Ebaro 9:7 - Kije Manido Odikido8in: Ocki Mazinaigan

⁷ Kodag dac ii8e ka iji pakeiganig, mi eta aiamie ogima ma8adji ka niganizidj pidigeban iima, abidinaj dac eta e pejigopibonaganig. Tasin dac e pidigepan, odiji8idonaban ako a8esizi misk8ini, acitc opagidinigetama8abanin ii misk8ini Kije Manidon kitcit8a mitigo8ajikag, kidji gi odji kasiigadenigin 8in opatado8inan, acitc dac kodagian a8iagon opatado8ini8an, kagi iji patadinigobanen ega e kikendamindjin.

Ebaro 9:7 Iomraidhean Croise

Epes 4:18

Ka8in onisidotasina8a teb8e8ini. Epitci cibictig8ane8adj, ka8in o8i kikendasina8a Kije Manidon omikanani. Ka8in dac okackitosina8a kidji aiamo8adj ocki pimadizi8ini Kije Manidon ka 8i minigo8adjin.

Ebaro 10:3

Ka8in dac iidi ijisesinon. Tiegodj, taso pibon pagidinige8ag acitc ododji mamidonendana8an opatado8ini8an.

Ebaro 6:19

Mi maia tabickotc kinabadjigan ka kitci sogi kinabadeg kitci tciman ejinag8ag ii apenimo8in kidjitcagocinakag. Kikitci sogi midjiminigonan kidji gi sogigaba8iak, acitc oditamomagan 8edi 8ak8ig taji e tedj Kije Manido, taji ma8adji ka iji kitcit8a8anig.

Ebaro 7:27

Ka8in pejig8an ijinagozisi Jesos ka ijinagozi8adj kodagiag aiamie ogimag ka niganizi8adj. Ka8in mega mamakadj taso kajik pagidinigesi kidji gi odji kasiama8agani8idj ka iji patadidj, acitc kidji gi odji kasiama8agani8indjin kodagian a8iagon ka iji patadindjin. 8in dac, abidinaj eta ki odji pagidinige, apitc kagi pagidenimidizodj kidji nibodj, kagige kidji mikimomaganig opagidinige8in.

Ebaro 9:3

Agodeban kibigaigan iima pidigamig nibaganikag, acitc k8ekinekena kibigaiganikag tag8anoban kodag e iji pakeigag. “Ma8adji ka iji kitcit8a8endag8ag” dac ijinikadjigadeban ii8e kodag ka iji pakeigag.