Ebaro 12:2 - Kije Manido Odikido8in: Ocki Mazinaigan

² Mamidonenimadan Jesos. 8in mega kigi minigonan teb8etamo8ini ockadok, acitc 8in ki8idjiigonan kidji teb8etamak pinici 8ak8ig kidji oditamak. Ki pagidenimidizo kidji nisagani8idj tcibaiatigokag, misa8adj e agazinagozidj ako a8iag iidi iji nibodj. Okikenimabanin mega Kije Manidon kidji minigodjin kidji kitci mina8azidj. Nogom dac taji abi Kije Manidon okitcinikinikag.

Ebaro 12:2 Iomraidhean Croise

Matio 16:21

Ii dac apitc Jesos ki madjita 8e8enda kidji 8a8idama8adjin okikinoamaganan: “Panima Jerusalem ki ijaian, acitc panima niga kitci kodagiigog ka niganizi8adj Coda8innig, Coda8inni kitci aiamie ogimag acitc Coda8inni kikinoamage8innig. Niga nisigo, ki nisogonaganig dac niga abidjiba8an.”

Matio 20:28

Midac pejig8an, kenin, Ka pi Anicinabe8iidizodj, ka8in nidodji pijasi kidji anokitago8an. Nigi pija dac kidji anokitageian, acitc kidji migi8eian nipimadizi8in kidji gi odji ag8acimag8a mane a8iagog.”

Min8adjimo8ini kagi ojibiag kitcit8a Mak 14:36

Ki ikido e aiamiedj: “Nidadam! Kakina kegon kikackiton. 8ack8ebidon nidanimizi8in! Pekic dac ka8in nin ka iji nda8endaman todaken, tiegodj kin ka iji nda8endaman todan,” ki ikido.

Min8adjimo8ini kagi ojibiag kitcit8a Mak 15:28

[Midac iidi ka ani iji8ebag ii kagi mazinadenig Kije Manido Omazinaiganikag: “Madji a8iagokag ki iji acidagimagani8i.”] Ésaïe 53.12

Min8adjimo8ini kagi ojibiag kitcit8a Mak 16:19

Apitc ka ick8a aiamiadjin Jesos ka Tibendjigedj okikinoamaganan, ki icpika 8ak8ig acitc ki nda abi Kije Manidon okitcinikinikag.

Min8adjimo8ini kagi ojibiag kitcit8a Mak 9:12

Jesos ogi nak8e8ajian: “Teb8e Eli nitam kada pi koki tag8icin, kidji pi nda 8a8ejibidodjin kakina kegonan. Pekic dac 8egonen 8edji mazinadenig Kije Manido Omazinaiganikag, Ka pi Anicinabe8iidizodj panima kidji kitci kodagitodj acitc kidji manenimagani8idj?

Min8adjimo8ini kagi ojibiag kitcit8a Mak 9:24

Teci8ag dac aa ockina8es odadaman ki madji pabibagi8an e ikidondjin: “Kiteb8etaon! 8idokaocin enigok kidji ani teb8etaman!”

Min8adjimo8ini kagi ojibiag kitcit8a Lok 17:5

Ka Tibendjigedj Odanodaganan ogi igon: “Micaton niteb8etamo8ininan.”

Min8adjimo8ini kagi ojibiag kitcit8a Lok 23:11

Herod acitc ocimaganiciman okitci manenima8abanin acitc okitci papia8abanin Jesosan. Ogi pizikamodina8abanin e kitci min8acinig okonasini, midac Pilatikag ka iji koki ijinija8a8adjin.

Min8adjimo8ini kagi ojibiag kitcit8a Lok 24:26

Mi panima iidi ka inendagozigobanen kidji iji kodagitodj aa8e Kije Manidon kagi ikidonipanin kidji pidjinijaogodjin, kidji gi minigodjin Kije Manidon odicpendagozi8ini.”

John 1:29

8iabanig, Cabadis ogi 8abaman Jesosan e pi nda 8abamigodjin acitc ki ikido: “8adan aa mi maia tabickotc mantcenices ejinagozidj, Kije Manido kagi migi8edj. Mi aa e manibidodj kakina a8ian opatado8ini.

