Jesos Odanodaganan Odijitcige8ini8an 28:5 - Kije Manido Odikido8in: Ocki Mazinaigan

⁵ Pon dac ki papa8indjibanio, ickodekag kidji madjoctesendjin ini kinebigon. Ka8in odji 8isagendasi.

Jesos Odanodaganan Odijitcige8ini8an 28:5 Iomraidhean Croise

Min8adjimo8ini kagi ojibiag kitcit8a Mak 16:18

Kicpin odapina8adjin kinebigon konigotc minik8e8adj pitcibo8ini ka8in kada nigodisi8ag. Oga samina8an a8iagon ka akozindjin, kada kige8an dac.”

Min8adjimo8ini kagi ojibiag kitcit8a Lok 10:19

Ndotamok! Kigi mininom macka8izi8in kidji gi magocka8eg8a kinebigog acitc ka pitcibo8inezi8adj mandjocag, acitc kidji gi cagodjito8eg mizi8e kitci madji manido omacka8izi8in. Ka8in kegoni kigagi iji madji todagosi8a.

Jesos Odanodaganan Odijitcige8ini8an 28:6

Ki inendamog a8iagog nogom kada pagicin Pon koni kada nibo. Kin8ej ogi taji kijigabama8an adi ke ijisendjin, ka8in dac odji nigodisi8an. Pakan dac ogi ani inenima8an Ponan acitc ki ikido8ag: “Manido8idok!”

Ojibiama8agani8i8ag ka teb8etamo8adj Rom odenakag 16:20

Kije Manido, ka minigo8ak ako pekadendamo8ini, aja pecodj oga cagodjian madji manidon kina8a odji, kidji gi tebieg. 8egona ca8enimigo8eg ka Tibeniminak Jesos Christ.