Jesos Odanodaganan Odijitcige8ini8an 20:21 - Kije Manido Odikido8in: Ocki Mazinaigan

²¹ Nigi 8idama8ag kakina a8iagog, Coda8innig acitc ega ka Coda8inni8i8adj, kidji an8endizo8adj, kidji koki nazika8a8adjin Kije Manidon, acitc kidji teb8eta8a8adjin Jesosan ka Tibeniminak.

Jesos Odanodaganan Odijitcige8ini8an 20:21 Iomraidhean Croise

Matio 3:2

“An8endizok, aja mega peconag8ani Kije Manido Odogima8i8in.”

Matio 4:17

Ii apitc Jesos ki madjitagoban kidji kagik8edj oo8eni: “An8endizok! Aja mega peconag8ani Kije Manido Odogima8i8in.”

Min8adjimo8ini kagi ojibiag kitcit8a Mak 1:15

Ki ikido dac: “Aja peconag8ani Kije Manido Odogima8i8in. An8endizok dac acitc teb8etamok Kije Manido omin8adjimo8in,” ki ikidogoban Jesos.

Min8adjimo8ini kagi ojibiag kitcit8a Mak 6:12

Jesos okikinoamaganan ki madja8an acitc ki kagik8e8an kidji an8endizonani8anig.

Min8adjimo8ini kagi ojibiag kitcit8a Lok 13:3

Ki8idamonom, ka8in iidi ki ijisesinon. Kina8a dac, kicpin ega an8endizo8eg, kiga nibom kakina, tabickotc 8ina8a.

Min8adjimo8ini kagi ojibiag kitcit8a Lok 13:5

Ki8idamonom, ka8in teb8e ii. Kina8a dac, kicpin ega an8endizo8eg, kiga nibom kakina, tabickotc 8ina8a.”

Min8adjimo8ini kagi ojibiag kitcit8a Lok 15:10

Mi pejig8an ki8idamonom, min8endamo8an Kije Manido odajeniman apitc pejig ka patadidj a8iag odji an8endizodj.”

Min8adjimo8ini kagi ojibiag kitcit8a Lok 15:7

Mi pejig8an ki8idamonom, na8adj kada min8endamog icpimig ka te8adj apitc pejig eta ka patadidj a8iag odji an8endizodj, apitc8in cagidasomidana acitc cagidatcin a8iagog ka mino inadizi8adj, ‘Ka8in mamakadj niga an8endizosimin’ ka inenimidizo8adj.”

Min8adjimo8ini kagi ojibiag kitcit8a Lok 16:28

Iima dac tajike8ag nanan nidjiki8eg. Oga nda 8idama8an dac ega kidji inakamigizindjin tabickotc nin kagi inakamigizian, ega ke8ina8a kidji pija8adj ooma ka iji kodagitonani8anig.’ ”

Min8adjimo8ini kagi ojibiag kitcit8a Lok 24:47

Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.

John 20:31

Nigi ojibian dac oo8e kidji gi teb8etameg mi aa Jesos kagi ikidonipanin Kije Manidon kidji pidjinijaogodjin, acitc dac Kije Manido ini Og8izisan. Kicpin dac teb8etameg, Jesos kiga minigo8a pimadizi8ini.

John 3:36

A8enenigotc ka teb8eta8adjin Kije Manidon Og8izisini, kagige pimadizi8ini odaian. A8enenigotc dac ega teb8eta8adjin Kije Manidon Og8izisini, ka8in 8ikad oga aiasin ii kagige pimadizi8ini, tiegodj apanigotc onickenimigon Kije Manidon.

Jesos Odanodaganan Odijitcige8ini8an 10:43

Kakina niganadjimo8innin ogi paba mikomigon, e ikidondjin: ‘A8enenigotc ke teb8eta8adjin, kada kasiigadeni8an opatado8ini8an, epitci macka8izimaganig o8izoni.’ ” Mi ka iji tibadjimodj Pien.

