Ebaro 3:19 - Kije Manido Odikido8in: Ocki Mazinaigan

¹⁹ Kikikendananan dac oo8e. Ka8in ododji kackitosina8a igi a8iagog kidji a8i iji an8ecimono8adj taji kagi iji inendagozi8apan kidji iji an8ecimono8adj, osa mega ka8in ododji teb8etasina8a.

Ebaro 3:19 Iomraidhean Croise

Min8adjimo8ini kagi ojibiag kitcit8a Mak 16:16

A8enenigotc ke teb8etamog8en acitc ke sigaadazog8en kada ag8acimagani8i. A8enenigotc dac ega ke teb8etamog8en kada tibakonagani8i opatado8inan odji.

John 3:18

A8enenigotc teb8eta8adjin Kije Manidon Og8izisini, ka8in tibakonagani8isi. Anic dac a8enenigotc ega teb8eta8adjin, aja tibakonagani8i, ka8in mega ododji teb8eta8asi8an Kije Manidon Og8izisini ka motci pejigondjin.

John 3:36

A8enenigotc ka teb8eta8adjin Kije Manidon Og8izisini, kagige pimadizi8ini odaian. A8enenigotc dac ega teb8eta8adjin Kije Manidon Og8izisini, ka8in 8ikad oga aiasin ii kagige pimadizi8ini, tiegodj apanigotc onickenimigon Kije Manidon.

Ojibiama8agani8i8ag ka teb8etamo8adj Rom odenakag 11:23

Coda8innig dac kagi manibinagani8i8adj, kicpin odji an8endizo8adj acitc odji ani teb8etamo8adj, kada koki madjigiagani8i8ag taji ka iji pimigi8apan ockadok. Kije Manido mega odiji kackiton iidi kidji todag.

2 Tesalonika 2:12

Midac ke odji ick8aienimagani8i8adj kakina igi8e ega kagi teb8etamo8adj teb8e8ini, tiegodj dac kagi kitci min8endamo8adj e nta patadi8adj.

Ebaro 3:12

Nidjiki8eg! Nagadjiidiok, ega iaga pejig a8iag kina8akag kidji odji apitci madjideedj acitc kidji apitci ega 8i teb8etag, pinici kidji k8ekigaba8ita8adjin Kije Manidon ka pimadizindjin.

1 John 5:10

A8iag ka teb8eta8adjin Kije Manidon Og8izisini, oteb8etan adi ekidondjin Kije Manidon. A8iag ega teb8etag Kije Manidon adi ekidondjin, mi maia “Kije Manido kagina8icki” inendagiban. Odana8etan mega Kije Manidon e mikomandjin Og8izisini.

Jod odojibiigan 1:5

Aja 8e8enda kikikendana8adok adi 8a ikido8an, misa dac misa8adj kiabadj ki8i koki 8idamonom. Aja 8eckadj ka Tibendjigedj ogi ag8acimabanin Israel a8iagon apitc ka sagidji8inadjin 8edi Idjip (Égypte) akikag. Kegapitc dac, nandam ini a8iagon ka8in ododji teb8etagosin, acitc ogi nici8anadjian.