Ebaro 8:9 - Kije Manido Odikido8in: Ocki Mazinaigan

⁹ Ka8in tabickotc kada ijinag8asinon nitam ka ijinag8agiban nakomo8in kagi ojitama8ag8abanig 8eckadj okitci anicinabemi8abanin apitc ka 8idoka8ag8a kidji nagadamo8adj Idjip (Égypte) akini. Ogi pigobidona8a ii nakomo8ini. Midac ii odji 8edji ki k8ekigaba8ita8ag8a.

Ebaro 8:9 Iomraidhean Croise

Min8adjimo8ini kagi ojibiag kitcit8a Mak 8:23

Jesos dac ogi sagindjinan ini a8ian acitc ogi madji8inan ag8adjik odenajicikag. Ogi aton dac osiko8in ini naben ockijigokag. Ogi saminan acitc ogi k8ag8edjiman: “Kegon na ki8abadan?”

Jesos Odanodaganan Odijitcige8ini8an 13:11

Aja dac Kije Manido oga todan ega kidji 8abian. Ka8in dac 8a8adj kiga kackitosin kidji 8abamadj kizis e tcakasigedj, pinici kidji pagidinik Kije Manido kidji gi koki 8abi8adj kiabadj.” Teci8ag dac Elimas ka8in odji 8abisi, midac tabickotc apan ka iji kacki tibikanig ka tedj ki ijinagozi. Ki k8ek8ekigaba8i e paba nanada 8abamadjin a8ian kidji sagindjinigodjin.

Jesos Odanodaganan Odijitcige8ini8an 7:36

Mi 8aa Mois ka mamada8izidj acitc ka kitci mamakadendag8anigin kegonan ka todag kidji gi sagidji8inadjin Israel a8iagon Idjip akikag. E mamada8izidj, ogi 8idjian kidji ajo8agamendjin kitcigamini, ‘Misko kitcigami’ ka ijinikadenig, acitc kidji pimadjiondjin pig8adakamig nimidana (40) pibon inigik.

Jesos Odanodaganan Odijitcige8ini8an 9:8

Saul ki koki pazig8i. Ki pakada8abi, ka8in dac odji 8abisi. Panima dac o8idji8aganan ogi sagindjinigon. Midac ka iji iji8inigodjin 8edi Damas.

Kalecia 4:24

Mi oo eji kikinoamago8ak oo tibadjimo8in. Tabickotc ini nijin nakomo8inan kagi ojitogobanen Kije Manido ijinagozi8ag igi nijin ik8e8ag. Aa ik8e Aga ogi nta8igian abinodjijan ka tibenimagani8indjin. Ii8eni dac nakomo8ini ka ojitogobanen Kije Manido 8edi Sinai kitci pik8adinakag ijinagozi aa Aga.