Epes 3:18 - Kije Manido Odikido8in: Ocki Mazinaigan

¹⁸ Midac ke iji kackito8eg kidji nisidotameg, kigi kakina Kije Manido odanicinabeman, adi Jesos Christ epitci kitci sagiigo8ak. Kiga kikendana8a dac adi epitci micanig osagii8e8in, adi epitci magadeanig, adi epitci kin8anig, adi epitci icpanig, acitc adi epitci koda8anig.

Epes 3:18 Iomraidhean Croise

John 15:13

Aa8e ka pagidendag opimadizi8in o8idji8aganan odji, ka8in okackitosin a8acamej kidji 8abadai8edj adi epitci kitci sagiadjin.

Ojibiama8agani8i8ag ka teb8etamo8adj Rom odenakag 10:3

Ka8in mega ododji nisidotasina8a adi ka todamindjin Kije Manidon kidji k8aiak8abamandjin a8iagon, acitc ogi nanada8i todana8a kidji odji k8aiak8abamigo8adjin. Ka8in dac ododji odapinasina8a adi ka todamindjin Kije Manidon kidji k8aiak8abamandjin a8iagon.

2 Konit 13:13

8egona ca8enimigo8eg ka Tibeniminak Jesos Christ! 8egona kikendamonigo8eg Kije Manido osagii8e8in! 8egona sa Mino Manidokag iji mama8iseieg kakina ka tacieg! Nin Pon

Kalecia 2:20

Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.

Kalecia 3:13

Kije Manido dac kigi ick8aienimigonan, ka8in mega kakina kidodji nosoneam8asi8ananan Coda8inni Inakonige8inan. Jesos Christ dac kigi pi nabickagonan, 8in dac meckodj kidji ick8aienimagani8idj. Mi mega oo8e mezinadenig Kije Manido Omazinaiganikag: “Aja ki ick8aienimagani8i aa8e kagi agonagani8idj mitigokag.” Deutéronome 21.23 Kigi ag8acimigonan dac, iidi egi todag.

Epes 1:10

Apitc dac odjitcisenig, oga todan kakina kagi iji onendamogobanen, kakina kegonan ka kijendagin 8ak8ig acitc akikag e mama8atodjin, Jesos Christan kidji iji ogimakadamindjin.

Epes 1:15

Mi 8edji mig8etc inag Kije Manido kina8a odji. Nigi nodan mega adi inigik kiabadj eji teb8eta8eg Jesos ka Tibendjigedj. Nigi nodan acitc adi inigik eji sagieg8a kakina Kije Manido odanicinabeman.

Epes 3:19

Epitci kitci micanig osagii8e8in, ka8in 8ikad a8iag oga kackitosin kidji cabo nisidotag. Nidaiamie dac na8adj eckam kidji ani kikendameg osagii8e8in, midac Kije Manido kidji gi odji minigo8eg maia 8in ka ijinagozidj kidji ani ijinagozieg.

Kolosi 1:4

Nigi nodagemin mega adi epitci teb8eta8eg Jesos Christ acitc adi epitci sagieg8a kakina Kije Manido odanicinabeman.

1 Timote 3:16

Ka8in a8iag ogagi ana8endasin ii ka kitci apitendag8anig teb8e8ini ka iji teb8etamak, ega kagi kikendjigadenigiban pinici Kije Manido kidji gi ani kikendamonigo8ak! Ki pi anicinabe8iidizo. Mino Manidon ki 8abadai8e8an e k8aiakozidj. Ajenin ogi 8abamigon. Ki mikomagani8i a8iagokag taji ega ka iji kikenimandjin Kije Manidon. Mizi8ekamig mane a8iagon ogi teb8etagon. 8ak8ig ki icpika.

Kagi iji 8abadaagani8idj John 3:21

Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.