Epes 2:2 - Kije Manido Odikido8in: Ocki Mazinaigan

² Ii dac apitc kimadji inadizina8agoban ako, apitc kagi nosone8eg8a a8iagog ega ka teb8eta8a8adjin Kije Manidon, acitc kagi nosone8eg kitci madji manido, 8in eji kackitogobanen kidji ogima8idj kakina madji manidokag. 8in mega madji manido ka mikimadjin a8iagon kidji ana8eta8agani8indjin Kije Manidon.

Epes 2:2 Iomraidhean Croise

Matio 11:19

Nin dac, Ka pi Anicinabe8iidizodj, apitc ka tag8icinian kidji pi nda kagik8eian, ka8in nidodji mana 8isinisi acitc ka8in nidodji mana minik8esi. Midac kiabadj ka iji ikidonani8ag: ‘Kana8abamik aa nabe! Mi eta kidji 8isinidj acitc kidji minik8edj cominaboni eji mika8idj. Omino 8idji8an ini8e ka ma8adjiandjin conian kitci ogiman odji, acitc ini8e ka madji inadizindjin,’ ikidonani8an. Eji pimadizi8adj dac a8iagog, mi 8edji nagozi8adj ka apitci odisigo8ag8en Kije Manidon okagita8endamo8ini.”

Matio 13:22

Nandam dac kodagiag a8iagog, mi maia tabickotc anominag ka iji minesatigo8anig akini kagi inagodjino8agobanen ejinagozi8adj. Onodana8a Kije Manidon omin8adjimo8ini. Pekic dac odanimendamiigona8an kegonan ka nda8endamo8adjin kidji pimadjio8adj, acitc omotci nda8endana8a kidji 8anadizi8adj, ega e kikendamo8adj ega odji pejig e apitendag8anig. Kib8anamockigade dac ii min8adjimo8in, ka8in dac odji pejig abadasini opimadizi8ini8akag.

Matio 13:38

Kitigan aki dac, mi maia tabickotc a8iagog ooma akig ijinag8an. Ka minozi8adj dac anominag, mi maia tabickotc igi a8iagog Kije Manidon Odogima8i8inikag ka iji tibendagozi8adj ejinagozi8adj. Madji mijackon dac 8in, mi maia tabickotc igi8e ka tibenimigo8adjin madji manidon ejinag8agin.

Min8adjimo8ini kagi ojibiag kitcit8a Mak 4:19

Pekic dac odanimendamiigona8an kegonan ka nda8endamo8adjin kidji pimadjio8adj, acitc omotci nda8endana8a kidji 8anadizi8adj, ega e kikendamo8adj ega odji pejig e apitendag8anig, acitc kodag mosa8endamo8ini ododisigona8a. Kib8anamockigade dac ii min8adjimo8in, ka8in dac odji pejig abadasini opimadizi8ini8akag.

Min8adjimo8ini kagi ojibiag kitcit8a Lok 16:8

“Kegapitc dac aa anodagan ka 8agackizidj okackaman ogi kitci inadjimigon, ka apitci naidj kidji minobidodj aja e kitci madjisepan. A8iagog mega ega ka manadjia8adjin Kije Manidon, na8adj kitci nai8ag e 8idokodadi8adj apitc8in igi8e ka manadjia8adjin Kije Manidon.”

Min8adjimo8ini kagi ojibiag kitcit8a Lok 22:31

“Simo, ndotan! Madji manido ki k8ag8ed8e kidji gi kitci mimigobaniigo8eg, tabickotc ako ka kitci mimigobaniagani8i8adj anominag kidji nenicikebaniagani8i8adj anominatigokag.

John 12:31

Aja odjitcise kidji tibakonagani8i8adj a8iagog ooma akig. Nogom kada madjinija8agani8i kitci madji manido, 8in ka kackakanadjin a8iagon ooma akig ega e teb8etaojindjin.

