Jak odojibiigan 1:19 - Kije Manido Odikido8in: Ocki Mazinaigan

¹⁹ Nidjiki8eg ka kitci sagiinagok! Mamik8endamok oo8e. Kakina pepejig e tacieg 8e8enda kida ndota8a8ag a8iagog, ka8in teci8ag kida anim8esim, acitc ka8in dac kida kitci 8ake 8ina8ezisim.

Jak odojibiigan 1:19 Iomraidhean Croise

Matio 5:22

Nin dac 8in ki8idamonom oo8e. A8enenigotc ke kiji8azig8en o8idjiki8en odji kada tibakonagani8i. Aa8e ka inadjin o8idjiki8en: ‘Kikikimadizinan!’ kada iji8inagani8i nigan Coda8inni kitci aiamie onakonige8innikag. Aa dac ka inadjin: ‘Ka8in odji pejig kidabadizisi!’ kackitamadizo kitci ickodekag kidji madjocte8ebinagani8idj.

Min8adjimo8ini kagi ojibiag kitcit8a Mak 12:37

David dac 8inigotc ‘Ka Tibenimijidj’ odijinikanan ini a8ian Kije Manidon kagi ikidonipanin kidji pidjinija8andjin. Adi dac kegi odji ijisedj David kidji odanike ojisidj ini?” Mane a8iagog ogi kitci minota8a8an Jesosan.

Min8adjimo8ini kagi ojibiag kitcit8a Mak 2:2

Kitci mane dac a8iagog ki iji ma8adjiidi8ag iima migi8amikag ka iji tajikenigobanen. Ka8in dac tibise ta8atesinogoban ke iji abinani8ag, ka8in 8a8adj ag8adjik ick8ademikag. Jesos dac ki kikinoamage.

Min8adjimo8ini kagi ojibiag kitcit8a Lok 15:1

Nandam ka ma8adjia8adjin conian kitci ogiman odji acitc kodagiag madji a8iagog ka inenimagani8i8adj ogi nazika8a8an Jesosan kidji ndota8a8adjin.

Min8adjimo8ini kagi ojibiag kitcit8a Lok 19:48

Ka8in dac ododji mikasina8a adi ke odji madjita8apan. Jesos mega kakina a8iagon okitci ndotagobanin.

Jesos Odanodaganan Odijitcige8ini8an 1:15

Ii dac apitc, nigodin igi8e ka teb8etamo8adj ki ma8adjiidi8ag. 8aiej dac midasomidana acitc nijidana (120) tacibanig. Pien ki pazig8i nena8idj acitc ogi 8idama8an:

Jesos Odanodaganan Odijitcige8ini8an 10:33

Teci8ag dac kigi nadjinijaon. Nikitci min8endan egi pijaian. Aja dac nigi ma8adjiidimin ooma, e kikendamag Kije Manido ke8in e 8idjionak. Ni8i nodananan dac kakina ka Tibendjigedj ka igo8an kidji iji 8idamaojiag,” ki ikido.

Jesos Odanodaganan Odijitcige8ini8an 13:48

Apitc ega ka Coda8inni8i8adj ii8eni ka nodamo8adj, ki kitci modjigendamog acitc ogi icpendana8a ka Tibendjigendjin odikido8ini. Midac igi8e kagi onabamagani8i8adj kidji aiamo8adj kagige pimadizi8ini ogi teb8eta8a8an Jesosan.

Jesos Odanodaganan Odijitcige8ini8an 17:11

Igi8e Coda8innig iima ka te8apan na8adj okitci inendana8agoban Kije Manidon omin8adjimo8ini apitc8in igi8e Tesalonika (Thessalonique) ka iji tajike8apan. Ogi kitci mamidonendana8a kagi ikidondjin Ponan acitc Silasan. Taso kajik igi Coda8innig ogi nabo8adana8a Kije Manidon Omazinaigani kidji kikendamo8adj kicpin epitci teb8emaganig8en Ponan ka ikidondjin.

Jesos Odanodaganan Odijitcige8ini8an 2:42

Midac pijicig ki ma8adjiidi8agoban, kidji ndota8a8adjin Anodaganan e kikinoamago8adjin, kidji 8idjiidi8adj, ma8asag kidji 8isini8adj, acitc ma8asag kidji aiamie8adj.

Epes 4:26

Kicpin nanigodin kiji8azieg, iag8amendamok ega kidji odji patadieg. Ka8in kabe kijik kiji8azikegon, nokadiziok ab8amaci kidji pagicimog.

Epes 4:31

Ka8in madjideekegon a8iag odji madji todago8eg. Ka8in kiji8azikegon, ka8in kitci sogina8ezikegon, ka8in kaganondikegon, acitc ka8in manazomakegonig a8iagog. Ka8in pabajine 8i madji toda8akegonig a8iagog.

