Jesos Odanodaganan Odijitcige8ini8an 28:7 - Kije Manido Odikido8in: Ocki Mazinaigan

⁷ Pecodj iima, tag8anigoban odaki aa nabe ma8adji ka kitci apitendagozidj iima minitigokag, Popilias (Publius) e ijinikazogobanen. 8aa dac nigi pagidinigonan nisogon kidji tajike8agidj omigi8amikag acitc kitci 8e8enda nigi todagonan.

Jesos Odanodaganan Odijitcige8ini8an 28:7 Iomraidhean Croise

Jesos Odanodaganan Odijitcige8ini8an 13:7

O8a8idji8abanin ini naben ka ogima8indjin iima minitigokag, Segios Polos (Sergius Paulus) ka ijinikazondjin, ka kitci kagita8endagozindjin. Aa dac ogima ogi nd8e8emagoban Banabasan acitc Saulan, onada8endanaban mega kidji nodag Kije Manidon omin8adjimo8ini.

Jesos Odanodaganan Odijitcige8ini8an 18:12

Kegapitc pejig nabe, Gallio ijinikazoban, ki onabamagani8i kidji ogima8idj Akaia (Achaïe) akikag. Ii dac apitc, Coda8innig ki mama8ino8ag kidji takona8adjin Ponan. Ogi iji8ina8an dac ogimakag, Gallio kidji gi tibakonandjin Ponan.

Jesos Odanodaganan Odijitcige8ini8an 23:24

Nadji8ijikog acitc pebejigogack8eg kidji pimibaigodj Pon. Mi panima ki iji8inagani8idj kitci ogima Pilikisikag (Félix), ega madji kegoni kidji gi ijisedj.” Mi ka ikidodj ka niganizidj cimaganic.

Jesos Odanodaganan Odijitcige8ini8an 28:2

Kimi8anoban acitc takaiaban. Nigi kitci mino todagonanag dac iima ka tajike8adj. Ki kitci poda8e8ag acitc nigi nd8e8emigonanag kidji nda a8azo8ag.

Jesos Odanodaganan Odijitcige8ini8an 28:6

Ki inendamog a8iagog nogom kada pagicin Pon koni kada nibo. Kin8ej ogi taji kijigabama8an adi ke ijisendjin, ka8in dac odji nigodisi8an. Pakan dac ogi ani inenima8an Ponan acitc ki ikido8ag: “Manido8idok!”

Jesos Odanodaganan Odijitcige8ini8an 28:8

Popilias odadaman kitci kijizo8apinebanin acitc kitci cabokabanin. Pon dac ogi nda 8abaman. Ogi aiamietama8an acitc ogi saminan, mi ka iji kigeadjin.

1 Timote 5:10

Panima acitc kidji kikenimagani8idj 8e8enda egi mino ijitcigedj, 8e8enda egi obigiadjin odabinodjijiman, 8e8enda egi toda8adjin pi8iden, egi anokita8adjin Kije Manidon odanicinabemini e kizisibadjizidenadjin, egi 8idoka8adjin a8iagon ka sanagendjigendjin, acitc apanigotc egi ick8atadj kidji mino todag.

Ebaro 13:2

Ka8in 8anikekegon kidji mino odapineg8a kimigi8ami8akag pi8ideg apitc odisigo8eg. Nandam mega a8iagog iidi e todamo8adj ogi odisigo8an ajenin, ega e kikendamo8adj.