John 13:2

Jesos acitc okikinoamaganan nibek8ebanig. Aja kitci madji manidon ogi minigogoban Judas, Simo Iskaniot (Iscariote) og8izisan, kidji mamijimadjin Jesosan.

John 13:27

Apitc Judas kagi minagani8igobanen pak8ejiganan, teci8ag madji manidon ogi pidigeckagon. Jesos dac ogi inan Judasan: “8ibadj ijitan enendagozian kidji todaman.”

John 14:30

Ka8in aja kin8ej kiga aiamiisinonom. Madji manido mega, 8in ka kackakanadjin a8iagon ooma akig ega ka teb8etaojindjin, aja kada tag8icin. Ka8in 8in okackitosin kidji tibenimijidj,

John 15:19

Kicpin kekina8a ana8enimegoban Kije Manido, igi8e a8iagog kidagi sagiigo8ag, tabickotc 8ina8a ka iji sagiidi8adj kakina pepejig e taci8adj. Kina8a dac, ka8in kidacidagimigosim igi8e ka ana8enima8adjin Kije Manidon. Kigi onabaminom mega ega kidji iji tibendagozieg 8ina8akag. Midac ii 8edji madjenimigo8eg igi8e.”

John 16:11

Oga inan kidji tibakonagani8indjin Kije Manidon, madji manido mega aja ki tibakonagani8i, 8in ka kackakanadjin a8iagon ooma akig ega e teb8etaojindjin.”

John 7:7

Kina8a ka8in kimadjenimigosi8ag a8iagog ka ana8enima8adjin Kije Manidon, ka8in mega kegoni tag8asini ke odji madjenimigo8egoban. Nin dac nimadjenimigog, ni8idama8ag mega e madji ijitcige8adj.

John 8:23

Jesos dac ogi nak8e8ajian: “Ooma akikag kidodjim, nin dac 8ak8ig nidodose. Ooma akikag kidiji tibendagozim, ka8in dac nin ooma nidiji tibendagozisi.

John 8:44

Madji manido 8aa kidadami8a, acitc ki8i todana8a adi eji nda8endag 8in kidadami8a. Kabe ki nici8e8inni8i, ka ako tag8anig akini. Ka8in 8ikad odji teb8esi, ka8in mega tag8asini teb8e8ini 8inikag. Apitc ako kagina8ickidj, apanigotc ka pi ijitcigedj mi eta ijitcige. Kabe mega kagina8icki acitc mi ini odadami8an kakina ka kagina8icki8adj.

Jesos Odanodaganan Odijitcige8ini8an 19:35

Midac aa8e odena ogima ogi kackian kidji pekadizindjin. Ki ikido: “Ndotamok! Kakina a8iagog okikendana8a ooma Epes odenag eji tag8anig ka kitci apitendagozidj Artemis odaiamiemigi8am, acitc okikendana8a ooma e tendjin odasiniman, 8ak8ig kagi odji pagicinindjin.

Jesos Odanodaganan Odijitcige8ini8an 5:3

Pien dac ogi inan: “Ananias! Adi 8edji ki pagidinadj madji manido kidji kigickag kideini? Kigi kagina8ickima Mino Manido, e kana8enimadj pagi conia apitc ka ick8a ada8ean kidaki.

Ojibiama8agani8i8ag ka teb8etamo8adj Rom odenakag 12:2

Ka8in kagikina8abamakegonig igi8e ega ka teb8eta8a8adjin. Tiegodj, pagidinik Kije Manido kidji adjitodj adi enendameg, kidji adjitodj dac adi enadizieg. Midac kiga kikendana8a adi eji nda8endag acitc mi iidi ke todameg. Min8acini dac adi eji nda8endag, acitc mizi8e k8aiak8endag8ani, acitc dac okitci min8endan apitc a8ian iidi e todamindjin.

1 Konit 5:10

Ka8in nimikomasi8abanig a8iagog ega ka teb8eta8a8adjin Jesosan, madji aido8ini ka pabamendamo8adj, ka mosa8endamo8adj o8idjipimadiziman odaimini, ka kimodi8adj, acitc dac manidokanan ka icpenima8adjin. Inigikigotc ke tajikeieg ooma akikag, kiga 8idji tajikema8ag igi a8iagog.

