Ebaro 10:24 - Kije Manido Odikido8in: Ocki Mazinaigan

²⁴ Nagadjiididan kakina pepejig e taciak, e 8idjiidiak eckam kidji ani sagiidiak kakina pepejig e taciak acitc eckam kidji mino ijitcigeiak.

Ebaro 10:24 Iomraidhean Croise

Jesos Odanodaganan Odijitcige8ini8an 11:29

Ka teb8etamo8adj dac ki onendamog kakina pepejig eji kackito8adj kidji 8idjia8adjin ka teb8etamindjin Coda (Judée) akikag ka tajikendjin.

Ojibiama8agani8i8ag ka teb8etamo8adj Rom odenakag 11:4

Kije Manidon dac ogi igon: “Nigi kana8enimag nij8atcin kitci midasomidana (7000) a8iagog apanigotc e nosoneoji8adj. Ka8in 8ikad ododji nibak8ita8asi8a8an ini manidokanan ‘Baal’ ka ijinikazondjin.” 1 Rois 19.18

Ojibiama8agani8i8ag ka teb8etamo8adj Rom odenakag 12:15

8idji modjigendamomikog ka modjigendamo8adj, acitc dac 8idji ma8imikog ka kackendamo8adj.

1 Konit 10:33

Kagikina8abamicik nin adi ejitcigeian. Adigotc ejitcigeian, nik8ag8e min8endamiag kakina a8iagog. Ka8in mega nin eta kidji mino iji8ebizian nitodasin. Tiegodj, kakina a8iagog kidji mino iji8ebizi8adj nidinakamigizinan, kakina kidji gi ag8acimagani8i8adj.

1 Konit 9:22

Apitc 8idji8ag8a 8ina8a ka cagozi8adj oteb8etamo8ini8akag, ka8in nitodam8asin kegoni kidji gi odji inendamo8adj “nipanaagemin” kicpin iidi ke8ina8a todamo8adj. 8edji todaman dac ii, kidji 8idoka8ag8a na8adj kidji macka8izi8adj oteb8etamo8ini8akag. Adigotc dac ejinagozi8adj a8iagog, tabickotc 8ina8a ka inadizi8adj nik8ag8e inadizinan meg8adj e 8idji8ag8a kidji tibadjimo8an min8adjimo8in. Adigotc eji kackito8an kidji todaman, ni8i iji todan kidji gi 8idoka8ag8a nandam kidji ag8acimagani8i8adj.

2 Konit 8:8

Ka8in 8in panima kidji migi8eieg conia kidinisinonom. Ninada8endan dac kidji minoseieg kekina8a kidji 8abadai8eieg teb8e e sagieg8a kodagiag. Midac 8edji ki tatibadjimotaonagok adi ka apitci kitci 8i 8idjii8e8adj kodagiag ka teb8etamo8adj.

2 Konit 9:2

Nikikendan aja e 8i 8idoka8eg8aban igi a8iagog. Kigi min8adjiminom apitc ka aiamiag8a ka teb8etamo8adj 8edi Masedonia (Macédoine) akikag. Nigi inag: “Igi8e ka teb8etamo8adj Akaia (Achaïe) akig ka tajike8adj, ick8ata8ag kidji migi8e8adj conian aja 8aiej pejigopibon,” mi iidi ka inag8a. Aja dac kegat kakina ke8ina8a ick8ata8ag kidji 8idjii8e8adj, egi nodage8adj adi eji kitci nda8endameg kidji 8idjii8eieg.

Kalecia 5:13

Nidjiki8eg! Kije Manido kigi nd8e8emigo8a kidji ega tibenimigo8eg. Nogom dac aja ega e tibenimigo8eg, ka8in kida iji pimadizisim adigotc eji madji mosa8endameg, kina8a tibina8e kidji min8endamiidizo8eg. Tiegodj, kida 8idokodadim kakina pepejig e tacieg, mama8 e sagiidieg.