John 12:24

“Teb8e ki8idamonom, kidji gi madjigidj anomin, acitc dac kitci mane anominan kidji odji nta8igindjin, panima ki asagani8idj aa anomin akikag, tabickotc a8iag kagi nibodj ka nig8aakanagani8idj kidji ijinagozidj. Kicpin dac ega asagani8idj akikag, tabickotc kagi nibodj kidji ijinagozidj, kada motci pejigo, acitc ka8in kadagi odji nta8igisi8an mane anominan.

John 12:32

Nin dac, apitc akikag ke odji icpak8aogo8an, kakina a8iagog niga 8ikobinag ninikag,” ki ikido.

John 13:3

Jesos dac 8in okikendanaban Kije Manidon egi minigodjin macka8izi8ini kakina kegoni kidji gi todag. Okikendanaban Kije Manidokag e odjigobanen acitc kidji koki nda 8abamadjin.

John 6:40

Nidadam mega onada8eniman kakina kagi nisida8inaojindjin nin Kije Manido Og8izisan e aiaa8ian, acitc kagi teb8etaojindjin, kidji aiamindjin kagige pimadizi8ini. Midac kidji abidjibaag8a apitc ke ponaki8anig,” ki ikido.

John 8:56

Abanaam 8eckadj kikitci anicinabemi8aban ki kitci min8endam e kikendag kidji tag8icinian ooma akig. Ogi nigani 8abadan, midac ogi kitci min8endan.”

Jesos Odanodaganan Odijitcige8ini8an 2:36

“Midac kakina kina8a Israel a8iagog, kida ketcinamendana8a oo8e kegon. Aa8e Jesos, tcibaiatigokag kagi iji acidak8a8eg, mi aa8e Kije Manidon kagi Tibendjigeigodjin acitc mi aa8e kagi ikidondjin kidji pidjinijaogodjin.” Mi ka ikidogobanen Pien e kagik8edj.

Jesos Odanodaganan Odijitcige8ini8an 3:15

Midac kigi nisa8a aa8e ka migi8edj pimadizi8ini. Kije Manido dac 8in ogi abidjibaan, nigi 8abadananan dac ii acitc nitibadjimomin.

Jesos Odanodaganan Odijitcige8ini8an 5:31

Kije Manido ogi minan kidji kitci icpendagozindjin ini Jesosan, e asadjin kidji abindjin okitcinikikag kidji ogima8indjin acitc kidji ag8acimandjin kakina a8iagon, kidji odji minandjin Israel a8iagon kidji gi an8endizondjin acitc kidji gi kasiama8andjin opatado8ini8an.

Jesos Odanodaganan Odijitcige8ini8an 5:41

Igi Anodaganag ki sagaamog ka iji ma8adjiidinani8anig. Ki kitci min8endamog dac, tibise Kije Manidon egi apitenimigo8adjin kidji kodagito8adj Jesosan o8izoni odji.

1 Konit 1:18

Apitc ako tibadjimonani8anig Jesos egi nibogobanen tcibaiatigokag, “Ka8in abadasinon” inendamog igi8e ka taji 8anicino8adj. Kina8it dac Kije Manido ka taji ag8aciminak, ki8abadananan iima kikinoamage8inikag Kije Manido omacka8izi8in.

1 Konit 1:23

Nina8it dac ako, nitibadjimomin Jesos Christ egi nibodj tcibaiatigokag. Apitc dac Coda8innig e nodage8adj ii tibadjimo8ini, ka8in okackitosina8a kidji odapinamo8adj, omadjitana8a. Acitc “Ki8ack8etag8an ii!” ikido8ag igi8e ega ka Coda8inni8i8adj.

Epes 2:16

Ka8in aja madjenimidisi8an, Jesos mega ogi manibidon omadjenimidi8ini8a apitc ka nibodj tcibaiatigokag. Apitc dac ka nibodj tcibaiatigokag, ogi todan pejig8an eta kidji inakanezindjin Coda8innin acitc ega ka Coda8inni8indjin, acitc ogi minan kidji gi koki mino 8idji8andjin Kije Manidon.

