije Manidokag iji apacenimon acitc k8aiak pimadizin.

1 Timote 6:11

Kin dac Timote, kidanokita8a Kije Manido. 8imackan dac kakina ini8e madji kegonan. K8ag8edjiton kidji k8aiak8adizian, 8e8enda kidji anokita8adj Kije Manido, kidji sogi teb8etaman, kidji sagii8ean, kidji cacibendaman, acitc kidji nokideean.

2 Timote 2:25

Panima pekadj oga kikinoama8an ini8e ka ana8etagodjin. Midac ne8ad Kije Manido oga minan ini8e a8iagon kidji an8endizondjin acitc kidji kikendamindjin teb8e8ini.

Tite 3:2

Ka8in a8ian oga madji mikomasi8a8an. Tiegodj, kada pekadendagozi8ag, kada minodee8ag, acitc kabe oga manadjia8an kakina a8ian.

Ebaro 13:5

Ka8in kitci 8igiconia8ekegon, acitc mi iji min8endamok e tibendameg ka aiameg. Kigi igonan mega Kije Manido: “Ka8in 8ikad kiga 8ebinisinon, ka8in 8ikad kiga naganisinon,” Deutéronome 31.6,8; Josué 1.5 ki ikido.

Jak odojibiigan 1:21

Misa dac 8ebinamok kakina kegon ka manadag, acitc ponitaok e nta patadieg. Tabasenimidizok dac acitc manadjitaok Kije Manido omin8adjimo8in kidei8akag kagi iji atcigadeg, ii8e kegi ag8acimigo8eg.

Jak odojibiigan 2:18

Ne8ad a8iag kada ikido: “Kin kiteb8eta8a Kije Manido, nin dac nimino ijitcige.” Niga nak8e8ajia dac aa: “Ack8e sa 8abadaicin adi ejinag8ag kiteb8etamo8in ega e mino ijitcigean, nin dac kiga 8abadain niteb8etamo8in adi eji mino ijitcigeian.”

Jak odojibiigan 3:1

Nidjiki8eg! Ka8in osa manekegon kidji 8i kikinoamage8inni8ieg aiamiemigi8amikag. Kikikendana8adok mega Kije Manido na8adj kidji sogakonigo8ag nina8it ka paba kikinoamageiag apitc8in kodagian a8iagon.

Jak odojibiigan 3:17

Kagita8endamo8in dac Kije Manidokag ka odjimagag kitci pakan ijinag8an. A8iag ka aiag Kije Manidon okagita8endamo8ini kitci paiekidee, o8idoka8an kodagian kidji mino 8idji8idindjin pekadendamo8inikag, nokadizi, onadota8an adi ekidondjin kodagian a8iagon, okitci kidimageniman o8idjipimadiziman, kabe mino ijitcige, ka8in opepakanenimasin a8iagon, acitc ka8in kimodizisi.

1 Pien 1:15

Maiagotc paiekidee 8aa8e kagi nd8e8emigo8eg 8inikag kidji iji tibendagozieg. Midac kekina8a adigotc ejitaieg kida paiekideem.

1 Pien 2:12

Ooma akig ki8idji tajikema8ag igi8e ega ka teb8eta8a8adjin Kije Manidon. K8aiak8adiziok dac, misa8adj inactaonigo8eg egi madji inakamigizieg. Kiga 8abamigo8a dac 8e8enda mojag e todameg, acitc oga odji icpenima8an Kije Manidon apitc pi tag8icinindjin.

1 Pien 2:9

Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.

1 Pien 3:4

Tiegodj kidei8akag kada odjimaganobanin kiminojici8ini8an. Kida nokadizim acitc kida pekadendana8a kidji odji kitci minojicinago8eg. Ii dac minojici8in ka8in 8ikad kada ponisesinon acitc Kije Manido okitci apitendan.