Jesos Odanodaganan Odijitcige8ini8an 23:9 - Kije Manido Odikido8in: Ocki Mazinaigan

⁹ Midac ki kitci pabibaginani8an. Nandam ka taci8adj Coda8innig kikinoamage8innig, ka iji acidagimagani8i8adj igi8e ka nagadjito8agobanen inakonige8inan, ki pazig8i8ag e kitci aiajide8e8adj: “Ka8in madji kegon nimikasinanan kidji gi inakamigizidj 8aa nabe Pon. Ne8ad pejig ajenin konigotc pejig manidon ogi aiamiigodog8enan.”

Jesos Odanodaganan Odijitcige8ini8an 23:9 Iomraidhean Croise

Min8adjimo8ini kagi ojibiag kitcit8a Mak 2:16

Nandam dac Coda8innig ka nagadjito8agobanen inakonige8inan, ka kikinoamage8agobanen acitc ini inakonige8inan, ogi 8abama8agoban Jesosan e 8idji 8isinimandjin ini8e a8iagon. Ogi ina8agoban dac Jesosan okikinoamaganan: “8egonen 8edji 8idji 8isinimadjin ini8e ka ma8adjiandjin conian kitci ogiman odji acitc ini8e ka madji inadizindjin?”

Min8adjimo8ini kagi ojibiag kitcit8a Lok 23:22

Pilat kiabadj ogi aiamian a8iagon, aja nisinanaj odaiamian. Ogi inan dac: “Adi dac ka iji panaagedj? Ka8in kegon nidodji mikasin kidji gi panaagedj kidji gi odji nisagani8ipan. Niga anoki dac kidji papajacte8agani8idj, midac ke iji pagidinag.”

Min8adjimo8ini kagi ojibiag kitcit8a Lok 23:4

Pilat dac ogi inan kitci aiamie ogiman acitc kakina a8iagon: “Ka8in kegon nimikasin kidji gi panaagedj 8aa nabe.”

Min8adjimo8ini kagi ojibiag kitcit8a Lok 5:30

Coda8innig dac ka nagadjito8agobanen inakonige8inan acitc Coda8inni kikinoamage8innig ka iji o8idji8agani8adj ka8in odji min8endasi8ag. Odina8abanin Jesosan okikinoamaganan: “8egonen 8edji 8idji minik8emeg8a acitc 8idji 8isinimeg8a igi8e ka ma8adjia8adjin conian kitci ogiman odji acitc igi8e ka madji inadizi8adj?”

John 12:29

Kitci mane a8iagog te8agoban iima, acitc ogi noda8a8an ini ka teb8e8idamindjin. Nandam ikidobanig: “Inimiki aa.” Kodagiag dac ikidobanig: “Ajenin ogi aiamiigon.”

Jesos Odanodaganan Odijitcige8ini8an 11:17

Kije Manido dac ogi ca8eniman ini a8iagon, tabickotc kekina8it kagi iji ca8enimigo8ak egi teb8eta8aiak ka Tibendjigedj Jesos Christ. Nin dac, nigagi nagabida8an na Kije Manido adi 8a todag?” ki ikido Pien.

Jesos Odanodaganan Odijitcige8ini8an 22:6

Pon ki ikido kiabadj: “Anic dac ii apitc kegon nigi iji8ebizinan. Nidani oditanaban Damas odenag, aja ani abitakijiganoban. Kitci kaiezigotc ki 8ajagameasakone ninikag, 8ak8ig e odateg.

Jesos Odanodaganan Odijitcige8ini8an 22:7

Teci8ag nigi pagicin motakamig. Nigi noda8a a8iag e aiamiijidj: ‘Saul! Saul! Adi 8edji nanekadjiijian?’

Jesos Odanodaganan Odijitcige8ini8an 23:29

Midac oo kagi kikendaman. Nandam Coda8innig ki ikido8ag e kitci madji inakamigizindjin osa ega egi nosoneamindjin odinakonige8ini8an. Nin dac 8in enendaman ka8in abidji kitci kegoni ki inakamigizisi kidji gi odji kiba8agani8ipan kek8an kidji gi odji nisagani8ipan.

Jesos Odanodaganan Odijitcige8ini8an 23:8

Igi Coda8innig ega ka teb8etamo8agobanen abidjiba8ini inendamo8agoban apitc a8iag nibodj ka8in mina8adj kada pimadizisi acitc ka8in teb8e tesi8ag ajenig kek8an manidog. Pekic dac Coda8innig ka nagadjito8agobanen inakonige8inan kakina ii oteb8etana8agoban.

Jesos Odanodaganan Odijitcige8ini8an 25:25

Nin dac 8in, ka8in nidodji mikam8asin kegoni kidji gi iji madji ijitcigepan 8egonen kegi odji nisagani8ipan. 8in dac ki k8ag8ed8e ma8adji ka kitci ogima8indjin Sesaran kidji tibakonigodjin. Midac nigi onendan kidji ijinija8ag.

Jesos Odanodaganan Odijitcige8ini8an 26:31

Ki sagaamog pakesagani, kakina dac aiackodj ki aiamiidi8ag pejig8an e ikido8adj: “Ka8in kegoni ke odji nibopan 8aa nabe acitc ka8in kegoni ke odji takonagani8ipan.”

Jesos Odanodaganan Odijitcige8ini8an 27:23

Kije Manidokag nidiji tibendagozinan, acitc nidicpenima. Onago 8enag8icig odajeniman nigi pi nda 8abamig.

Jesos Odanodaganan Odijitcige8ini8an 5:39

Kicpin dac teb8e Kije Manidokag 8edjimagani8ag8en, ka8in kiga kackitosina8a kidji odjieg8a. Iag8amig ega kidji nak8ita8eg Kije Manido!” Coda8inni kitci aiamie onakonige8innig ogi teb8eta8a8an Gamalielan kagi ikidondjin.

Jesos Odanodaganan Odijitcige8ini8an 9:4

Saul ki pagicin motakamig. Ogi noda8an dac a8ian e igodjin: “Saul! Saul! Adi 8edji nanekadjiijian?”

1 Konit 10:22

Ka8in min8acisinon kidji odji k8ag8e nickiaiak ka Tibendjigedj iidi e todamak! Kitci ketcinadj mega ka8in na8adj kimacka8izisimin apitc8in ka Tibendjigedj!