Jesos Odanodaganan Odijitcige8ini8an 25:2 - Kije Manido Odikido8in: Ocki Mazinaigan

² Iima dac Coda8inni kitci aiamie ogimag acitc ka niganizi8adj Coda8innig ogi nda 8abama8an Pestasan, e nda inactaona8adjin Ponan.

Jesos Odanodaganan Odijitcige8ini8an 25:2 Iomraidhean Croise

Jesos Odanodaganan Odijitcige8ini8an 24:1

Ka ick8a nanogonaganig, Coda8inni aiamie ogima ma8adji ka niganizidj Ananias ki tag8icinogoban 8edi Sesani (Césarée) odenag. Ogi pi 8idji8abanin nandam Coda8innin ka niganizindjin acitc pejig tibakonige8innin Tenitolos (Tertullus) ka ijinikazonigobanen. Ogi nda 8abama8an kitci ogiman Pilikisan (Félix), kidji nda 8idama8a8adjin adi eji inactaona8apanin Ponan.

Jesos Odanodaganan Odijitcige8ini8an 25:15

Apitc ka ijaian Jerusalemikag, Coda8inni kitci aiamie ogimag acitc Coda8innig ka niganizi8adj k8ag8ed8ebanig kidji tibakonagani8indjin ini Ponan. Nigi k8ag8edjimigog kidji nisimagin.

Jesos Odanodaganan Odijitcige8ini8an 25:24

Pestas dac ki ikido: “Kitci ogima Akanipa, acitc kakina ooma ka teieg, kidanamikonom! Ki8abama8a 8aa nabe. Kakina Coda8innig, ooma acitc 8edi Jerusalem ka te8adj, nigi k8ag8edjimigog kidji tibakonimagin. Ki pabibagi8ag e ikido8adj ega enendagozindjin kidji pimadizinipanin.

Jesos Odanodaganan Odijitcige8ini8an 28:17

Apitc ka ick8a nisogonaganig, Pon ogi nd8e8eman omigi8amikag ka niganizindjin Coda8innin Rom ka odjindjin. Apitc kakina iima e tendjin, ogi inan: “Nidjiki8eg! Ka8in madji kegon nidodji toda8asig kidanicinabeminanag. Ka8in pakan nidodji inakamigizisi 8eckadj kikitci anicinabeminabanig kagi pi ijitcige8adj. Misa8adj dac nigi takonigo 8edi Jerusalem, acitc ka niganizi8adj Romikag ka iji tibendagozi8adj nigi iji8inigo.

1 Tesalonika 2:16

Nik8ag8e nagabinigonanag kidji tibadjimota8agid8a ega ka Coda8inni8indjin ii min8adjimo8ini kegi odji ag8acimagani8indjin. Kabegotc eckam ki kitci nta patadi8ag igi8e Coda8innig, acitc aja ki odjitciseni inigik ka pagidinigo8adjin Kije Manidon kidji patadi8adj. Aja dac ogi kitci nickia8an Kije Manidon acitc ogi tibakonigo8an.