Jesos Odanodaganan Odijitcige8ini8an 11:18

Apitc Coda8innig ka teb8etamo8adj ii kagi nodamo8adj, ogi poni kaganona8an Pienan. Ogi icpenima8an dac Kije Manidon e ikido8adj: “Mi sa teb8e Kije Manido ododapinan ega ka Coda8inni8indjin ke8ina8a kidji gi an8endizondjin acitc kidji gi odji pimadizindjin.”

Jesos Odanodaganan Odijitcige8ini8an 16:31

Ogi ina8an: “Panima ki teb8eta8adj Jesos ka Tibendjigedj. Midac kiga ag8acimigo, kin acitc kakina ka tajike8adj kimigi8amikag.”

Jesos Odanodaganan Odijitcige8ini8an 17:30

8eckadj ako, ka8in onigodinendasinagoban Kije Manido ega e kitci kikenimagani8igobanen, aja dac nogom onada8eniman kakina a8iagon kidji an8endizondjin.

Jesos Odanodaganan Odijitcige8ini8an 19:17

Kakina a8iagog Epes (Ephèse) odenag, Coda8innig acitc ega ka Coda8inni8i8adj, ki nodage8ag adi kagi iji8ebanig. Ki kitci segizi8ag acitc ogi kitci apitendana8a ka Tibendjigendjin Jesosan o8izoni.

Jesos Odanodaganan Odijitcige8ini8an 2:38

Pien dac ogi nak8e8ajian: “An8endizok, acitc panima kakina pepejig e tacieg ki sigaadazo8eg Jesos Christ o8izon kidji abadjito8eg, kipatado8ini8an kidji gi kasiamago8eg. Kiga odisigo8a dac Mino Manido, Kije Manido oca8endjige8in.

Jesos Odanodaganan Odijitcige8ini8an 2:40

Pien kiabadj kin8ej ki tatibadjimo, kidji gi teb8etamindjin. 8e8enda ogi 8idama8an: “Panima ki ag8acimigo8eg! Ka8in acidagimidizokegon igi8e ega ka teb8eta8a8adjin Jesosan. Kada pajacte8agani8i8ag,” ogi inan.

Jesos Odanodaganan Odijitcige8ini8an 20:23

Mi eta ii eji kikendaman. Tasin odenan ka pi teian, Mino Manido ni8idamag kidji kodagito8an 8edi Jerusalemikag acitc dac kidji takonigo8an.

Jesos Odanodaganan Odijitcige8ini8an 20:24

Ka8in nikitci apitendasin nipimadizi8in. Mi eta eji kitci nda8endaman kidji ick8aikam8ag ka Tibendjigedj Jesos kagi inanonijidj, kidji paba tibadjimo8an min8adjimo8in, ka odji kikendjigadenig Kije Manido okije8adizi8in.”

Jesos Odanodaganan Odijitcige8ini8an 24:24

Kegapitc Pilikis (Félix) acitc odik8eman, Danosila (Drusille) ka ijinikazondjin, 8in ka Coda8innik8e8indjin, ki pija8ag, acitc mina8adj ogi nd8e8ema8an Ponan. Ogi ndota8agoban dac Ponan e 8idamago8adjin adi kegi iji teb8eta8a8adjin Jesos Christan.

Jesos Odanodaganan Odijitcige8ini8an 26:18

Kidijinijaon kidji 8idjiad8a kidji 8abi8adj, acitc kidji gi nagadamo8adj ka iji tibikanig acitc kidji pimadizi8adj ka iji 8aseanig. Kidijinijaon kidji 8idjiad8a kidji poni tibenimigo8adjin madji manidon, meckodj dac kidji tibenimigo8adjin Kije Manidon. Ki teb8etaoji8adj dac, opatado8ini8an kada kasiigadeni8an, acitc kada iji acidagimagani8i8ag taji ka iji tendjin ini8e kagi onabamigo8adjin Kije Manidon.’ Mi ka ijidj Jesos.”