Kolosi 3:15

Pagidinamok Jesos Christ opekadendamo8in kidji tibendagin kimamidonendamo8ini8an. Kije Manido mega kigi nd8e8emigo8a kidji mama8ino8eg kakina ka tacieg, tabickotc pejig a8iag o8ia8 kidji apitendagozieg, kidji gi aiameg pekadendamo8in. Apanigotc dac mig8etc inendamok Kije Manido kagi mino todago8eg odji.

Kolosi 3:8

Nogom dac 8ebinamokon ini madji ijitcige8inan. Ka8in kiji8azikegon, ka8in kitci sogina8ezikegon, ka8in 8i madji toda8akegonig a8iagog, ka8in manazomakegonig kodagiag, acitc ka8in manad8ekegon.

1 Tesalonika 2:13

Apitc ka pi 8idamago8eg Kije Manido odikido8in, kigi odapinana8a. Ii dac acitc odji, apanigotc mig8etc nidinanan Kije Manido. Kikikendana8aban mi ii 8edjida teb8e Kije Manido odikido8in, ka8in 8in a8iag. Teb8e sa Kije Manidokag odjimagan oo min8adjimo8in, acitc kitci macka8izimagan kipimadizi8ini8akag, kina8a ka teb8etameg.

Jak odojibiigan 1:16

Nidjiki8eg ka kitci sagiinagok! Iag8amig ega kidji 8aiejimigo8eg.

Jak odojibiigan 1:2

Nidjiki8eg! Nanigodin kiga kitci sanagendjigem ooma akikag. Mi misa8adj iji modjigendamok anapitcigotc acitc adigotc iji sanagizieg.

Jak odojibiigan 1:26

Kicpin dac a8iag “nikitci aiamie” inendag, pekic dac ega nagadjiidizodj adi ekidodj, 8agackibinidizo. Misa dac ka8in odji pejig abadasini adi eji aiamiedj.

Jak odojibiigan 2:1

Nidjiki8eg! Kiteb8eta8a8a ka Tibeniminak Jesos Christ, 8in ma8adji ka kitci icpendagozidj. Ka8in dac kida pepakanenimasi8a8ag kidjipimadizimi8ag.

Jak odojibiigan 2:5

Nidjiki8eg ka kitci sagiinagok! Ndotamok oo8e. Kije Manido ogi onabaman ka kidimagizindjin ooma akikag kidji iji 8anadizindjin teb8etamo8inikag, acitc kidji pidigendjin Odogima8i8inikag ka ikidopan kidji minadjin a8iagon ka sagiigodjin.

Jak odojibiigan 3:10

Nidjiki8eg! Ka8in ii kada ijisesinon, kidji abadjito8ak kidenananan nanigodin kidji icpenimaiak Kije Manido acitc nanigodin kidji manazomaiakonig a8iagog!

Jak odojibiigan 4:11

Nidjiki8eg! Ka8in paba pag8anomidikegon kakina pepejig ii e tacieg. A8iag madji mikomadjin kodag a8ian ka teb8etamindjin, konima onenimadjin, mi aja Kije Manidon odinakonige8ini omadji mikodan acitc odonendan. Kicpin onendaman Kije Manido odinakonige8in, ka8in aja kinosoneasin, mi eta aja kidonendan epitci min8acinog8en konigotc ka8in.

Jak odojibiigan 5:12

Nidjiki8eg! 8adan oo8e ma8adji e apitendag8ag. Ka8in kegon 8idakegon kidji 8abadai8eieg e teb8eieg. Ka8in ikidokegon: “Icpimig nidodji teb8e,” ka8in kek8an ikidokegon: “Akikag nidodji teb8e,” ka8in kek8an kodag kegon 8idakegon. “Ee” eta ikidok apitc “ee” 8i ikido8eg, acitc dac “ka8in” ikidok apitc “ka8in” 8i ikido8eg. Midac ka8in kiga tibakonigosi8a Kije Manido.

Jak odojibiigan 5:19

Nidjiki8eg! Ne8ad pejig ii e tacieg kada pakebinagani8i, ega kidji nosoneag teb8e8ini, acitc ne8ad kodag a8ian ogagi 8idokagon mina8adj kidji gi koki mino nosone8adjin ka Tibendjigendjin.

1 John 2:21

Mi ii 8edji ojibiamonagok, ka8in kidji 8idamonagok ega e kikendameg teb8e8in, tiegodj kidji 8idamonagok maia e nisida8inameg teb8e8in. Ka8in dac 8ikad teb8e8inikag odjimagasinon kagina8icki8in.