Epes 5:2

Adigotc e ijitaieg, kabe sagiik kidjipimadizimi8a, tabickotc Jesos Christ kagi iji sagiigo8ak acitc egi nibodj kina8it odji. Ki migi8e opimadizi8in, tabickotc 8eckadj ako a8esiz ka pagidinigetama8agani8ipan Kije Manido. Jesos dac ogi kitci min8endamian Kije Manidon.

Pilip 1:6

Niketcinamendan dac oo8e. Kije Manido ogi madjiton ii omino mikimo8in kina8akag, acitc kiabadj kada mikimo kina8akag pinici Jesos Christ kidji koki tag8icig.

Pilip 3:20

Anic dac kina8it, 8ak8ig kidiji tibendagozimin. Kikitci pianan aa8e ke Ag8aciminak 8ak8ig kidji pi odosedj, mi aa ka Tibeniminak Jesos Christ.

2 Timote 4:8

Nogom dac aja nipiigon kagi kackitamadizo8an egi k8aiak8adizian, mi ii8e sizok8epizon ke minijidj ka Tibendjigedj apitc odjitcisenig kidji tibakonigedj, 8in k8aiak ka tibakonigedj. Ka8in dac nin eta niga minigosi ii, mi acitc kakina ini8e ka taji kitci piondjin kidji koki 8abamigodjin.

Ebaro 1:13

Ka8in 8ikad Kije Manido ododji inasin pejig ajenin adi kagi inadjin Og8izisan: “Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.” Psaume 110.1

Ebaro 1:3

Mi maia tabickotc epitci icpendagozindjin Og8izisan tabickotc 8in, acitc mi maia 8in tabickotc ejinagozindjin. Onagadjitoni Og8izisan kakina kegoni, e abadjitondjin ini ka kitci macka8izimaganigin odikido8inan. Ogi todan kidji kasiama8agani8indjin a8iagon opatado8ini, mina8adj dac Kije Manidon ka kitci macka8izindjin okitcinikinikag ki iji abi 8ak8ig.

Ebaro 10:14

Jesos dac abidinaj eta egi pagidenimidizodj, apanigotc 8edjidagotc ogi paiekideean ini8e a8iagon kagi kasiamagondjin Kije Manidon opatado8ini.

Ebaro 10:33

Nanigodin kigi kitci mamanazomigom acitc kigi kitci nanekadjiigom ka iji manenani8ag. Nanigodin mi iidi ka iji madji toda8agani8i8adj ke8ina8a kodagiag ka teb8etamo8adj, acitc dac kigi 8idjia8ag igi.

Ebaro 11:36

Nandam dac kodagiag ki mamanazomagani8ibanig acitc ki papajacte8agani8ibanig. Nandam dac ki mag8apinagani8ibanig pi8abiko sagapizoneabini e abadanig, acitc kibaodimigi8amikag ki iji8ebinagani8i8ag.

Ebaro 12:3

Mamidonenimik Jesos, adi kagi iji kitci cibendag apitc kagi kitci manenimigodjin a8iagon ka patadindjin. Mamidonenimik, ka8in dac kiga aiekozisim acitc ka8in kiga ana8endjigesim.

Ebaro 13:13

Midac kekina8it, ag8adjik ka iji kabecinani8ag panima kiga ijamin kidji nda nagicka8aiak Jesos. Tabickotc 8in kagi iji manenimagani8idj, kiga iji manenimigomin kekina8it.

Ebaro 5:9

Apitc dac kakina ka ick8a ijitadj ka iji nda8enimigogobanen Kije Manidon, ogi ani kackiton kidji minadjin kakina a8iagon ka ndotagodjin kagige kidji ag8acimagani8indjin.

Ebaro 7:19

Ka8in mega a8iagog okackiigosina8abanin ini Inakonige8inan mizi8e kidji paiekideeigo8adjin. Nogom dac, kigi minigomin kegon na8adj e min8acig apitc8in ini Inakonige8inan, kegi iji apacenimo8ageiak, kidji ani nazika8aiak Kije Manido.

