Epes 5:28 - Kije Manido Odikido8in: Ocki Mazinaigan

²⁸ Midac maia pejig8an enendagozi8apan nabeg kidji inakamigizi8adj. Oda sagia8an okokomimi8an, tabickotc ka iji sagito8adj 8ina8a tibina8e o8ia8i8a. Kicpin a8iag sagiadjin okokomiman, 8in tibina8e sagiidizo.

Epes 5:28 Iomraidhean Croise

Matio 19:5

Ki ikido dac Kije Manido: ‘Ii dac odji, nabe oga naganan odadaman acitc odjodjoman, kidji 8idji8adjin okokomiman, acitc kada pejig8eiendagozi8ag e iji niji8adj.’ Genèse 2.24

Epes 5:25

Ni8idama8ag dac oo8e nabeg. Sagiik kikokomimi8a, tabickotc Jesos Christ ka kitci sagiadjin ini8e ka teb8etagodjin acitc kagi pagidenimidizodj kidji nibodj 8ina8a odji.

Epes 5:29

Ka8in a8iag tesi e madjendag 8in tibina8e o8ia8. Tiegodj, osagiton acitc omanadjiton, tabickotc Jesos ka iji manadjiadjin kakina a8ian ka teb8etagodjin.

Epes 5:31

Mazinadeni oo8e Kije Manido Omazinaiganikag: “Ii dac odji, nabe oga naganan odadaman acitc odjodjoman, kidji 8idji8adjin okokomiman, acitc kada pejig8eiendagozi8ag e iji niji8adj.” Genèse 2.24 Mi mezinadenig.

Epes 5:33

Midac pejig8an kekina8a. Panima pepejig e taci8adj nabeg oga sagia8an okokomimi8an tabickotc eji sagiidizo8adj, acitc mi pejig8an ik8e8ag, oga manadjia8an o8idigemagani8an.

1 Pien 3:7

Kina8a dac nabeg ka niba8ieg! Panima k8aiak kiga toda8a8ag kikokomimi8ag, e kikenimeg8a na8adj e ce8ine8adj apitc8in kina8a. 8abadaikog adi eji manadjieg8a. Kije Manido mega ogi ca8eniman, e minadjin pimadizi8ini, mi maia ka iji minigo8eg. Kicpin dac mino toda8eg8a kikokomimi8ag, kiga ndotago8a Kije Manido apitc aiamieieg.