1 Konit 6:11

8eckadj ako, nandam ii e tacieg mi iidi eji panaageiegoban. Nogom dac aja kigi kasiamagom kipatado8ini8a kidji gi paiekideeieg, kigi minigom Kije Manidokag kidji iji tibendagozieg, acitc kigi ijiigom kidji k8aiak8abamigo8eg Kije Manido. Jesos mega ki nibo kipatado8ini8a odji, acitc Mino Manido kigi minigo8a kidji ani teb8etameg.

2 Konit 4:4

Ka8in teb8etasi8ag, osa mega madji manido, ka ogima8idj nogom ooma 8akidakamig, ogi nagabidama8an ini8e ega ka teb8etamindjin omidonendjigani, kidji gi ega nisidotamindjin. Onaganama8an kidji 8abadamindjin 8asea8ini, min8adjimo8inikag ka odjimaganig, ka odji kikendamonigo8ak Jesos Christ odicpendagozi8in. Tabickotc pejig8an ka ijinagozidj Kije Manido, mi maia ejinagozidj Jesos Christ.

Kalecia 1:4

Jesos ki pagidenimidizo kidji nibodj, adi kagi iji nda8endamindjin Kije Manidon Kidadaminan, kidji gi odji kasiamago8ak kipatado8ininanan, ega dac mina8adj madji inadizi8in kidji tibenimigo8ak, tabickotc ka iji8ebizi8adj igi8e ega ka teb8etamo8adj ooma akikag.

Epes 1:21

Midac Jesos kitci ogima8i acitc na8adj kitci apitendagozi apitc8in kakinagotc manidog, ka ogima8i8adj, ka kacka8i8adj, ka macka8izi8adj acitc ka tibenimi8e8adj. Apanigotc na8adj apitendagozi Jesos apitc8in kakinagotc ogimag, igi8e nogom ka te8adj ooma akig kek8an igi8e ke pi te8adj anapitcigotc.

Epes 2:11

Mamidonendadan dac oo. Apitc ka nta8igieg, ka8in Kicoda8inni8isina8aban. Ka Coda8inni8i8adj dac kigi papiigo8ag, e igo8eg: “Nina8it Kije Manidokag nidiji tibendagozimin. Kina8a dac, ka8in pabajine kikikenimasi8a Kije Manido. Ka8in mega 8a8adj kidodji pak8ejogosim.” Mi e ikido8adj ako. Pekic dac, apitc pak8ej8agani8idj a8iag, o8ia8 eta madijigadeni, acitc a8iagon eta ii ka todagodjin.

Epes 2:13

8eckadj ako kina8abama8agoban Kije Manido. Nogom dac Jesos Christikag e iji mama8iseieg, kipec8abama8a Kije Manido, egi pagidenimidizodj Jesos Christ kidji nibodj kina8a odji.

Epes 2:3

Kakina kina8it, tabickotc 8ina8a kigi inadizimin ab8amaci ka teb8eta8aiak Kije Manido. Mojag ako kitodananaban adigotc kina8it tibina8e eji madji mosa8endamakoban kidji todamak, e motci mamidonendamak kidji min8endamiidizo8ak. Mi maia tabickotc 8ina8a ega ka teb8eta8a8adjin Kije Manidon ka inadiziakoban, tabickotc dac 8ina8a kigi odji kackitamadizonanaban kidji pajacteogo8ak Kije Manido.

Epes 4:17

Oo8e dac nidikidonan, e kitci sogi pagoseniminagok kidji todameg ka iji nda8endag ka Tibendjigedj. Ka8in 8ikad mina8adj inadizikegon tabickotc igi8e ega ka teb8eta8a8adjin Kije Manidon. Ka8in pabajine abadasini8an odinendamo8ini8an.

