Ebaro 5:6 - Kije Manido Odikido8in: Ocki Mazinaigan

⁶ Mina8adj dac Kije Manido ki ikido: “Apanigotc kiga aiamie ogima8inan. Tabickotc Mekisedek (Melkisédec), 8eckadj kagi iji aiamie ogima8idj, kidijinagozinan.” Psaume 110.4

Ebaro 5:6 Iomraidhean Croise

Ebaro 5:10

Kije Manidon mega ogi onabamigobanin kidji aiamie ogima8idj ma8adji ka niganizidj, tabickotc Mekisedek 8eckadj kagi iji aiamie ogima8igobanen ma8adji ka niganizidj.

Ebaro 6:20

Kina8it odji, aja Jesos ki pidige iima 8ak8ig ab8amaci kina8it. Ki ani aiamie ogima8i ma8adji ka niganizidj apanigotc. Mi maia tabickotc Mekisedek (Melkisédec) ejinagozidj, 8in kagi aiamie ogima8ipan ma8adji ka niganizipan kitci 8eckadj.

Ebaro 7:11

Inakonige8inikag kagi minagani8i8adj Israel a8iagog, mazinadeban panima Lepikag kidji odaiagizi8adj aiamie ogimag. Kicpin dac tibise ki min8acinigiban omikimo8ini8a igi aiamie ogimag kidji gi paiekideea8adjin a8iagon, ka8in mamakadj kadagi tag8icisiban kodag e pakanizidj aiamie ogima, ega Lepikag kidji gi odaiagizipan. Ka8in dac tabickotc Eran (Aaron), Lepikag ka odaiagizipan acitc nitam kagi aiamie ogima8ipan, ijinagozisi 8aa ka pakanizidj aiamie ogima. Tiegodj, Kije Manidon kagi onabamigodjin, tabickotc kagi onabamapanin Mekisedekan.

Ebaro 7:15

Aja na8adj kinisidotananan ii, apitc ako mik8enimaiak Jesos. Mi mega aa ocki aiamie ogima kagi tag8icig, tabickotc Mekisedek ka ijinagozidj.

Ebaro 7:17

Mazinadeni mega Kije Manido Omazinaiganikag: “Apanigotc kiga aiamie ogima8inan. Tabickotc Mekisedek (Melkisédec), 8eckadj kagi iji aiamie ogima8idj, kidijinagozinan.” Psaume 110.4

Ebaro 7:21

Apitc dac Jesos ka ani aiamie ogima8idj, Kije Manido ogi inan: “Nin, ka Tibendjigedj, ketcinam niteb8e, acitc ka8in niga adjitosin adi ka iji onendaman, apanigotc kiga aiamie ogima8inan!” Psaume 110.4

Ebaro 7:3

Ka8in kikenimagani8isi adi eji odadamipan Mekisedek, acitc adi eji odjodjomipan, acitc adi eji kitci odanicinabemipan. Ka8in kikenimagani8isi anapitc ka nta8igidj kek8an anapitc ka nibodj. Mi maia tabickotc Kije Manido Og8izisan ejinagozidj, osa mega apanigotc mojag kada aiamie ogima8i.

Ebaro 7:8

Aiamie ogimag dac ka odisigo8adjin midatcin somanike inigik a8iagon odaimini, motci a8iago8i8ag acitc kada nibo8ag nigodin. Mekisedek dac 8in, Abanaaman kagi minigodjin midatcin somanike inigik kagi aiamindjin, eta ojibiigadeni Kije Manidon Omazinaiganikag egi pimadizidj, ka8in egi nibodj mikodjigadesini.