Ebaro 8:1

8adan oo8e ma8adji ka kitci apitendag8ag kegon ka ikido8ag. Kidaia8anan aiamie ogima ma8adji ka niganizidj kidji 8idokago8ak, Kije Manidon ka kitci macka8izindjin okitcinikinikag 8ak8ig ka tanabidj.

Ebaro 9:28

Midac pejig8an, abidinaj eta Jesos Christ ki pagidenimidizo, kidji gi kasiama8agani8indjin kitci mane a8iagon opatado8ini. Mina8adj dac kada pi koki tag8icin ooma akikag kidji ag8acimadjin ini8e ka piigodjin, ka8in 8in kiabadj kidji pagidenimidizodj kidji gi odji kasiama8agani8indjin a8iagon opatado8ini.

Jak odojibiigan 2:1

Nidjiki8eg! Kiteb8eta8a8a ka Tibeniminak Jesos Christ, 8in ma8adji ka kitci icpendagozidj. Ka8in dac kida pepakanenimasi8a8ag kidjipimadizimi8ag.

1 Pien 1:11

Mino Manidon ka tenipanin odei8akag ki tibadjimo8an kidji kodagitondjin ini8e Kije Manido kagi ikidodj kidji pidjinija8adjin, acitc dac apitc ick8a kodagitondjin kidji odji icpenimagani8indjin. Igi8e dac niganadjimo8innig ogi kitci k8ag8e kikendana8aban anapitc ke ijisenig acitc adi ke ijinag8anig.

1 Pien 3:18

Mi mega Jesos ke8in ka iji8ebizidj. Jesos Christ ki nibo abidinaj eta, a8iagog opatado8ini8an kidji gi kasiigadenigin. 8in ega 8ikad ka patadidj, ki nibo kina8it odji ka patadiak, Kije Manido kidji gi mino 8idji8aiak. Teb8e ki nisagani8iban, Mino Manidon dac ogi koki pimadiziigon.

1 Pien 3:22

Nogom dac aja 8ak8ig te Jesos, Kije Manidon okitcinikinikag ineke iji te. 8in nogom odogimakanan ajenin acitc kakina manidon ka kacka8indjin acitc ka macka8izindjin.

Jod odojibiigan 1:21

Iji pimadiziok kidji gi kikendameg adi epitci sagiigo8eg Kije Manido, meg8adj e taji pito8eg kidji kidimagenimigo8eg ka Tibeniminak Jesos Christ, e minigo8eg kagige pimadizi8ini.

Kagi iji 8abadaagani8idj John 1:11

Midac ka ikidodj: “Mazinaiganikag ojibian nogom adi eji 8abadaman. Ijinijaamaok dac ii mazinaigani ka teb8etamo8adj ka taji ma8adjiidi8adj ono8e ka nij8atcinigin odenan, 8edi Epes (Ephèse), Simina (Smyrne), Penigam (Pergame), Taiatina (Thyatire), Sanidas (Sardes), Piladelapia (Philadelphie), acitc Leadisia (Laodicée),” ki ikido.

Kagi iji 8abadaagani8idj John 1:17

Apitc ka 8abamag, nigi medjim8adji pagicin ozidikag, tabickotc a8iag ka nibodj. Midac okitcinik nigi saminig e ikidodj: “Ka8in segiziken. Nin nitam ka tedj acitc nin ick8eag ke tedj.

Kagi iji 8abadaagani8idj John 1:8

“Nin kagi madjito8an kakina kegon acitc nin niga ick8aikan kakina kegon,” ikido Kije Manido ka Tibendjigedj ma8adji ka kitci macka8izidj, 8in nogom ka pimadizidj, kagige kagi pi pimadizidj, acitc ke pi tag8icig.

Kagi iji 8abadaagani8idj John 2:8

Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Simina odenag. Ojibian dac oo8edi: Mi ekidodj aa8e nitam ka tedj acitc ick8eag ke tedj. Ki nibogoban, nogom dac aja ki abidjiba.