Jesos Odanodaganan Odijitcige8ini8an 7:30 - Kije Manido Odikido8in: Ocki Mazinaigan

³⁰ “Apitc nimidana (40) taso pibon ka tajikegobanen iima Midian akikag, nigodin pig8adakamigokag tegoban Mois, pecodj pik8adinakag Sinai ka ijinikadenig. Ogi odji 8abaman dac pejig ajenin ickodekag, kibisatigon e taji piskanenigin.

Jesos Odanodaganan Odijitcige8ini8an 7:30 Iomraidhean Croise

Min8adjimo8ini kagi ojibiag kitcit8a Mak 12:26

Kicpin dac 8i kikendameg ke apitci abidjiba8ag8en kagi nibo8adj, kana panima kida nabo8adasina8a adi eji mazinadenig Mois omazinaiganikag e mikomadjin mitigon ka taji piskanenigobanen? Mazinadeni iima adi Kije Manido ka iji 8idama8agobanen Moisan: ‘Nin Abanaam (Abraham), Aisik (Isaac) acitc Tcekap (Jacob) Okije Manidomi8an,’ Exode 3.6 mi mezinadenig.

Min8adjimo8ini kagi ojibiag kitcit8a Lok 20:37

Mois kitci 8e8enda ki tibadjimo kidji abidjibandjin ka nibondjin. Apitc ka mikomadjin mitigon ka taji piskanenigobanen, mi oo ka ijinikanadjin ka Tibendjigendjin: ‘Abanaam (Abraham), Aisik (Isaac), acitc Tcekap (Jacob) Okije Manidomi8an,’ Exode 3.2,6 ogi ijinikanan.

Jesos Odanodaganan Odijitcige8ini8an 7:17

Stepan ki ikido kiabadj: “E ick8a mane pibonaganig, eckam ki ani kitci mane8ag Israel a8iagog, 8eckadj kikitci anicinabeminabanig, 8edi Idjip akikag. Ki ani peconag8anogoban kidji iji8ebanig kagi inagobanen Kije Manido Abanaaman.

Jesos Odanodaganan Odijitcige8ini8an 7:31

Ki kitci mamakazabamogoban, na8adj dac pecodj ki nda inabi. Mois dac ogi noda8an ka Tibendjigendjin e ikidondjin:

Jesos Odanodaganan Odijitcige8ini8an 7:32

‘Nin Abanaam (Abraham), Aisik (Isaac) acitc Tcekap (Jacob) Okije Manidomi8an. 8eckadj kikitci anicinabemi8abanig nigi icpenimigobanig.’ Exode 3.6 Mois ki kitci ninigicka epitci segizidj, acitc ki kotadjigoban kidji inabidj.

Jesos Odanodaganan Odijitcige8ini8an 7:35

“8aa Mois mi 8aa pejig8an nabe ega ka 8i nda8enimigopanin Israel a8iagon, acitc ka igopanin: ‘A8enen ka pagidinik kidji ogima8ian acitc kidji tibakonijiag?’ Mi 8aa Mois Kije Manidon kagi pidjinijaogodjin kidji ogima8idj acitc kidji 8idjii8edj, e abadjiadjin ajenin kidji aiamiandjin Moisan. Mi ini ajenin kagi 8abamadjin Mois iima kibisatigokag ka taji piskanenipanin.

Kalecia 4:25

Mi maia tabickotc kitci pik8adina Sinai 8edi Arabi (Arabie) akikag ejinagozidj Aga, acitc mi maia kek8an nogom Jerusalem odena ejinagozidj. Kakina mega a8iagog iima ka tajike8adj otibenimigona8an Coda8inni Inakonige8inan.