Ebaro 13:17 - Kije Manido Odikido8in: Ocki Mazinaigan

¹⁷ Ndotaokog ka niganizi8adj kina8akag acitc todamok adi ka inanonigo8eg. Apanigotc mega kinagadjiigo8ag, e kikendamo8adj panima kidji 8idama8a8adjin Kije Manidon adi kagi iji mikimo8adj. Kicpin ndota8eg8a, kada min8endamog e ijita8adj omikimo8ini8a. Kicpin dac ega ndota8eg8a, kada kackendamog, acitc ka8in odji pejig kigagi 8idjiigosi8ag.

Ebaro 13:17 Iomraidhean Croise

Min8adjimo8ini kagi ojibiag kitcit8a Lok 16:2

Ka 8anadizidj dac ogi nd8e8eman ini odanodaganan acitc ogi inan: ‘Nigi nodage adi enakamigizian. Nogom ojibian mazinaiganikag adi ka inabadjiadj niconiam, aja mega nogom kisagidji8ebinin.’ ”

Jesos Odanodaganan Odijitcige8ini8an 20:28

Iag8amenimidizok dac, acitc nagadjiikog kakina igi8e ka teb8etamo8adj, Mino Manido kagi anonigo8eg kidji nagadjieg8a. 8e8enda kana8enimikog igi8e ka teb8eta8a8adjin Kije Manidon, tabickotc a8iag ka kana8enimadjin omantceniciman. 8in mega Kije Manido otibeniman, Og8izisan egi odji pagidenimidizondjin kidji nibondjin.

Ojibiama8agani8i8ag ka teb8etamo8adj Rom odenakag 14:12

Midac kakina pepejig ka taciak oga 8a8idama8an Kije Manidon adi ka pi ijitcigedj acitc 8egonen 8edji ki inakamigizidj iidi.

1 Konit 16:16

Kinada8eniminom dac kidji pabamita8eg8a igi8e kakina ka ijita8adj, acitc kakina ini8e ka 8idji mikimomigo8adjin.

Epes 5:21

Kina8a ka manadjieg Jesos Christ, pagidendizok kidji ndotadieg kakina pepejig e tacieg.

Pilip 1:4

Tasinigotc e aiamietamonagok, apanigotc nikitci min8endan,

Pilip 2:12

Ni8idji8aganag ka kitci sagiinagok! E kikendameg adi Jesos ka iji ndota8adjin Kije Manidon, kekina8a panima kida ndota8a8a Kije Manido. Apitc meg8adj kina8akag eji paba tajikeiaban, kinadota8a8aban. Na8adj dac kiabadj nogom kida ndota8a8a, misa8adj nin e na8inagozian. Kigi ag8acimigo8a Kije Manido, midac panima nogom kida kitci nak8im 8e8enda kidji inadizieg adi ka iji nda8endag, e kitci kitcit8a8enimeg.

Pilip 2:16

e tibadjimota8eg8a min8adjimo8ini ka migi8emaganig kagige pimadizi8ini. Kicpin iidi todameg, kigagi kitci min8adjiminom apitc odjitcisenig Jesos Christ kidji koki tag8icig. Kada paietenag8an mega ega ceck8at egi kitci mikimo8an kakina adi epitcian.

Pilip 2:29

Midac apitc tag8icig, kitci modjigendamok e odisigo8eg, osa ke8in Jesosikag ka Tibendjigendjin iji tibendagozi. Kida manadjia8ag kakina ka anokita8a8adjin Jesosan tabickotc 8in ka todag.

Pilip 3:18

Mane a8iagog 8abadai8e8ag adi ka inakamigizi8adj e madjenima8adjin Jesos Christan, ceck8atigotc e apitendamo8adj egi nibondjin tcibaiatigokag. Mi kabe ka pi 8idamonagok, midac kiabadj nogom ki8idamonom, e sasika8abian e kackendaman.

Pilip 4:1

Nidjiki8eg ka kitci sagiinagok acitc ka kitci nda8endaman kidji koki 8abaminagok! Kikitci min8endamiijim acitc kikitci ineniminom. Ka8in dac poni sogi teb8eta8akegon ka Tibendjigedj, kina8a ni8idji8aganag ka kitci ineniminagok.

2 Tesalonika 3:14

Kicpin a8iag ega nosoneag adi kagi iji kikinoamageiag ooma ojibiiganikag, mika8iok adi enadizidj, acitc ka8in odji pejig pabiziskenimakegon. Kada agadji dac egi madji inakamigizidj.

1 Timote 5:17

Panima kada kitci manadjiagani8i8ag ka niganizi8adj 8e8enda ka kana8abama8adjin ka teb8etamindjin, acitc panima tibise 8e8enda kada kijika8agani8i8ag. A8acamej kada manadjiagani8i8ag igi8e ka kagik8e8adj acitc ka kikinoamage8adj Kije Manidon odikido8ini.

Ebaro 13:24

Kakina nidanamika8ag ka niganizi8adj kina8akag acitc kakina Kije Manido odanicinabeman. Ka teb8etamo8adj Itali (Italie) akig ka odji8adj kidanamikago8ag.

Ebaro 13:7

Mamidonenimikog 8eckadj ka niganizi8apan, kagi pi tibadjimotago8eg Kije Manidon odikido8ini. Mamidonenimikog adi kagi iji k8aiak8adizi8adj, acitc adi kagi iji sogi teb8etamo8adj pinici kidji nibo8adj. Kagikina8abamikog dac adi kagi iji teb8etamo8adj.

Jak odojibiigan 4:7

Kije Manidokag dac iji asidizok. Nak8itaok madji manido, midac kiga ojimigo8a.

1 Pien 5:5

Kina8a dac ka ocki pimadizieg! Pagidendizok kidji ndota8eg8a kitci anicinabeg. Kina8a kakina ka teb8etameg, tabasenimidizok acitc 8idokodadiok. Mazinadeni mega oo8eni Kije Manido Omazinaiganikag: “Kije Manido onagabinan ka kitci inenimidizondjin, anic dac okitci ca8endjige8in ominan ini8e ka tabasenimidizondjin.” Proverbes 3.34 Mi mezinadenig.