Epes 3:20 - Kije Manido Odikido8in: Ocki Mazinaigan

²⁰ Kije Manido kitci a8acamej okackiton kidji inakamigizidj apitc8in ka iji k8ag8ed8eiak, kek8an adi eji kacki midonendamak, e abadjitodj okitci macka8izi8in ka mikimomaganig kina8itinakag.

Epes 3:20 Iomraidhean Croise

Matio 3:9

Ka8in inendakegon: ‘Ka8in kiga tibakonigosimin, Abanaamikag (Abraham) mega kidiji kitci odadamimin.’ Ceck8at iidi kidinendana8a! Ki8idamonom kidji kijigabameg8a igi asinig. Kije Manido ogagi meckodjian ini asinin Abanaam odanike ojisan kidji gi ijinagozindjin.

John 10:10

Kimodi8inni dac, mi eta 8edji pijadj kidji kimodidj, kidji nici8edj acitc kidji pigobidasodj. Nin dac 8in, nigi pija ooma akikag a8iagog 8edjidagotc kidji pimadizi8adj, acitc kidji kitci mockineckago8adj opimadizi8ini8a.”

Ojibiama8agani8i8ag ka teb8etamo8adj Rom odenakag 16:25

Icpenimadan Kije Manido! 8in okackiton kidji sogigaba8iigo8eg kiteb8etamo8ini8akag, kiteb8etana8a mega ii min8adjimo8in ka paba tibadjimo8an, e paba mikomag Jesos Christ. Nogom ki kikendamoni8e Kije Manido ii min8adjimo8ini, odakanag ako ka kadamago8akoban.

Ojibiama8agani8i8ag ka teb8etamo8adj Rom odenakag 4:21

Maiagotc oketcinamendanagoban e aiamindjin macka8izi8ini Kije Manidon kidji todamindjin adi kagi ikidondjin.

1 Konit 2:9

Anic dac mi ka iji8ebag kagi ojibiigadenigiban Kije Manido Omazinaiganikag: “Ega 8ikad kagi 8abadamo8agobanen a8iagog, acitc ega 8ikad kagi nodage8agobanen, acitc ega 8ikad kagi pabiziskendamo8agobanen a8iagog, mi ii kakina Kije Manido kagi ojitama8agobanen ini8e ka sagiigodjin.” Ésaïe 64.3(4); 52.15

2 Konit 9:8

Kije Manido dac ka kitci kije8adizidj okackiton kidji kitci ca8enimigo8eg, e minigo8eg kakinagotc kegoni. Midac, pijicig kiga aiana8a kakina kegon ka nda8endameg kidji pimadjio8eg, acitc 8a8adj kiga tibisem kidji mineg8a kodagiag.

Epes 1:19

Ninada8endan acitc kidji kikendameg adi epitci kitci macka8izidj Kije Manido e 8idokago8ak kina8it ka teb8eta8aiak. Mi oo8e pejig8an okitci macka8izi8in

Epes 3:7

Kije Manido ka kitci kije8adizidj ogi abadjiton omacka8izi8in kidji minijidj okitci ca8endjige8in, kidji gi anokita8ag e paba tibadjimo8ag omin8adjimo8in.

Kolosi 1:29

Kidji kijito8an dac oo mikimo8in, nikitci nak8i adi epitcian, e abadjito8an kakina macka8izi8ini Jesos e minijidj, ka kitci paietenag8anig apitc mikimo8an.

1 Timote 1:14

Kitci ani8ag mane nigi minig ka Tibeniminak okitci ca8endjige8in, acitc nigi odisigonan teb8etamo8in acitc sagii8e8in, Jesos Christ ka minadjin ako ini8e 8inikag ka iji tibendagozindjin.

Ebaro 11:19

Abanaam mega ogi iji teb8etan 8a8adj kidji kackitondjin Kije Manidon kidji abidjibaandjin a8ian egi nibondjin. Acitc dac mi maia tabickotc kagi koki odisigogobanen Aisikan nibo8inikag egi odosendjin ka apitendag8anig.

Ebaro 7:25

Ii dac odji, okackiton 8edjidagotc kidji ag8acimadjin ini a8iagon ka 8idjiadjin kidji nazika8andjin Kije Manidon. Apanigotc mega pimadizi Jesos, e taji pagosenimadjin Kije Manidon kidji kidimagenimandjin ini a8iagon.

Jak odojibiigan 4:12

8in eta Kije Manido oga kackiton kidji onakonigedj acitc kidji tibakonadjin a8ian. 8in eta okackiton kidji ag8acimadjin a8iagon konima kidji nici8anadjiadjin. Kina8a dac 8in, a8enen enenimidizo8eg kidji onenimeg8a a8iagog?

2 Pien 1:11

Midac Kije Manido oga kitci min8endan kidji pidigeigo8eg ka Tibeniminak Jesos Christ ka Ag8aciminak Odogima8i8inikag, kagige ke tag8anig.

Jod odojibiigan 1:24

Icpenimadan Kije Manido, ka kackitodj kidji kana8enimigo8eg ega kidji pagicinieg, acitc ka kackitodj kidji iji8inigo8eg iima ka iji tedj okitci icpendagozi8inikag, e kitci paiekideeieg acitc e kitci modjigendameg.