Jesos Odanodaganan Odijitcige8ini8an 20:12 - Kije Manido Odikido8in: Ocki Mazinaigan

¹² Pimadizigoban aa ockina8e, midac ka iji ki8e8inagani8idj, acitc kakina a8iagog ki kitci min8endamog.

Jesos Odanodaganan Odijitcige8ini8an 20:12 Iomraidhean Croise

Jesos Odanodaganan Odijitcige8ini8an 20:11

Mina8adj dac Pon ki koki ik8ada8e. Ogi papak8ebinan pak8ejiganan acitc ogi 8idji 8isiniman ka teb8etamindjin. Kabe tibik ki kagik8e, pinici kidji 8abanig. Midac ka iji madjadj.

Jesos Odanodaganan Odijitcige8ini8an 20:13

Nina8it dac nigi nigani madjiacimin, Assos odena kidji gi oditaciag, taji Pon kegi odji poziagidiban. Misa kagi onendamagiban, Pon mega mikanakag 8i ani ijaban kidji oditag 8edi.

2 Konit 1:4

Kikagidjiigonan tasinigotc e kodagito8ak. Kidani kackitonanan dac kidji kagidjiaiakonig kodagiag apitc kodagito8adj, Kije Manido mega aja kigi kagidjiigonan iidi pejig8an.

Epes 6:22

Mi 8edji ijinija8ag Tikik kina8akag, kidji kikendameg adi eji pimadiziag, acitc 8in kidji sogideeckago8eg ega kidji ana8endjigeieg.

1 Tesalonika 3:2

Nidjiki8enan aa Timote, ka 8idji mikimomigo8ag e anokita8agidj Kije Manido. Ni8idjiigonan dac kidji paba tibadjimo8agidj ii min8adjimo8ini ka odji kikenimagani8indjin Jesos Christan. Kina8akag dac nigi ijinija8anan kidji gi sogideeckago8eg acitc kidji gi 8idokago8eg kidji sogigaba8ieg kiteb8etamo8ini8akag.

1 Tesalonika 4:18

Kagidjiidiok dac kakina pepejig e tacieg e abadjito8eg ii ka iji 8idamago8eg.

1 Tesalonika 5:11

Misa dac sogideeckodadiok pepejig e tacieg acitc 8idokodadiok kidji sogigaba8ieg, tabickotc aja ka taji todameg.

1 Tesalonika 5:14

Nidjiki8enanag! Kipagosenimigom kidji kanoneg8a ka kitci kitimi8adj. Sogideeckaokog igi8e ka ana8endjige8adj. 8idokaokog igi8e ka cagozi8adj. Cacibenimikog kakina a8iagog.

2 Tesalonika 2:16

Kije Manido Kidadaminan kigi kitci sagiigonan. E minigo8ak okitci ca8endjige8in, kigi minigonan kagige kidji sogideeiak, acitc kidji kitci sogi apenimo8ak. 8in nipagosenimanan, acitc dac 8in tibina8e ka Tibeniminak Jesos Christ,