Jesos Odanodaganan Odijitcige8ini8an 26:20

Midac ka iji madji inag8a a8iagog kidji an8endizo8adj acitc kidji teb8eta8a8adjin Kije Manidon. Nigi inag kidji mino inakamigizi8adj kidji gi nag8anig egi an8endizo8adj. Nitam nigi 8idama8ag igi8e Damas odena ka tajike8adj, mina8adj dac igi8e Jerusalem ka tajike8adj. Mina8adj dac nigi paba 8idama8ag igi8e mizi8e Coda (Judée) aki ka tajike8adj, ick8eag dac igi8e ega ka Coda8inni8i8adj.

Jesos Odanodaganan Odijitcige8ini8an 28:23

Pon acitc Coda8innig ki onendamog mina8adj kidji ma8adjiidi8adj. Ii dac apitc e kijiganig, na8adj mane Coda8innig ogi nda 8abama8an Ponan ka iji tajikendjin. Kabe kijik Pon ogi aiamian ini Coda8innin. Ogi mikodan Kije Manidon Odogima8i8ini. Ogi k8ag8e cagozoman kidji teb8eta8andjin Jesosan, e abadjitodjin Moisan odinakonige8inan acitc niganadjimo8innin omazinaigani8an kidji 8abadai8emaganig adi eji teb8edj.

Jesos Odanodaganan Odijitcige8ini8an 3:19

An8endizok dac, acitc koki nazikaok Kije Manido, kidji gi kasiigadegin kipatado8ini8an.

Jesos Odanodaganan Odijitcige8ini8an 8:25

Pien acitc John ogi 8idama8a8an a8iagon adi Jesosan ka iji 8abama8adjin ejitandjin acitc adi ka ikidondjin. Midac ka ani ki8e8adj Jerusalemikag. E ani cabocta8eckamo8adj Samani akini, mane odenajicikag ki iji paba tibadjimo8ag min8adjimo8ini.

Ojibiama8agani8i8ag ka teb8etamo8adj Rom odenakag 1:14

Nigi inanonigo mega kidji paba tibadjimo8an min8adjimo8in kakina a8iagokag, Kanes (Grèce) akikag kek8an pakan akikag, acitc taji ka te8adj a8iagog kagi kitci kikinoamazo8adj kek8an taji ka te8adj a8iagog ega mane kagi iji kikinoamazo8adj.

Ojibiama8agani8i8ag ka teb8etamo8adj Rom odenakag 1:16

Ka8in odji pejig nicag8enimosi kidji tibadjimo8an ii min8adjimo8in, ka kitci macka8izimagag. Kije Manido mega odabadjiton ii min8adjimo8ini kidji ag8acimadjin kakina ka teb8eta8andjin Jesosan. Nitam Coda8innig ogi odisigona8a, mina8adj dac ega ka Coda8inni8i8adj.

Ojibiama8agani8i8ag ka teb8etamo8adj Rom odenakag 10:9

Kicpin dac 8idamageieg “Mi aa8e Jesos ka Tibendjigedj,” acitc kicpin teb8etameg kidei8akag Kije Manido egi abidjibaadjin Jesosan nibo8inikag, kiga ag8acimigo8a Kije Manido.

Ojibiama8agani8i8ag ka teb8etamo8adj Rom odenakag 2:4

Kitci kije8adizi Kije Manido acitc cacibendagozi acitc ka8in teci8ag pajacteo8esi. Mi na dac 8edji manenimadj iidi e inadizidj? Kikikenimadok iidi eji kije8adizidj kidji gi odji an8endizo8an.

Ojibiama8agani8i8ag ka teb8etamo8adj Rom odenakag 4:24

Kekina8it acitc 8edji ki ojibiigadeg, ka teb8eta8aiak Kije Manido kagi abidjibaadjin Jesosan ka Tibeniminak nibo8inikag. Kiga k8aiak8abamigonan dac Kije Manido.