Epes 4:22

Kigi kikinoamagom dac ega kidji inadizieg 8eckadj kagi pi inadiziegoban. Iidi mega ka inakamigiziegoban kidani nici8anadjiidizona8aban, e 8agackibinigo8eg ka iji madji mosa8endamegoban. Midac poni inakamigiziok iidi.

Epes 5:6

Kije Manido mega oga pajacte8an a8iagon ega ka ndotagodjin, ka inakamigizindjin iidi. Ka8in dac pagidinakegon a8iag kidji 8agackibinigo8eg, e kagina8ickimigo8eg e ikidodj: “Ka8in manadasinon iidi kidji inakamigizinani8ag.”

Epes 5:8

8eckadj ako, ka iji kacki tibikag kitidena8aban. Nogom dac aja ka iji 8aseag kitidem, osa megada 8inikag ka Tibendjigedj kidiji mama8isem. Midac 8e8enda inakamigiziok, adi enendagozi8adj kidji inakamigizi8adj kakina igi8e ka manadjia8adjin Kije Manidon, ka iji 8aseanig ka te8adj.

Epes 6:12

Ka8in mega a8iagog ka taji miganaiakonig. Tiegodj, kimigananag kakina madji manidog, e madji ogima8i8adj acitc e kacka8i8adj acitc e macka8izi8adj ooma akig ka iji kacki tibikanig.

Kolosi 1:21

8eckadj ako kina8abama8aban Kije Manido. Kimadjenima8aban, osa mega kikitci mamidonendana8aban adi ke iji madji inakamigiziegoban, acitc kigi kitci madji ijitcigena8aban.

2 Timote 4:10

Demas nigi naganig, osagitonan mega kegonan ooma 8akidakamig. Tesalonika (Thessalonique) odenag ki iji madja. Kanesen (Crescens) dac 8in Kalecia (Galatie) akig ki ija, acitc Tite Dalmatie akig ki ija.

Jak odojibiigan 1:27

8adan dac oo aiamie8in ka teb8emagag acitc ka min8endamiigodj Kije Manido Kidadaminan, kidji mikimaiakonig ki8acijanag acitc ka pejigo8adj ik8e8ag adi eji kodagito8adj, acitc kidji iag8amendamakonin kakina kegonan ka manadagin ooma akikag ega kidji pitci patadiak.

Jak odojibiigan 1:7

Ka8in dac oda inendasin aa a8iag kidji minigodjin kegoni ka Tibendjigendjin.

Jak odojibiigan 4:4

Ka8in maia kiteb8eta8asi8a8a Kije Manido! Anapitc ke nisidotameg? Kicpin a8iag sagitodjin kegonan ooma 8akidakamig, omadjeniman Kije Manidon. A8iag dac ka onendag kidji mino 8idji8adjin ini8e ega ka sagiandjin Kije Manidon, mi aja ke8in omadjeniman Kije Manidon.

1 Pien 1:14

8eckadj ako, ka8in kikikenimasi8a8aban Kije Manido, anodj kidinakamigizina8aban adi eji madji mosa8endamegoban. Nogom dac, e 8i ndota8eg Kije Manido Kidadaminan, ka8in iidi todakegon.

1 Pien 4:3

Aja mega tibise kin8ej kigi pi iji pimadizim tabickotc igi8e ega ka teb8eta8a8adjin Kije Manidon. Kimadjadizina8aban, kimadji mosa8endana8aban, kinita ki8ack8ebina8aban, kima8asag8inona8aban kidji minik8eieg, acitc kidaiagadakamigizina8aban. Kidicpenima8abanig manidokanag, mi ii8e ma8adji ka kitci cigendag8ag kegon e todjigadeg ako.

2 Pien 2:14

Ik8e8an eta omik8enima8an, madji aido8ini e 8i pamendamo8adj. Ka8in 8ikad tibisesi8ag e patadi8adj. O8agackibina8an ini8e ega ka macka8izindjin oteb8etamo8inikag, acitc opatadia8an. Pijicig omosa8endana8an kodag a8ian odaimini. Aja Kije Manido ogi onendan kidji pajacte8adjin.

