Ebaro 10:28 - Kije Manido Odikido8in: Ocki Mazinaigan

²⁸ 8adan ako, kicpin pejig a8iag ega 8i nosoneagin Moisan odinakonige8ini, acitc kicpin nijin kek8an nisin kodagian a8iagon ikidondjin egi 8abamigodjin e taji panaagedj, kadagi nisagani8i aa a8iag, ega odji pejig pagi kidji pabiziskendjigadenig kidji kidimagenimagani8idj.

Ebaro 10:28 Iomraidhean Croise

Matio 18:16

Kicpin dac ega 8i ndotag, mina8adj koki nda 8abam, acitc k8ag8edjim pejig kek8an nijin kodagiag a8iagog kidji 8idjiok8a. Midac iidi ke iji nosoneameg kagi ikidomaganig Kije Manido Omazinaigan: ‘Kicpin a8iag inactaonagani8idj egi panaagedj, panima nijin kek8an nisin a8iagon kada ikido8an teb8e egi iji panaagedj iidi.’ Deutéronome 19.15

John 8:17

Ojibiigade kidinakonige8ini8akag kidji teb8eta8agani8i8adj nijin a8iagog tabickotc ikido8adj.

Ojibiama8agani8i8ag ka teb8etamo8adj Rom odenakag 9:15

8eckadj mega ogi inabanin Moisan: “8i kidimagenimag a8iag, niga kidimagenima, acitc 8i mino toda8ag a8iag, niga mino toda8a.” Exode 33.19

2 Konit 13:1

Mi aja nisinanaj kidji pi ndaodeominagok. Meg8adj dac ke 8idji tajikeminagok, kiga nosoneananan adi ekidomaganig Kije Manido Omazinaigan: “Kicpin a8iag inactaonagani8idj egi panaagedj, panima nijin kek8an nisin a8iagon kada ikido8an teb8e egi iji panaagedj iidi.” Deutéronome 19.15

Ebaro 12:25

Iag8amig! Ka8in ana8endakegon kidji ndota8eg Kije Manido ka aiamiigo8eg. 8eckadj ako, Israel a8iagog ogi ana8endana8a kidji ndota8a8adjin Kije Manidon apitc ka aiamiigo8adjin ooma 8akidakamig 8edi Sinai pik8adinakag. Ka8in dac odji kackiosi8ag kidji ojimo8adj e 8i pajacte8agani8i8adj. Kina8it dac, 8ak8ig kidodji aiamiigonan Kije Manido. Kicpin dac ega 8i ndota8aiak, kitci ketcinam kiga pajacteogomin.

Ebaro 2:2

Tibadjimo8ini ajenig 8eckadj kagi pido8agobanen teb8emaganigoban. A8iagog dac ega kagi manadjito8agobanen, acitc ega kagi nosoneamo8agobanen, ki pajacte8agani8i8agoban adi kagi iji kackitamadizo8agobanen.

Jak odojibiigan 2:13

Apitc mega tibakonigedj Kije Manido, ka8in oga kidimagenimasi8an ini8e ega kagi kidimagenimandjin kodagian. Aa8e dac kagi kidimagenimadjin kodagian, kada kidimagenimagani8i ke8in apitc tibakonagani8idj.