Ebaro 7:14 - Kije Manido Odikido8in: Ocki Mazinaigan

¹⁴ Kakinagotc a8iag okikendan Codakag e odaiagizidj ka Tibeniminak. Ka8in dac Mois ododji mikomasi8an Inakonige8inikag ini8eni8an Codakag ka odaiagizindjin apitc ka mikomadjin a8enen kegi aiamie ogima8indjin.

Ebaro 7:14 Iomraidhean Croise

Matio 2:6

‘Kin Betleem, misa8adj e kitci agacinojag kidodenam, Coda akikag ka iji tag8ag, kin ma8adji kitci apitendag8an kidodenam kakina ka inigok8ag Coda aki. Kidakikag mega kada odji nta8igi pejig Ogima kakina Israel a8iagon kidji nosoneogodjin,’ Michée 5.1(2) mi ejibiigadeg,” ki ikido8ag.

Min8adjimo8ini kagi ojibiag kitcit8a Lok 1:43

Ka Tibenimijidj odjodjoman nipi odisig. Nikitci mina8azinan dac!

Min8adjimo8ini kagi ojibiag kitcit8a Lok 3:33

Aminadab ini og8izisibanin Naassonan. Admin ini og8izisibanin Aminadaban. Arni ini og8izisibanin Adminan. Esrom ini og8izisibanin Arnin. Peres (Pharès) ini og8izisibanin Esroman. Coda (Juda) ini og8izisibanin Peresan.

John 20:13

Ini ajenin ogi k8ag8edjimigon: “Ik8e! 8egonen 8edji ma8ian?” Ogi nak8e8ajian: “Ki madji8idjigadeni ka Tibenimijidj o8ia8, acitc ka8in nikikendasin adi ka iji atcigadenig.”

John 20:28

Tomas dac ogi nak8e8ajian: “Ka Tibenimijidj acitc Nikije Manidom!”

Ojibiama8agani8i8ag ka teb8etamo8adj Rom odenakag 1:3

Kije Manido Og8izisan mikomagani8i8an iima min8adjimo8inikag, Jesos Christ ka Tibeniminak. Apitc ka pi anicinabe8iidizodj, ogima Davidikag ki pi odaiagizi.

Ojibiama8agani8i8ag ka teb8etamo8adj Rom odenakag 2:3

Kin dac pejig8an kitaji inakamigizinan ka iji onenimad8a kodagiag a8iagog egi panaage8adj. “Ka8in niga tibakonigosi Kije Manido” kidinendan na?

Epes 1:3

Icpenimadan Kije Manido, 8in Jesos Christ ka Tibeniminak Odadaman. Kigi ca8enimigonan mega, e minigo8ak kakinagotc kegoni 8ak8ig ka odjimaganigin ka iji nda8endamakonin kidji gi anokita8aiak, egi iji mama8iseiak Jesos Christikag.

Pilip 3:8

Ka8in eta ini kegonan ka pi mikodamanin ega pabajine ka apitendamanin nogom, acitc kakinagotc ini kegonan ke kacki todamanin, ega pabajine ka abadagin nidapitendanan. Nogom mega ninisidotan na8adj e kitci apitendag8ag kidji kikenimag Jesos Christ, 8in ka Tibenimijidj. Aja e kikenimag, ceck8at nidinendan ka todamaban kidji k8ag8e k8aiak8abamijidj Kije Manido. Kakina nigi 8ebinanan ini8e kegonan ijinag8an, eckam kidji gi ani kikenimag Jesos Christ,

Ebaro 7:13

Nimikomanan ka Tibeniminak Jesos apitc mikomagidj ocki aiamie ogima ka pakanizidj. Ka8in 8in Lepikag odaiagizisi, acitc ka8in 8ikad pejig otcina8emaganan odji aiamie ogima8isi8an kidji anokita8andjin Kije Manidon kitcit8a 8isini8aganikag.

Ebaro 7:15

Aja na8adj kinisidotananan ii, apitc ako mik8enimaiak Jesos. Mi mega aa ocki aiamie ogima kagi tag8icig, tabickotc Mekisedek ka ijinagozidj.

Kagi iji 8abadaagani8idj John 22:16

“Nin Jesos kagi pidjinija8ag nidajenim, kidji pi nda 8idamago8eg ono8e tibadjimo8inan kina8a ka teb8eta8eg Kije Manido, ka ma8adjiidieg kidji aiamieieg. Nin aa Davidikag ka pi odaiagizidj, nin ka piijiegoban. Nin kijeba 8anagoc ka kitci tcakizodj,” ki ikido Jesos.

Kagi iji 8abadaagani8idj John 5:5

Pejig aa kitci anicinabe nigi inig: “Ka8in ma8iken. Inabin, mi aa8e ‘Micibiji ka ogimakada8adjin Coda (Juda) ka inakanezindjin a8iagon’ kagi ijinikanagani8igobanen. Mi aa kitci ogima David odanike ojisan. 8in kakina kegoni ogi cagodjiton. Ogagi manibidonan dac ini nij8atcin pazag8aiganan acitc ogagi abisk8anenan ii ka tidibanakosinig mazinaigani.”