1 John 3:10

Mi oo8e e odji kikendamak a8enen Kije Manidon ka tibenimigodjin acitc a8enen madji manidon ka tibenimigodjin. Aa a8iag ega k8aiak8adizidj kek8an ega sagiadjin o8idjiki8en, ka8in 8in ini Kije Manido odabinodjijiman.

1 John 3:8

Aa dac a8iag ka nta patadidj, madji manidon otibenimigon. Madji manido mega teci8ag ki patadi apitc ka kijendjigadenig akini. Jesos dac, Kije Manido Og8izisan, mi 8edji ki pi tag8icig ooma akikag, kidji pigobidodjin kakina madji manidon omikimo8ini.

1 John 4:4

Nidabinodjijimag ka kitci ineniminagok! Kije Manidokag kidiji tibendagozim. Ka8in dac kidodji teb8eta8asi8a8ag igi8e ka kagina8icki8adj a8iagog. Kije Manido mega ka kigickago8eg na8adj macka8izi apitc8in madji manido ka kigickago8adjin igi8e ega e teb8eta8a8adjin Kije Manidon.

1 John 5:19

Kikikendananan Kije Manidokag e iji tibendagoziak. 8ina8a dac ega ka teb8eta8a8adjin Kije Manidon, madji manidon otibenimigo8an.

1 John 5:4

Kakina mega Kije Manido odabinodjijiman okackitona8a kidji cagodjito8adjin patado8inan ooma akikag. E teb8eta8aiak Jesos, mi 8edji kacki cagodjito8akonin patado8inan.

Kagi iji 8abadaagani8idj John 12:9

Ki sagidji8ebinagani8i dac aa kitci kikadanak. Mi aa 8eckadj kinebig, kitci madji manido kek8an Satan ka ijinikanagani8idj. Apanigotc o8agackibinan kakina a8iagon akikag ka tendjin. Akikag ki iji8ebinagani8i kigi odajeniman.

Kagi iji 8abadaagani8idj John 13:14

Ogi 8agackibinan dac a8iagon akikag ka tajikendjin, egi minagani8idj kidji gi mamada8izidj meg8adj e taji kana8abamigodjin nitam madji a8esizan. Ogi inan a8iagon: “Ojiik manidokan kidji gi manadjieg aa a8esiz kagi mij8aganiagani8idj kitci mokomani e abadanig acitc misa8adj kagi pimadizidj. Ojiik manidokan 8in ka ijinagozidj kidji ijinagozindjin.”

Kagi iji 8abadaagani8idj John 13:8

Kakina dac a8iagog akikag ka tajike8adj oga icpenima8an. Mi eta igi8e kagi ojibiigadenigiban o8izoni8an mazinaiganikag taji ka iji mazinazo8adj igi8e a8iagog ke aiamo8adj kagige pimadizi8ini ka8in oga icpenimasi8a8an. Aja mazinazobanig ab8amaci kijendjigadenigobanen akini. 8in ii omazinaigan aa Mantcenices kagi nisagani8igobanen.

Kagi iji 8abadaagani8idj John 16:17

Midac kodag ajeni ogi a8i siginan odonagan, mi aja nij8atcin ajenig egi siginamo8adjin. Anodj ka iji nodinig ogi iji sig8ebinan. A8iag kitci ogima8i tesabi8aganikag, kitci aiamiemigi8amikag ka iji tag8ag, ki odji kiji8e e ikidodj oo8e: “Mi aja ki kijitcigade!”

Kagi iji 8abadaagani8idj John 20:2

Ogi a8i na8adjibinan ini kitci kikadanak8an. Mi aa 8eckadj kinebig, “kitci madji manido” kek8an “Satan” ka ijinikanagani8ipan. Ajeni dac aa ogi na8adjibinan acitc ogi kinapinan. Pejig kitci midasomidana8e (1000) pibon kada inapizo.