Epes 6:18 - Kije Manido Odikido8in: Ocki Mazinaigan

¹⁸ Kabe kida aiamiem, e pagosenimeg Kije Manido kidji 8idokago8eg. Adigotc ejitaieg, kabe aiamieok, e 8idokago8eg Mino Manido kidji aiamieieg. Iag8amig ega 8ikad kidji poni aiamieieg. Apanigotc aiamietamaokog kakina Kije Manido odanicinabeman.

Epes 6:18 Iomraidhean Croise

Matio 17:21

[Anic dac, mi eta aiamie8in acitc pagidadjige8in kadagi abadanon kidji gi sagidjinija8agani8idj aa ka inakanezidj madji manido.]”

Matio 26:41

K8ag8e cibig8aciok, acitc aiamieok kidji macka8izieg, ega kidji gi pakebinigo8eg madji manido. Teb8e ki8i k8ag8e k8aiak8adizim, pekic dac kia8i8a kitci cagozimagan.”

Min8adjimo8ini kagi ojibiag kitcit8a Mak 13:33

Iag8amig dac! Eco8iok! Ka8in mega kikikendasina8a anapitc ke ponaki8ag.

Min8adjimo8ini kagi ojibiag kitcit8a Mak 14:38

Cibig8aciok, acitc aiamieok kidji macka8izieg, ega kidji gi pakebinigo8eg madji manido. Teb8e ki8i k8ag8e k8aiak8adizim, pekic dac kia8i8a kitci cagozimagan,” ki ikido.

Min8adjimo8ini kagi ojibiag kitcit8a Lok 21:36

Eco8iok dac. Apanigotc aiamieok, kidji gi aiameg macka8izi8in kidji gi cabockameg ii ke iji8ebizieg e sogigaba8ieg, ega dac kidji segizieg apitc tibakonigo8eg Ka pi Anicinabe8iidizodj.” Mi ka ikidodj Jesos.

Min8adjimo8ini kagi ojibiag kitcit8a Lok 22:46

Ogi inan dac: “8egonen 8edji nibaieg? 8anickaok acitc aiamieok kidji macka8izieg, ega kidji gi pakebinigo8eg madji manido.”

Min8adjimo8ini kagi ojibiag kitcit8a Lok 3:26

Maat (Maath) ini og8izisibanin Nagain. Matatias (Matthatias) ini og8izisibanin Maatan. Semein (Séméin) ini og8izisibanin Matatiasan. Josek (Josech) ini og8izisibanin Semeinan. Joda ini og8izisibanin Josekan.

Min8adjimo8ini kagi ojibiag kitcit8a Lok 3:37

Matosala (Mathusala) ini og8izisibanin Lamekan. Enok (Hénok) ini og8izisibanin Matosalan. Jared ini og8izisibanin Enokan. Maleleiel (Maléléel) ini og8izisibanin Jaredan. Kainan ini og8izisibanin Maleleielan.

Jesos Odanodaganan Odijitcige8ini8an 1:14

Ma8asag kakinagotc e taci8apan ma8adjiidibanig ako kidji aiamie8adj. Ik8e8ag ka teb8etamo8adj ogi 8idji8a8an, acitc Mani, Jesos odjodjoman acitc Jesos o8idjiki8en.

Jesos Odanodaganan Odijitcige8ini8an 10:2

Konelias omanadjiagoban Kije Manidon. 8in acitc kakina omigi8amikag ka tajikendjin odaiamita8a8agoban Kije Manidon. Mojag ogi 8idjian ka Coda8inni8indjin ka kidimagizindjin acitc ki nta aiamie.

Jesos Odanodaganan Odijitcige8ini8an 12:5

Pien dac ki kana8enimagani8i kibaodimigi8amikag. Ka teb8etamo8adj dac ogi kitci aiamita8a8an Kije Manidon Pienan odji.

Jesos Odanodaganan Odijitcige8ini8an 6:4

Nina8it dac niga tebapitcimin kidji aiamieiag acitc kidji kagik8eiag Kije Manido odikido8in.”

Ojibiama8agani8i8ag ka teb8etamo8adj Rom odenakag 12:12

Kije Manidokag kidiji apacenimom, apanigotc dac modjigendamok. Apitc ako kodagito8eg, cibendamok. Apanigotc mojag aiamieok.

Ojibiama8agani8i8ag ka teb8etamo8adj Rom odenakag 8:15

Mino Manido mega kagi odisigo8eg ka8in 8in kimadji todagosi8a acitc ka8in kinada8enimigosi8a mina8adj kidji segizieg. Mino Manidon megada ka minigo8eg Kije Manido, odabinodjijiman kidji ijinagozieg, acitc 8in ka pagidinigo8ak kakina pepejig e taciak “Nidadam!” kidji gi ijinikanaiak Kije Manido.

Kalecia 4:6

Kidji gi 8abadai8edj teb8e 8in odabinodjijiman e apitendagozieg, Kije Manido ogi pidjinija8an Og8izisan Omino Manidomini kideinakag. Aa dac Mino Manido opibagiman Kije Manidon: “Abba!” Ikidomagan dac ii: “Nidadam!”

