Epes 6:24 - Kije Manido Odikido8in: Ocki Mazinaigan

²⁴ 8egona Kije Manido minadjin okitci ca8endjige8in kakina a8iagon apanigotc ka sagiandjin Jesos Christan ka Tibeniminak. Nin Pon

Epes 6:24 Iomraidhean Croise

Matio 22:37

Jesos dac ogi nak8e8ajian: “ ‘Kiga sagia8a ka Tibendjigedj Kikije Manidomi8a enigokodeeieg, enigokodjitcagocieg, acitc enigokomidonendjiganieg.’ Deutéronome 6.5

Matio 28:20

Kikinoamaokog dac kidji nosoneamo8adjin kakina ini inakonige8inan kagi mininagok. Nin dac, apanigotc kiga 8idjionom, pinici kidji ponaki8ag.”

Matio 6:13

Ka8in pagidenimi8eken kidji pakebinigo8ag, 8ack8ebinicinam dac madji manidokag. [Kin mega ka tibendaman ogima8i8in, macka8izi8in, acitc icpendagozi8in, kagigekamig. Amen.]”

Ojibiama8agani8i8ag ka teb8etamo8adj Rom odenakag 2:7

Nandam a8iagog apan kitci nak8i8ag 8e8enda kidji inadizi8adj. Onada8enima8an Kije Manidon kidji minigo8adjin icpendagozi8ini, kidji min8adjimigo8adjin, acitc kidji minigo8adjin pimadizi8ini ega 8ikad ke ick8asenig. Kije Manidon dac oga minigo8an kagige pimadizi8ini.

2 Konit 8:12

Kicpin mega a8ian maiagotc 8i migi8endjin kegoni, Kije Manido oga odapinan ii ca8endjigani. O8abadan e ick8atandjin kidji migi8endjin ka aiamindjin, ka8in 8in ok8ag8edjimasin kegoni ega ka aiamindjin.

2 Konit 8:8

Ka8in 8in panima kidji migi8eieg conia kidinisinonom. Ninada8endan dac kidji minoseieg kekina8a kidji 8abadai8eieg teb8e e sagieg8a kodagiag. Midac 8edji ki tatibadjimotaonagok adi ka apitci kitci 8i 8idjii8e8adj kodagiag ka teb8etamo8adj.

Epes 6:23

8egona Kije Manido Kidadaminan acitc Jesos Christ ka Tibendjigedj minadjin kakina ka teb8etamindjin pekadendamo8ini, sagii8e8ini, acitc teb8etamo8ini.

Pilip 1:1

Nin Pon, Jesos Christ ka anokita8ag. Timote (Timothée) dac ni8idjiig, mi ke8in Jesos Christan ka anokita8adjin. Kidojibiamonom, kina8a Kije Manido odanicinabeman Pilip (Philippes) odenag ka tajikeieg, ka teb8eta8eg Jesos Christ. Kidojibiamonom acitc kina8a ka niganizieg aiamiemigi8amikag acitc kina8a kakina ka anokita8eg8a ka teb8etamo8adj.

Kolosi 4:18

Nogom dac nin tibina8e kidojibiamonom oo8e: nin Pon kidanamikonom. Ka8in 8anikekegon kibaodimigi8amikag e teian. 8egona Kije Manido ca8enimigo8eg. Nin Pon

2 Timote 4:22

8egona ka Tibendjigedj 8idjiok. 8egona minigo8eg okitci ca8endjige8in kina8a kakina. Nin Pon

Tite 2:7

Kin dac, Tite, kida mino inakamigizinan kekin, kidji gi kagikina8abamik8a. 8e8enda kikinoamagen, enigokodeean.

Tite 3:15

Kakina ka 8idji8ag8a kidanamikagog. Anamikaok ki8idji8agananag ka teb8etamo8adj. 8egona Kije Manido minigo8eg okitci ca8endjige8in kina8a kakina. Nin Pon

Ebaro 13:25

8egona ca8enimigo8eg Kije Manido kina8a kakina. Amen!