Epes 2:4 - Kije Manido Odikido8in: Ocki Mazinaigan

⁴ Anic dac kikitci kidimagenimigonan Kije Manido acitc kikitci sagiigonan.

Epes 2:4 Iomraidhean Croise

Min8adjimo8ini kagi ojibiag kitcit8a Lok 1:78

Kikije Manidominan mega kitci minodee acitc kitci kije8adizi. Kina8it odji Kije Manido 8edji ki pidjinijaag 8asea8ini 8ak8ig ka odjimaganig, tabickotc ako ka mokaag kizis ka ijinag8anig,

Ojibiama8agani8i8ag ka teb8etamo8adj Rom odenakag 10:12

Ka8in dac pakan apitendagozisi8ag Coda8innig acitc ega ka Coda8inni8i8adj. Ka Tibendjigedj mega kakina ini otibeniman, acitc okitci ca8eniman kakina a8ian ka pagosenimigodjin kidji 8idoka8adjin.

Ojibiama8agani8i8ag ka teb8etamo8adj Rom odenakag 2:4

Kitci kije8adizi Kije Manido acitc cacibendagozi acitc ka8in teci8ag pajacteo8esi. Mi na dac 8edji manenimadj iidi e inadizidj? Kikikenimadok iidi eji kije8adizidj kidji gi odji an8endizo8an.

Ojibiama8agani8i8ag ka teb8etamo8adj Rom odenakag 5:8

Jesos Christ dac 8in ki pagidenimidizo kidji nibodj kina8it odji, meg8adj kiabadj e nta patadiakoban. Midac iidi Kije Manido e iji 8abadainak adi epitci sagiinak.

Ojibiama8agani8i8ag ka teb8etamo8adj Rom odenakag 9:23

Kije Manido acitc ogi iji nda8endanagoban kidji 8abadai8edj okitci icpendagozi8in, kagi minigo8ak kina8it e kidimagenimigo8ak, kagi nigani onabamigo8ak kidji odisigo8ak odicpendagozi8in.

Epes 1:7

Kije Manido kigi ag8acimigonan egi pagidenimidizondjin Og8izisan kidji nibondjin kina8it odji. Kigi kasiamagonan kipatado8ininanan. Midac iidi ka iji 8abadaigo8ak adi epitci kitci kije8adizidj,

Epes 2:7

Mi ka todag Kije Manido kagige kidji 8abadaadjin kakina a8ian adi epitci kitci kije8adizidj. Ki8abadaigonan adi epitci kitci sagiigo8ak, egi pidjinija8adjin Jesos Christan.

Epes 3:8

Kakina kodagian Kije Manido odanicinabeman na8adj 8ina8a apitendagozi8an apitc8in nin. Anic dac Kije Manido ka kitci kije8adizidj nigi kitci ca8enimig egi onabamijidj kidji paba tibadjimotaomagin ega ka Coda8inni8indjin omin8adjimo8in. Jesos Christ kagi pi ijitcigedj kina8it odji, epitci kitci apitendag8anig dac ii, ka8in 8ikad kakina kiga kackitosinanan kidji cabo nisidotamak okije8adizi8in.

2 Tesalonika 2:13

Nidjiki8enanag, ka Tibendjigedj ka kitci sagiigo8eg! Nidinendagozimin mig8etc kidji inagidj Kije Manido apanigotc kina8a odji. Ockadokigotc mega ka kijendjigadenig akini, Kije Manido kigi onabamigo8a kidji ag8acimigo8eg. Kigi ag8acimigo8a dac apitc Mino Manido kagi minigo8eg 8inikag kidji iji tibendagozieg, acitc apitc kagi ani teb8etameg teb8e8in.

1 Timote 1:14

Kitci ani8ag mane nigi minig ka Tibeniminak okitci ca8endjige8in, acitc nigi odisigonan teb8etamo8in acitc sagii8e8in, Jesos Christ ka minadjin ako ini8e 8inikag ka iji tibendagozindjin.

2 Timote 1:9

Kije Manido kigi ag8acimigonan acitc kigi nd8e8emigonan 8inikag kidji iji tibendagoziak. Ka8in sa egi mino inakamigiziak 8edji ki ag8aciminak, tiegodj sa mi ka iji onendag, acitc mi ka iji ca8eniminak, 8in ka kitci kije8adizidj. Ab8amaci kijendjigadenig akini, aja kijadj kigi minigonan Kije Manido oca8endjige8in, kina8it Jesos Christikag ka iji tibendagoziak.

1 Pien 1:3

Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,