Ebaro 3:8 - Kije Manido Odikido8in: Ocki Mazinaigan

⁸ ka8in cibictig8anekegon, tabickotc kagi iji cibictig8ane8agobanen 8eckadj kikitci anicinabemi8abanig, apitc kagi ana8enima8agobanen Kije Manidon. Meg8adj ka paba te8apan pig8adakamigokag, ogi kitci nanada8i toda8a8an Kije Manidon, e 8i kikendamo8adj adi ke inakamigizindjin.”

Ebaro 3:8 Iomraidhean Croise

Matio 13:15

Ani kitci cibictig8ane8ag mega igi a8iagog. Ki kibota8agendizo8ag acitc ki pazag8abi8ag. Ka8in ockijigo8an o8i abadjitosina8an kidji 8abi8adj, acitc ka8in ota8aga8an o8i abadjitosina8an kidji nodamo8adj, acitc ka8in omidonendjigani8a o8i abadjitosina8a kidji nisidotamo8adj. Ka8in ninikag 8i inasamigaba8isi8ag. Ka8in dac nikackiasi8ag kidji kigeag8a.’ ” Ésaïe 6.9-10

Jesos Odanodaganan Odijitcige8ini8an 19:9

Nandam dac e taci8adj cibictig8ane8agoban, ka8in mega o8i teb8etasina8a. Meg8adj e ma8adjiidinani8anig, igi8e ogi manendana8a Jesosan okikinoamage8ini. Midac Pon ka iji madji8inadjin ini8e ka teb8etamindjin, e nagana8adjin ini Coda8innin ega ka 8i teb8etamindjin. Taso kajik dac Pon ki kagik8e iima Tiranos (Tyrannus) okikinoamadimigi8amikag.

Jesos Odanodaganan Odijitcige8ini8an 7:36

Mi 8aa Mois ka mamada8izidj acitc ka kitci mamakadendag8anigin kegonan ka todag kidji gi sagidji8inadjin Israel a8iagon Idjip akikag. E mamada8izidj, ogi 8idjian kidji ajo8agamendjin kitcigamini, ‘Misko kitcigami’ ka ijinikadenig, acitc kidji pimadjiondjin pig8adakamig nimidana (40) pibon inigik.

1 Konit 10:9

Nandam e taci8adj ogi nanada8i toda8a8an ka Tibendjigendjin, e 8i kikenima8adjin adi ke inakamigizindjin. Ii dac odji ogi padakaogo8an kinebigon, acitc ki nibo8ag. Kina8it dac, ka8in ii todakedan.