Epes 1:16

Apanigotc dac mig8etc nidina Kije Manido, meg8adj e aiamietamonagok.

Epes 2:22

Midac kekina8a kidasigo8a iima migi8amikag ka taji ojitcigadeg, osa Jesosikag kidiji mama8isem. Kigi kakina Kije Manido odanicinabeman, mi maia tabickotc migi8am e ani ijinagozieg, taji Kije Manido Omino Manidoman kidji gi iji tajikendjin.

Epes 3:18

Midac ke iji kackito8eg kidji nisidotameg, kigi kakina Kije Manido odanicinabeman, adi Jesos Christ epitci kitci sagiigo8ak. Kiga kikendana8a dac adi epitci micanig osagii8e8in, adi epitci magadeanig, adi epitci kin8anig, adi epitci icpanig, acitc adi epitci koda8anig.

Epes 3:8

Kakina kodagian Kije Manido odanicinabeman na8adj 8ina8a apitendagozi8an apitc8in nin. Anic dac Kije Manido ka kitci kije8adizidj nigi kitci ca8enimig egi onabamijidj kidji paba tibadjimotaomagin ega ka Coda8inni8indjin omin8adjimo8in. Jesos Christ kagi pi ijitcigedj kina8it odji, epitci kitci apitendag8anig dac ii, ka8in 8ikad kakina kiga kackitosinanan kidji cabo nisidotamak okije8adizi8in.

Epes 6:19

Kenin aiamietamaocik, Kije Manido kidji 8idamaojidj adi ke ikido8an apitcigotc kagik8eian omin8adjimo8in, midac ega kidji cag8enimo8an apitc tibadjimo8ag omin8adjimo8in, ega 8ikad odakanag kagi kikendag8anig, nogom dac aja kagi kikendamonigo8ak.

Pilip 1:4

Tasinigotc e aiamietamonagok, apanigotc nikitci min8endan,

Pilip 4:6

Ka8in kegon odji aianimendakegon. Tiegodj, aiamieok, adigotc ijiseieg, e k8ag8edjimeg Kije Manido kidji minigo8eg ka nodeseieg. Acitc apanigotc mig8etc inenimik apitc aiamita8eg, e pagosenimeg kidji 8idokago8eg.

Kolosi 1:3

Tasin e aiamietamago8eg, mig8etc nidinanan Kije Manido, ka Tibeniminak Jesos Christ Odadaman.

Kolosi 1:4

Nigi nodagemin mega adi epitci teb8eta8eg Jesos Christ acitc adi epitci sagieg8a kakina Kije Manido odanicinabeman.

Kolosi 4:2

Apanigotc aiamieok, kabe e pagaki mika8ieg, acitc mig8etc e inenimeg Kije Manido.

1 Tesalonika 5:17

Ka8in 8ikad poni aiamiekegon.

1 Timote 2:1

Oo8e nitam ka 8i ikido8an, panima ki aiamietama8aiakonig kakina a8iagog, e pagosenimaiak Kije Manido kidji minadjin ka nodesendjin, e k8ag8edjimaiak Kije Manido kidji ca8enimadjin, acitc mig8etc e inaiak 8ina8a odji.

2 Timote 1:3

Mig8etc nidina Kije Manido, ka anokita8ag tabickotc 8eckadj nikitci anicinabembanig kagi iji anokita8a8agobanen, e kikendaman mino kegon eta e todaman. Apanigotc taso kajik acitc taso tibik mig8etc nidina, e mik8eniminan nidaiamie8inikag.

Pilemo 1:5

Nigi nodan mega adi epitci sagiad8a Kije Manido odanicinabeman acitc adi epitci teb8eta8adj ka Tibendjigedj Jesos.

Ebaro 5:7

Meg8adj e pimadizipan Jesos Christ ooma 8akidakamig, okitci aiamita8abanin Kije Manidon acitc okitci sogi pagosenimabanin. 8a8adj nanigodin ako ma8iban acitc pabibagiban e aiamiedj. Okikenimabanin mega Kije Manidon e kackitondjin kidji ag8acimigopanin, ega kidji nibodj. Kije Manidon dac ogi ndotagon, Jesos mega kitci tabasendizoban acitc o8i ndota8abanin.

1 Pien 4:7

Aja peconag8an kakina kegon kidji ick8aseg. Nagadjiidizok dac enakamigizieg acitc iag8amendamok, kabe kidji ick8ataieg kidji aiamieieg.

Jod odojibiigan 1:20

Kina8a dac, ni8idji8aganag ka kitci sagiinagok, kitci nak8iok kidji 8idjiidieg kakina pepejig e tacieg, eckam eckam kidji ani sogigaba8ieg kiteb8etamo8ini8akag, 8edjidagotc ka kitcit8a8endag8ag. Iji aiamieok ka iji kikinoamago8eg Mino Manido.