Epes 5:7 - Kije Manido Odikido8in: Ocki Mazinaigan

⁷ Midac ka8in 8idji8akegonig igi8e iidi ka iji ki8ack8eadizi8adj.

Epes 5:7 Iomraidhean Croise

2 Konit 6:14

Ka8in 8in tabickotc igi8e ega ka teb8eta8a8adjin Jesosan kitidisim. Ka8in dac 8ina8akag iji mama8akonidikegon. A8iag ka k8aiak8adizidj acitc a8iag ka 8agackizidj, kadagi iji mama8ino8ag na? A8iag 8asea8inikag ka iji pimadizidj acitc a8iag ka iji kacki tibikanig ka iji pimadizidj, kadagi mino 8idji8idi8ag na?

Epes 3:6

Misa oo min8adjimo8in kagi kadjigadegiban. Igi8e ega ka Coda8inni8i8adj mi ke8ina8a okackitona8a Kije Manidon oca8endjige8ini kidji odisigo8adj, ka8in 8in eta Coda8innig kidji odisigo8adj ii. Aja mega e mama8ino8adj Coda8innig acitc ega ka Coda8inni8i8adj, mi pejig8an epitendagozi8adj kakina ka taci8adj, ma8asag Kije Manido odanicinabeman e ijinagozi8adj. Kakina oga odisigona8an ini mino kegonan kagi ikidodj Kije Manido kidji minadjin ini8e ka teb8eta8andjin Jesos Christan.

Epes 5:11

Ka8in todakegon tabickotc ka inakamigizi8adj a8iagog ega ka teb8eta8a8adjin Kije Manidon, ka iji kacki tibikanig ka te8adj. Ka8in mega odji pejig abadasini adi enakamigizi8adj. Tiegodj, 8e8enda 8abadaikog teb8e e madji inadizi8adj.

1 Timote 5:22

Ka8in kida 8e8ibit8asi kidji saminadj a8iag kidji inanonadj kidji anokita8adjin Kije Manidon. Kicpin dac odji kikendjigadeg e nta patadidj, mi kekin ke iji acidakonigo8an. Iag8amenimidizon dac kekin, kana8enimidizon ega kidji patadian.

Kagi iji 8abadaagani8idj John 18:4

Mina8adj dac kodag a8iag nigi noda8a 8ak8ig e odji anim8edj: “Kina8a, nidanicinabemag! Sagaamok ii odena, ega kidji acidagimigo8eg opatado8ini8akag igi8e iima ka iji tajike8adj, acitc ega kidji acidakonigo8eg apitc odji kodagito8adj.