Kalecia 5:22

Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,

Kalecia 5:6

Kicpin mega iji mama8iseiak Jesos Christikag, kidji pak8ejogo8ak kek8an ka8in, ka8in 8in ii nigod. Mi eta ii ketci apitendag8ag kidji teb8eta8aiak Jesos. Kicpin dac teb8eta8aiak, kiga sagiananag kodagiag a8iagog.

Kalecia 6:1

Nidjiki8eg! Kicpin pejig e tacieg patadidj, kina8a ka kigickago8eg Mino Manido, kida 8idjia8a aa a8iag mina8adj k8aiak kidji inadizidj, anic dac pekadj mino todaok. Kakina dac pepejig e tacieg, kida iag8amim kina8a tibina8e, ega kidji odji 8ik8adjiigo8eg kidji patadieg kekina8a.

Kolosi 3:16

Pagidinamok ii min8adjimo8in ka odji kikenimagani8idj Jesos Christ mizi8e kidji kigickago8eg. Abadjitaok kakina kagita8endamo8in ka aiameg kidji kikinoamadieg kakina pepejig e tacieg acitc kidji 8idama8idieg adi enendagozieg kidji inakamigizieg. Nigamok 8eckadj kitci nigamo8inan Kije Manido Omazinaiganikag ka odjimagagin, acitc ocki aiamie nigamo8inan, acitc nigamo8inan ka minigo8eg Mino Manido, mig8etc e ineg Kije Manido enigokodeeieg.

1 Tesalonika 1:3

Apitc ako aiamita8agidj Kije Manido Kidadaminan, kimik8enimigom, adi epitci mino ijitcigeieg osa e teb8etameg, acitc adi epitci kitci macka8i mikimo8eg osa e sagii8eieg, acitc adi epitci sogigaba8ieg kiteb8etamo8ini8akag e apacenimo8ageieg Jesos Christ ka Tibeniminak.

1 Tesalonika 5:11

Misa dac sogideeckodadiok pepejig e tacieg acitc 8idokodadiok kidji sogigaba8ieg, tabickotc aja ka taji todameg.

2 Tesalonika 3:9

Ketcinam sa nidinendagozinanaban kidji k8ag8edjimigo8eg kidji acamijiag, anic dac ninada8endananaban kidji 8abadaigo8eg adi enendagozieg kidji inakamigizieg.

1 Timote 6:18

Kiga 8idama8ag kitci mane mino kegonan kidji todamo8adj, kidji 8i mino ijitcige8adj, kidji min8endamo8adj e migi8e8adj, acitc kidji 8i 8idjia8adjin kodagian a8iagon.

Tite 2:4

Mi iidi ke iji kikinoama8a8adjin ka ocki pimadizindjin ik8e8an kidji sagiandjin o8idigemagani acitc odabinodjijimini,

Tite 3:8

Teb8emagan oo8e kegon ka ikido8an. Kinada8enimin dac enigok kidji kikinoamagean ii ka ikido8an, igi8e ka teb8eta8a8adjin Kije Manidon kabe kidji 8i mino ijitcige8adj. Min8acin mega ii eji kikinoamageiak, acitc odji 8idjiagani8i8ag a8iagog.

Ebaro 13:1

Ka8in poni sagiidikegon kakina pepejig e tacieg, kidiji 8idjiki8edim mega kiteb8etamo8ini8a odji.

Ebaro 13:3

Mamidonenimikog a8iagog kibaodimigi8amikag ka te8adj, tabickotc pejig8an kekina8a teiegoban iima kigi 8ina8a. Mamidonenimikog igi8e ka madji toda8agani8i8adj, tabickotc kekina8a todago8egoban.

Ebaro 3:13

Kiabadj nogom Kije Manido kinad8e8emigo8a. 8idjiidiok dac taso kajik kidji sogideeieg, meg8adj kiabadj e nodameg e nd8e8emigo8eg, ega iaga pejig ii e tacieg kidji 8agackibinigodj patado8ini acitc kidji ani cibictig8anedj.

1 John 3:18

Nidabinodjijimag ka kitci ineniminagok! Kicpin eta ikido8ak e sagiidiak pepejig e taciak, ka8in tibisesinon. Panima kada nag8an teb8e e sagiidiak e 8idjiidiak pepejig e taciak.