Epes 4:27 - Kije Manido Odikido8in: Ocki Mazinaigan

²⁷ Ka8in odji pejig minakegon madji manido kidji gi odji cagodjiigo8eg.

Epes 4:27 Iomraidhean Croise

Jesos Odanodaganan Odijitcige8ini8an 5:3

Pien dac ogi inan: “Ananias! Adi 8edji ki pagidinadj madji manido kidji kigickag kideini? Kigi kagina8ickima Mino Manido, e kana8enimadj pagi conia apitc ka ick8a ada8ean kidaki.

Ojibiama8agani8i8ag ka teb8etamo8adj Rom odenakag 12:19

Ni8idji8aganag ka kitci sagiinagok! Kicpin a8iag madji todago8eg, ka8in kina8a tibina8e nak8ikegon. Tiegodj pagidinik Kije Manido kidji pajacte8adjin. Ojibiigadenigoban mega Kije Manido Omazinaiganikag: “Mi e ikidodj ka Tibendjigedj: Nin niga nak8ita8ag igi8e ka panaage8adj, nin niga pajacte8ag.” Deutéronome 32.35

Epes 6:11

Misa maia ako tabickotc 8eckadj cimaganic ka pisikagibanin omigazo8inni 8aianan kidji ega nigodidj, acitc ega kidji cagodjiagani8idj apitc migadinani8anig, mi panima ki ijiidizo8eg kekina8a, ega kidji nigodieg acitc kidji gi miganeg madji manido. Abadjitaokon dac kakina ini kegonan Kije Manido ka minigo8eg kidji gi odji cagodjieg madji manido apitc k8ag8e 8agackibinigo8eg kidji patadieg.

Epes 6:16

Kabe teb8etamok. Tabickotc nagaabikaigan pimi8ido8eg kina8akag kada ijinag8an. Midac ka8in kiga pajibaogosi8ag ka ickode8i8adj pik8akog apitc pimodak8anigo8eg madji manido.

Jak odojibiigan 4:7

Kije Manidokag dac iji asidizok. Nak8itaok madji manido, midac kiga ojimigo8a.

1 Pien 5:8

Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.