Ojibiama8agani8i8ag ka teb8etamo8adj Rom odenakag 5:1

Kigi odji k8aiak8abamigonan dac Kije Manido osa mega kiteb8eta8anan. Aja dac nogom kimino 8idji8anan, adi Jesos Christan ka Tibeniminak kagi pi ijitcigendjin odji.

1 Konit 1:22

Coda8innig panima onada8endana8an mamada8izi8inan. Igi8e Kanes (Grèce) ka odji8adj o8i abadjitona8a omidonendjigani8a.

2 Konit 7:10

A8iag mega Kije Manidokag ijigaba8idj e kackendag egi panaagedj, kada odji an8endizo aa a8iag, midac iidi ke odji ag8acimagani8idj. Ka8in dac a8iag ogagi odji madjendasin ii kackendamo8ini. A8iag dac e kackendag ega 8i pabiziskenimadjin Kije Manidon, kada nibo ega kidji gi ag8acimagani8idj.

Kalecia 2:16

Anic dac nikikendananan Kije Manido e k8aiak8abamadjin a8ian e teb8eta8andjin Jesos Christan, ka8in 8in ka iji mino ijitcigendjin e nosoneamindjin Coda8inni Inakonige8inan. Kenina8it dac nigi teb8eta8anan Jesos Christ kidji gi odji k8aiak8abamigo8ag Kije Manido egi teb8etamag, ka8in dac 8in egi nosoneam8aiakonin Coda8inni Inakonige8inan. Ka8in mega iaga pejig a8iag ka nosoneagin ini Inakonige8inan ogagi odji k8aiak8abamigosin Kije Manidon.

Kalecia 2:20

Mi maia pejig8an ka 8idji nibomagiban Jesos Christ ejinagozian, apitc ka acidak8a8agani8idj tcibaiatigokag. Nogom dac ka8in nin nitibendasin nipimadizi8in, 8in sa Jesos Christ ka tibendag, egi pidigeckaojidj. Ka iji pimadizian dac nogom, e teb8eta8ag Kije Manido Og8izisan 8edji iji pimadizian, 8in ka sagiijidj acitc kagi pagidenimidizodj kidji nibodj nin odji.

Kalecia 3:22

Ka8in dac tag8asinon inakonige8in ii e ijinag8ag. Mazinadeni dac Kije Manido Omazinaiganikag kakina a8iagog ooma akikag e tibenimigo8adj patado8ini. Midac ag8acige8ini kagi ikidopan Kije Manido kidji minadjin ka teb8etamindjin, mi eta ka teb8eta8andjin Jesos Christan ka minadjin.

Epes 1:15

Mi 8edji mig8etc inag Kije Manido kina8a odji. Nigi nodan mega adi inigik kiabadj eji teb8eta8eg Jesos ka Tibendjigedj. Nigi nodan acitc adi inigik eji sagieg8a kakina Kije Manido odanicinabeman.

Kolosi 2:5

Misa8adj e na8abaminagok, apanigotc kikitci mik8eniminom, acitc nikitci min8endan e kikeniminagok e sogi ma8asag8ino8eg, acitc e sogi teb8eta8eg Jesos Christ.

Pilemo 1:5

Nigi nodan mega adi epitci sagiad8a Kije Manido odanicinabeman acitc adi epitci teb8eta8adj ka Tibendjigedj Jesos.

1 John 5:1

Aa a8iag ka teb8etag mi aa Jesos Kije Manidon kagi ikidonipanin kidji pidjinijaogodjin kidji ag8acimigo8ak, Kije Manido odabinodjijiman ijinagozi. A8iag ka sagiadjin Kije Manidon Kidadaminani, osagian acitc Kije Manidon odabinodjijimini.

1 John 5:5

Mi eta 8aa ka teb8eta8adjin Jesosan 8in Kije Manido Og8izisan e aiaa8indjin, ke kackitodj kidji cagodjitodjin patado8inan.