Jesos Odanodaganan Odijitcige8ini8an 8:20 - Kije Manido Odikido8in: Ocki Mazinaigan

²⁰ Pien dac ogi inan: “Kiga 8anadjiigo kin acitc kiconiam, egi inendaman e kackito8an kidji kicpinado8an Kije Manido oca8endjige8in!

Jesos Odanodaganan Odijitcige8ini8an 8:20 Iomraidhean Croise

Matio 10:8

Kigeikog ka akozi8adj, abidjibaikog ka nibo8adj, kigeikog ka omigi8apine8adj, acitc sagidjinijaokog madji manidog. Ka8in kegon odji inagidag8asinon ii macka8izi8in kagi minigo8eg kidji todameg ii, kiga kitci abadjitona8a dac, ega mamakadj kidji kijikago8eg.

Matio 15:19

Odeikag mega odjimagani8an a8iag omadji midonendamo8inan, kidji nici8edj, madji aido8ini kidji pabamendag, kidji madjakamigizidj, kidji kimodidj, kidji kagina8ickidj e inactaonadjin kodagian a8iagon, acitc kidji manazomadjin.

Jesos Odanodaganan Odijitcige8ini8an 1:18

Judas dac ogi kicpinadonagoban akini, conian kagi minagani8idj e kijika8agani8idj kagi iji madji inakamigizidj. Ki pakodjicin e onijagodjig acitc mizi8e ki sagidjinagijicin.

Jesos Odanodaganan Odijitcige8ini8an 10:45

Coda8innig ka teb8etamo8adj kagi pi 8idji8a8apanin Pienan, ogi kitci mamakadendana8a Kije Manido egi ca8enimadjin Mino Manidon ke8ina8a ini8e ega ka Coda8inni8indjin.

Jesos Odanodaganan Odijitcige8ini8an 11:17

Kije Manido dac ogi ca8eniman ini a8iagon, tabickotc kekina8it kagi iji ca8enimigo8ak egi teb8eta8aiak ka Tibendjigedj Jesos Christ. Nin dac, nigagi nagabida8an na Kije Manido adi 8a todag?” ki ikido Pien.

Jesos Odanodaganan Odijitcige8ini8an 2:38

Pien dac ogi nak8e8ajian: “An8endizok, acitc panima kakina pepejig e tacieg ki sigaadazo8eg Jesos Christ o8izon kidji abadjito8eg, kipatado8ini8an kidji gi kasiamago8eg. Kiga odisigo8a dac Mino Manido, Kije Manido oca8endjige8in.

Jesos Odanodaganan Odijitcige8ini8an 8:19

Ki ikido: “Minicik kenin ii macka8izi8in, a8enenigotc ke saminag kidji gi pidigeckagodjin Mino Manidon.”

Jesos Odanodaganan Odijitcige8ini8an 8:22

An8endizon dac egi kitci madji midonendaman. Aiamitao ka Tibendjigedj, kidji gi kasiag adi ka iji mamidonendaman.

1 Timote 6:9

A8iagog ka nda8endamo8adj kidji 8anadizi8adj, mi igi8e madji manidon ka k8ag8e 8ik8adjiigo8adjin kidji patadi8adj. Midac maia ka tasozo8adj ejinagozi8adj. Okitci nda8endana8an mane anodj kegonan ke pakebinigo8adjin. Oga nici8anadjiigona8an mizi8ena ini omadji mosa8endamo8ini8an.

Jak odojibiigan 5:3

Kidoza8iconiami8a acitc ki8abiconiami8a aja ki ag8ag8abikizi8ag. Egi ag8ag8abikizidj dac kiconiami8a, kada 8abadai8e adi ka apitci panaageieg, midac oga 8anadjiton kia8i8a, tabickotc ickode ka ick8azigemagag. Misa8adj peconag8ag kidji ponaki8ag, kigi ma8adjitamadizom kidji kitci oconiamieg.

Kagi iji 8abadaagani8idj John 18:15

Ki kitci coniake8ag ada8e8innig iima odenakag. 8asag dac kada iji tajigaba8i8ag, e kotamo8adj ke8ina8a kidji kodagito8adj. Midac kada ma8i8ag acitc kada kitci kackendamog.